مشكلة في الردياتير و السحونة هتجنني

**mohamed9999** · 26-05-2010 04:00 PM

(انا اقصد اول صوره بعد المؤشر فى اول صوره ) رد ارجوك الصوره الاولنيه اللى المؤشر فيها معدى النص بشويتين

**samirayad** · 26-05-2010 04:11 PM

بعد اذن صاحب الموضوع لان المشكله مطابقة مش مشابهه يا ريت يا بشمهندس سمير تبص على الموضوع دا و تبص على صورة امبير الحراره اللى فى الموضوع وتقللى اية رايك فيه صوره امبير الحراره قبل ما المروحه تشتغل بثوانى الحراره تعدى النص و الصوره التانيه المؤشره بيقف عند تقريبا النص ولما يعلى ويعدى درجه او اتنين المروحه تشتغل زى الصوره رقم 1 (بعد اذن صاحب الموضوع مره تانيه)

تم الرد فى داخل الموضوع

**mohamed9999** · 26-05-2010 04:25 PM

شكرا يا بشمهندس سمير

**kasten** · 26-05-2010 05:15 PM

متـــــــابع

**gadix** · 26-05-2010 05:28 PM

طيب ايه الي ممكن يكون في الردياتير؟ و ايه الاحتمالات لو حاجة تانية غير الردياتير؟
و تنصحني اعمل ايه دلوئتي؟ انا زهئت من الصنايعية

**samirayad** · 26-05-2010 06:12 PM

المروحة بتشتغل اوتوماتيك فوق ال 95
يوم الجمعة الي فاتت في يوم واحد بس غيرت و ركبت 4 ترموستات مختلفين
و كلهم بيخلوا المروحة تشتغل فوق ال 95

ركب ثرموثتات مروحه أأقل فى مدى الدرجات من اللى عندك حاليا

حاجه تشغلك المروحه عند 90 مثلا

**orabi** · 26-05-2010 06:57 PM

1/ركب ترموستات اقل تشتغل عند دره 85 /90
2/ بص على المروحه حركتها سريعه ولا لا يعنى بتعمل تيار هوا على الموتور ولا لا لو لا ركب لها كتاوت
3/ بص على اتجاه الهوا الخارج من المروحه ناحيه الموتور يبقى صح لو ناحيه الريداتير بيقى قميص المروحه مقلوب وهوا ده السبب امفرود المروحه تسحب هوا بارد من خارج السياره فيعدى الهوا على الريداتير فى الطريق فيبرده ويعدى على الموتور فيبرده
4/كل ده ومفيش نتيجه يبقى تراجع ترمبه الميه هل التقليب جيد فى الريداتير او هناك سدد فى الريداتير حاول تروح لبتاع ريداتير يفكه ويفك لحماته ويسلكه بالسلك وبعدين يركبه تانى وان شاء الله المشكله تتحل

**ahmed_moeaz** · 26-05-2010 08:19 PM

فى موضوع الحرارة الزائدة للعربية بتمشى فى 3 محاور
الاول اتأكد من سلامة الجوان لوش السلندر وده بتعرفه ان العربية بتسخن فى ثوانى من الدوارة وقربة المية بتبقلل فيها المية والماكينة بتدور بصعوبة
الثانى اتأكد من دور المياة وخصوصاً لو الدورة فيها هوا فحاول تنضف الدورة وخد هوا العربية لو عندك حانفية او تفك الخرطوم اللى رايح للقربة من الاردادتير
الثالث وده انا شايف محدش اتكلم عنه ضرورى تروح تظبت تاكيهات ...لازم تروح وتضبظ تاكيهات خصوصاً لو العربية بتسخن معاك على سرعات عالية
لكن نصيحتى ليك لغاية حل المشكلة انك تشغل المروحة وقبل ال90 يعنى بمجرد العربية تسخن منك ل70 شغل المروحة وسبها شغالة ومتقلقش مفيش تأثير على البطارية وانا متابع معاك بس امشى على اللى قولتلك عليه وقولى النتيجة

**eng_ahmedryad** · 26-05-2010 08:34 PM

المشاركة الأصلية كتبت بواسطة samirayad

دور وأنت رافع الكبوت والمكنه لسه بارده

وزود بنزين جامد وأنت فاتح غطاء القربه

لو شفت بقاليل واضحه فى القربه

يبقى حتحتاج تغير جوان وش سلندر

غطاء القربة ولا غطاء الريداتير تقصد ؟

ولو قصدك القربة وما شوفتش فيها حاجة ، أجرب أفتح غطاء الريداتير وأشوف ؟

وهل فيه طريقة أقدر أعرف بيها الطرمبة شغالة ولا لأ ؟

وجزاك الله خيرا يابشمهندس

**samirayad** · 26-05-2010 08:39 PM

غطاء القربة ولا غطاء الريداتير تقصد ؟

أى واحد ياباشا

كلها دورة تبريد واحده ومتصله ببعضها

وهل فيه طريقة أقدر أعرف بيها الطرمبة شغالة ولا لأ ؟

الطلمبه لازم تشتغل وإلا المكنه حتولع من السخونه بمجرد ماتدور بفتره لاتذكر

الموضوع: مشكلة في الردياتير و السحونة هتجنني

LinkBack

أدوات الموضوع

عرض

-

المواضيع المتشابهه

مشكلة ف الكهربا هتجنني ف عربية شاهين

مشكلة هتجنني في الجين تو

مشكلة هتجنني با جماعة

عندي مشكلة في الافيو هتجنني

مشكلة الويرلس هتجنني

الكلمات الدلالية لهذا الموضوع

المفضلات

المفضلات

ضوابط المشاركة