انا عربتى لانوس 2 موديل 2002 عاملة 126500 كم
المشكلة صوت عالى مثل هدير اليماه مع زيادة سرعة العربية
الحل / تغيير بلى امامى
الثمن 220 عدد 2 بلية اسبانى من ابو الحسن 20 ج خراط 60 ج مصنعية
النتيجة / اختفاء الصوت تماما
عرض للطباعة
انا عربتى لانوس 2 موديل 2002 عاملة 126500 كم
المشكلة صوت عالى مثل هدير اليماه مع زيادة سرعة العربية
الحل / تغيير بلى امامى
الثمن 220 عدد 2 بلية اسبانى من ابو الحسن 20 ج خراط 60 ج مصنعية
النتيجة / اختفاء الصوت تماما
صوت شخلله من العجله الامامى تحت السائق. لفيت كتير و اخيرا غيرت الاتى:
- المسمار اللى رابط الطنبوره بالصره اتكسرو الخراط حل المشكله دى
- مكان المسمارين بتوع ماستر الفرامل مبوش و النتيجه ان الماستر سايب و هو اللى كان عامل صوت الشخلله فى المطبات. تو شراء ماستر استيراد 115 جنيه
اختفاء الصوت و الحمد لله
المشكلة تزييق وليس طقطقة عند لف طارة الدركسون من جهة يسار العربية صوت أشبة بالزمجرة يأتى ويذهب عند لف الدركسيون خاصة على الثابت
المحاولات :-
1-تغيير بيض مقص دون جدوى
2-تغيير جلد المقصات وكبسهم وتشحيمهم دون جدوى
الحل :- وجود بوش فى رأس الكوبلن وتوجب علية شراء رأس جديد او أستراد أصلى وهذا ما فعلته
التكلفة عود كبالن الطويل أستيراد أصلى بمبلغ 140 جنية + 50 مصنعية وحلت المشكلة الحمد لله
الموضوع والفكرة جميلة بس احنا مش كلنا عندنا ملكة الشرح الجيد وتوصيل المشكلة وحلها
فياريت الخبراء اللى فى المنتدى يعملوا دليل على شكل فهرس
يبقلى عبارة عن المشكلة وسببها وطريقة حلها
هتبقى مفيدة وجميلة
اتمنى الفكرة تلاقى حد ينفذها ةان شاء الله تبقى مفيدة لكل الناس فى المنتدى
العطل:
العربيه بتقطع جامد جدا مع ريحه شياط بدون أى مقدمات يعنى ركنت العربيه سليمه و تانى يوم شغلتها لاقيتها كده
التشخيص:
العربيه شغاله 2 سلندر لأن الموبينه نصها قطع و ريحه الشياط من احتراق دهان علبه الشكمان الجديده لأن العادم فيه بنزين غير مكتمل الاحتراق و بيكمل الحريق فى الشكمان
الحل:
تغير موبينه أصلى و طقم كابلات و طقم بوجيهات
ربنا يكرمك اخر كرم
بس سؤال ناس نصحوني اني اجيب الجوان الاصلي احسن ايه رايك ؟
حصل تنتيشه في العربيه و ماكنتش عايزه تسحب
الحل تغيير بوجيهات وطقم اسلاك البوجيهات
و بالمره غيرت فلتر الهواء و البنزين
كله بالمصنعيه اتكلف 180 جند
* لانوس 2002 كاملة 210 الف كم
* ابتديت أشم ريحة غريبة و أنا ماشى مكنتش عارف أميزها ( كأنها بسطرمة بالثوم )
* لغاية لما بقت واضحة جدا ففتحت المروحة علشان أتأكد جاية من التابلوه و لا لأ فلقيت دخان طالع من الهوايات
* بطلت على طول و بصيت على الميه لقتها نقصت شوية و لقيت ميه خضراء بتنقط من خرطوم الفايز الى فى سدر الماتور
* دورت و زودت ميه و روحت على محل اكسسوارات و اشتريت عبوة واحدة من الكرتونة الى شبه دى ABRO STOP LEAK ب 4 جنيه + ثلاثة عبوات ميه مقطرة ب 4 جنيه و نص
http://img.auctiva.com/imgdata/0/5/9...3193474_tp.jpg
* اتبعت التعليمات الى مكتوبة على العبوة كلاتى
- دورت العربية و زودت ميه مقطرة ببطىء لظبط المستوى
- اضفت محتويات العبوة ببطىء من فتحة القربة
- قفلت الغطاء
- قعدت ربع ساعة مدورها على RPM أعلى من السلانسيه 2000 مثلا
- المفروض كده خلاص الخرم اتسد
- اتطريت ازود ميه تانى بعد مشوار طويل ( مش عارف طبيعى بسبب ان الدورة بتاخد وقت لظبط الهواء و لا ظهر خرم تانى و اتسد ببقايا المادة الفعالة )
* ما زلت متابعها و الميه منقصتش تانى لغاية دلوقتى بعد مشاوير مجهدة
* لو لقدر الله الموضوع ظهر تانى ده معناه ان السربنتينه تهالكت فأنا محضر خطة بديلة لان تغيير السربنتينة غلبة : حلغى السخان خالص - حفك خرطوم من الاتنين خالص و التانى حفكه من ناحية سدر العربية و وصله فى مكان الخرطوم الاولانى فى الماتور
* و ده يبقى حل مؤقت و سريع و غير مكلف عيبه الوحيد ان مفيش هواء سخن حتقدر تجيبه من التابلوه تانى
العربيه مش عايز تدور
(طرمبه البنزين مش شغاله - البوبينه مش شغاله)
كان الشك في الكنترول
او حساس الكرنك
بصينا عليهم شغالين تمام
الحل : طلع فيش الضفيره اللي تحت الكرسييين مملحين وفيهم صدا
تم صنفرتهم وورش اسبراي تنظيف الكاربراتير
العربيه دارت وتمام