مشكلة في الردياتير و السحونة هتجنني

**gadix** · 27-05-2010 02:41 PM

المشاركة الأصلية كتبت بواسطة samirayad

نعم

لحد ماتوصل للدرجه الواطيه المكتوبه على الثرموثتات

يعنى الثرموثتات ذو المدى الحرارى 90 / 85

تشتغل المروحه أوتوماتيك عند 90 وتفصل عند 85

نعمل الأول تجربة الثرموثتات الواطى 90/ 85

وهات نوع نظيف

أفتكر فيه منه ألمانى بحوالى 30 ج أو أقل

ونجرب الوضع الجديد

مشى الوضع على كده ............يبقى الحمد لله وكده أنت حتبقى فى الأمان بكثره

أما لو لم يحدث تحسن

يبقى الردياتير كفاءته فى الأنتقال الحرارى بين الهواء الخارجى والميه مش كويسه

وياتجيب مروحه أقوى أو تغيره

انا جايب ترموستات اسباني اسمه fae ب 35 جنيه
انا لسة مغير الردياتير من اقل من شهر و مستحيل الراجل الي ركبهولي يقتنع ان فيه مشكلة هيقولي مليون سبب تاني عشان ميعترفش ان العيب من عنده و حرام اشتري واحد تاني ب 300 جنيه

**mohamed9999** · 27-05-2010 03:06 PM

اانا مركب ترموستات المانى ب25ج 79-88
وبعدين موضوع ان لو العربيه سخنت متدورش اكشف على الموبينه

**eng_ahmedryad** · 27-05-2010 04:04 PM

المشاركة الأصلية كتبت بواسطة samirayad

علامات تلف الطلمبه الواضحه

1- نزول ميه من منطقة الحشو ( الميكانيكال سيل ) مع شغل الطلمبه

2- سماع صوت غير مرغوب من عند الطلمبه زى النحر أو الوره ممايدل على تلف بلى الطلمبه

____________________

أحيانا لا يلاحظ هذه العلامات ويتم تغيير الطلمبه أيضا نتيجة وجود خلل فى مكونات الطلمبه نفسها والغير مرئيه للعين

زى تآكل رفاص الطلمبه مثلا

شكرا جزيلا على أهتمامك

المشاركة الأصلية كتبت بواسطة samirayad

نعمل الأول تجربة الثرموثتات الواطى 90/ 85

وهات نوع نظيف

أفتكر فيه منه ألمانى بحوالى 30 ج أو أقل

طيب هو فيه حد متخصص بيبيع الترموستات مثلا ؟

لأني لقيتها عن بتاع قطع الغيار لكن بتشتغل على نفس درجة الحرارة يعني مالهاش لازمة (مع العلم أن عربيتي رينو).

**samirayad** · 27-05-2010 04:12 PM

طيب هو فيه حد متخصص بيبيع الترموستات مثلا ؟

موجود عند بتوع قطع الغيار

وبيسموه ساعة مروحه

على أساس أنه بيشغل المروحه وقت معين ويفصلها

لأنه عباره عن ثرموكبل ( مش أكتر )

بيلمس كونتاكت جواه مع ارتفاع الحراره ووصولها للدرجه اللى حيحصل عندها الكونتاكت لتكملة الدايره الكهربيه للمروحه

وبيفصل الدايره مع الوصول للدرجه الدنيا على الساعه ( الترموستات )

لأني لقيتها عن بتاع قطع الغيار لكن بتشتغل على نفس درجة الحرارة يعني مالهاش لازمة (مع العلم أن عربيتي رينو).

لا ياباشا أنت ممكن تختار ساعه بمدى حرارى مناسب لطلبك

وغالبا 90 / 85

ده مدى مناسب بشكل كبير

**ahmed_moeaz** · 27-05-2010 04:21 PM

شوف يا غالى اعمل اللى هقولك عليه وان شاء الله العملية هتتيسر معاك زى مانا فهمت من ردودك
1-اولاً روح للميكانيكى وقوله خدلى هوا العربية هو هياخده سواء كان عندك حانفية فى الاردادتير او هيفصل الخرطوم الراجع للقربة من الاردادتير وده مهم جداً لو لقيت مستوى المية بينقص معاك بصورة كبيرة
2-ضرورى ضرورى لازم تروح تظبت تاكيهات والكامة عند اى ورشة ضبط تاكيهات ودى بتتكلف فى حدود25 جنية ومش بتاخد اكتر من ربع ساعة لغاية مالعربية تبرد بس ويظبتلك التاكيهات لان ممكن الاحتكاك ده هو اللى بيسخن العربية ولو عملت ايه العربية سخونتها مش هتقل
3-حاول تكشف على الشكمان بتاع العربية لان واضح من كلامك ان العربية مبتسخنش وهى دايرة سالنسية والسخونية بتيجى من المشى فشوف التاكيهات والشكمان لكن الأول شوف التاكيهات

وبكررهالك مرة تانية شغل المروحة من بدرى ومش مهم حتى لو العربية فضلت سخنة فالمروحة بتساعد كتير ومتحاولش تتعب نفسك مع حكاية الترموستات بتاعها لان زى مانت بتقول ان العربية بتسخن وهى شغالة وتقدر حتى تشغلها يدوى.. وربنا يسهلك الحال وتقدر تحل المشكلة دى.

**engahmedsamy** · 27-05-2010 04:26 PM

هاط ترموسطات 85 او 90 و اسئل بتاع قطع الغيار داة بيشتغل علي كام و بيفصل علي كام ؟

**eng_ahmedryad** · 27-05-2010 04:57 PM

المشاركة الأصلية كتبت بواسطة samirayad

موجود عند بتوع قطع الغيار

وبيسموه ساعة مروحه

على أساس أنه بيشغل المروحه وقت معين ويفصلها

لأنه عباره عن ثرموكبل ( مش أكتر )

بيلمس كونتاكت جواه مع ارتفاع الحراره ووصولها للدرجه اللى حيحصل عندها الكونتاكت لتكملة الدايره الكهربيه للمروحه

وبيفصل الدايره مع الوصول للدرجه الدنيا على الساعه ( الترموستات )

لا ياباشا أنت ممكن تختار ساعه بمدى حرارى مناسب لطلبك

وغالبا 90 / 85

ده مدى مناسب بشكل كبير

تمام كده

إن شاء الله هفكه وأدور عليه عند أي حد بتاع قطع غيار مش شرط رينو

**aYaBooY** · 28-05-2010 10:38 PM

الاخ صاحب الموضوع معلش هاعيد عليك شوية حاجات من ركيب 128 قديم
اولا لو هاتجيب ترموستات جديد هاتها 77 88 بلاش الـ 90 و هات الصيني او التركي ابو 8 جنيه كان بيشتغل معايا كويس
ثانيا دور العربية و افتح غطاء الريدياتير و ليس القربة و بص على المياه في الريدياتير المفروض تشوف المياه بتتحرك حركة شبه دائرية و دههاتشوفة من الغطاء لو المياه مش بتقلب يبقي عندك عيب من دورة التبريد ممكن فيه سدد في الريدياتير او طرمبة المياه مش شغالة و برده تتاكد ان الهواء بتاع المروحة بيتشد من خارج العربية للداخل و ليس العكس يعني لما المروحة تشتغل تحس بهبو من خلفها لكن لو لقيتها بتخرج الهبو ده لبرة ينعني بتطرد الهواء يبقي هيا سبب المشاكل
ثالثا و انت فاتح غطاء الريدياتير زود بنزين 3 او 4 مرات جامد لو لقيت المياه بتلف بسرعة يبقي كويس لو لقيت المياه زي النافورة منه يبقي انت كدة عندك مشكلة في جوان وش السلندر
لو ثانيا و ثالثا الدنيا فيهم كويسة يبقي تطلع على اقرب ورشة ظبط تكيهات تظبط و تجرب
و ربنا يعينك على المشكلة ديه

**gadix** · 28-05-2010 11:31 PM

يا جماعة المشكلة اتحلت الحمد لله اخيراااااااااااا
الاول عاوز اشكركم كلكم جزيل الشكر واحد واحد و ربنا يزيد في علمكم و يجازيكم خير علي مساعدتكم للناس
انا وديت العربية لواحد كهربائي جنبي و لما شاف علامات اليأس علي وشي قالي سيبلي العربية و انا هتصرف
ووراح بيها لوحد ميكانيكي عرفني عليه بعد كدة و الحمد لله حلو المشكلة و العربية دلوئتي مش بتسخن و المفاجأة الكبري ان المروحة بقت تشتغل علي 85 تقريبا و تفصل بعد كدة
المشكلة طلعت في دورة التبريد غيروا حاجة اسمها الشجرة و حاجة اسمها الضفدعة ههههههههه
انا عارف الشجرة بس معرفش ايه الضفدعة دي و معرفش بيجيبوا الاسامي الغريبة دي منين المهم مطلعتش في كلب البحر و لا حاجة كانت هتبقي مصيبة
اسعار الحاجة بأة الشجرة ب 40 و الضفدعة الي انا لسة مشفتتهاش ب 20
مصنعية الميكانيكي 60 عشان تغيير الحاجات بالاضافة لتصليح و حشو عصاية الفتيس
الكهربائي اخد 20 جنيه عشان وقف مع الميكانيكي من بعد الجمعة لحد العصر تقريبا لحد ما صلح العربية و جربها
و ادي كل الحكاية
و الحمد لله رب العالمين

**mohamed9999** · 30-05-2010 10:03 AM

طيب يا عم ايه هما الضفدعه و الشجره دول يا ريت الاخوه الاعضاء يشرحولنا ايه المصطلحات دى يعنى اروح للميكانيكى بتاعى اقله غيرلى الشجره و الضفدعه

الموضوع: مشكلة في الردياتير و السحونة هتجنني

LinkBack

أدوات الموضوع

عرض

-

-

-

المواضيع المتشابهه

مشكلة ف الكهربا هتجنني ف عربية شاهين

مشكلة هتجنني في الجين تو

مشكلة هتجنني با جماعة

عندي مشكلة في الافيو هتجنني

مشكلة الويرلس هتجنني

الكلمات الدلالية لهذا الموضوع

المفضلات

المفضلات

ضوابط المشاركة