الموضوع: حوارات الأطباء والمرضى

المشاركة الأصلية كتبت بواسطة tifana2010

السلام عليكم يا دكاترة المنتدى
ربنا معاكم و مع المرضى


على فكرة واحدة جارتنا كانت فى الخليج مع جوزها المهندس وكان شغال فى وزارة ؟؟؟ هناك
وهى هناك جيرنها اتزنقوا فى واحدة ست تغسل متوفية عندها
و لما ساعدتهم فى الموضوع ده كخدمة وكانت اول مرة ليها
لعبت البلية معاها واتعرفت هناك فى الشغلانه دى وحاجة ميه ميه

موضوع التغسيل ده بيبقى تطوعي في 90% من الاحوال ... وده شيء محمود
واللي بيعملوه بيرفضوا اي اجر وبيبقى عمل خير فقط واجره عند الله
انا اعرف ناس بيعملوا الموضوع ده ابتغاء وجه الله فقط وهما في اوضاع اجتماعية ومادية عالية جدا
وفيه بنات في الجامعات ومنهم الجامعات الاجنبية وناس مكانتهم الاجتماعية راقية جدا وبيحرصوا على تغسيل الموتى لوجه الله ... وده له ثواب عظيم عند الله .... غير انه بيبقى فيه عظة كبيره



من غسل ميتا فكتم عليه غفر الله له أربعين مرة ، ومن كفن ميتا كساه الله من سندس واستبرق في الجنة ، ومن حفر لميت قبرا فأجنه فيه أجرى الله له من الأجر كأجر مسكن أسكنه إلى يوم القيامة .

الراوي: أبو رافع مولى رسول الله - خلاصة الدرجة: صحيح - المحدث: الألباني - المصدر: صحيح الترغيب - الصفحة أو الرقم: 3492

المشاركة الأصلية كتبت بواسطة tifana2010

ماشى يا حاج أحمد بيبقى تطوعى بنسبة 90 % و عظة و كلامك صح
بس اللى باحكى عنها كانت تؤجر على هذا الموضوع و دا مش عيب
و لما الرسول (ص) اتسأل عمن يأخذ أجر على قرأت القرأن
قال (صلى الله عليه وسلم) "خير ما يؤجر عليه المرء"
و يا سيدى اعتبرهم من 10 %
خليهم يسترزقوا ويلحقوا يعيشوها

كلامك صح طبعا
ومش حرام انها تاخد اجر ... وده اللي سائد في المستشفيات .... لكن في حالات الوفاة في البيت غالبا بيكونو متطوعين كما ذكرت
انا فقط باحب انبه لبعض حاجات لما تيجي فرصة لأنها بتكون خافية على معظم الناس مع انها مهمة جدا

طبعا الأطباء ياما بيشوفوا من المرضى وده لأن المريض ممكن يكون فهمة على قده او لا يجيد توصيل أحساسة بالمرض والألم او لجهلة , لكن المرضى ايضا يعانون من بعض الأطباء اشد المعاناة ولا عذر للطبيب في هذه المعاناة فلا عذر لقلة ضميره ولا عذر لقبح كلامه وكبره ولا عذر لمحاولة عمل "بيزنيس" على المريض ولا عذر لقلة الحياء ولا عذر للتهكم ولا عذر للاستخفاف بالمريض.
وعلى الجانب الأخر تجد أطباء يتقون الله عز وجل ويحسنون ما يصنعون ويعتبرون ما بين أيديهم من المرضى أخ او أب او أخت او ام او قريب فلا يغشوه ولا يخدعوه وأحيانا يعالجون الفقراء بلا مقابل بل ويعطونهم من الصدقات .
اود ان احكي موقف حصل معي عندما ذهبت لطبيب الاسنان
ذهبت لمركز جيد في علاج الأسنان وكان شغلهم يمتاز بدقة المواعيد الموعد 6:30 يكون بالضبط او 5-10 دقائق بعده حفاظا على وقت المريض وانضباط المركزوالاستفادة المادية ايضا .
المهم كان عندي موعد وذهبت قبله وجلست انتظر عدة دقائق وكان المركز كلما اتصل بالطبيب لا يرد على الهاتف قلت في نفسي يمكن عنده ظرف "بني ادم زينا برضه" المهم بعد حوالي ساعة من الموعد حضر الطبيب وكان شاب مضى على تخرجه حوالي عشرة أعوام ودخلت وجلست على الكرسي وبدأ بقوله: حضرتك بتشتكي من ايه؟؟
طبعا انا دمي اتحرق لأنه لم يكلف خاطرة بالاعتذار ولو صوريا حتى لو هو نفسه غير منضبط في مواعيده , فرديت عليه بما يعني .. مش الأول حضرتك تعتذر عن العطلة الي تسببت لي فيها وعن التأخير؟
قالي: اصل السكة زحمة وانا باجي من بعيد (بعيد ديه كانت المهندسين او الزمالك والمركز في مدينة نصر) . طبعا فطنت ان الحديث معه لن يأتي بغير عطلة اكبر فقلت له من ما اشتكي وكروتني اخر كروته في الدنيا وشغل اي كلام ولا كأني رحت لطبيب اسنان,ودفعت فلوس زي الباشا وذهبت عازما الا اعود لنفس الشخص مره اخرى.
طبعا إنضباط المواعيد في اي مجال بيكون نابع عن إنضباط في العمل وإحترامه للمريض بيكون إنعكاس لإحترامة لذاته ومهنته. وإن حدث خلل فوجب الإعتذار.