حوارات الأطباء والمرضى

**الغزالى** · 01-06-2010 01:32 AM

المشاركة الأصلية كتبت بواسطة أم حمـــاس

اه نسيت اقلكم ان الست دي ماتت بعدها بخمس ساعات

شرارة...

الا مش ملاحظة ان كل عيان بتكشفى علية غالبا بيموت

**Dr Ahmed** · 01-06-2010 01:34 AM

المشاركة الأصلية كتبت بواسطة aif

يظهر ان الزمبالين ده ح يبقى ظاهرة .... زي البنطلونات الساقطة

بس انا شايف ان موضوع اطباء الصيدليات ده مش وحش
احنا 90 % من الناس بتشتري الدواء م الصيدلية بدون رأي طبيب اساسا
يبقى وجود الطبيب ده افضل من عدمه .... وبعدين ده مش بياخد أجر م المريض ... أجره من الصيدلية علشان وجوده بيسمع وبيزود الزباين والمبيعات

لا يافندم
دا مجرد ستار
دا جايز ولا يطلع دكتور من أساسه
أو بالكتير امتياز (مع احترامى للامتياز) وبيحرق نفسه علشان كام جنيه
يسمع منهم واحد دبلوم زى مايسمع صيدلى زى ما يسمع طبيب غير مؤهل
وهل هتوجد حجرة كشف وللا على الناشف؟
فيه طب وعلاج يدار بالأعراض فقط؟
دى مجرد سقطة جديدة فى مسلسل السقوط للهاوية

المشاركة الأصلية كتبت بواسطة muslima

سؤال خارج الموضوع

هو حضرتك الحاج احمد اللي في قصة " سيارة شنوري أتسرقت؟

أصلي تخيلتها شخصية من نسج خيال المؤلف او عضو قديم في المنتدى

هو بعينه
شفتى عمل إيه فى كمال وجاى يقوللنا هنا إيه؟

**dr.amr** · 01-06-2010 01:52 AM

المشاركة الأصلية كتبت بواسطة aif

انت أكيد قريبنا وان مش واخد بالي أو ع الاقل بلدياتنا .... من زمبالين البلد

ايوه فعلا يا حج احمد

انا الزمبالاوي الكبير

ده انا مبلبع زمبالين بعدد شعر راسي

**dr.amr** · 01-06-2010 01:54 AM

المشاركة الأصلية كتبت بواسطة mgazaly

الا مش ملاحظة ان كل عيان بتكشفى علية غالبا بيموت :oc_sun1[1]:

اي والله يا غزالي

انا عايز اقولها كده من بدري

بس قولت بلاش احراج في وسط المنتدي

نداء من جمعية اطباء مصر الشرفاء ل ام حماس

ارجوكي العمليه مش ناقصه

**SunSet** · 01-06-2010 01:56 AM

المشاركة الأصلية كتبت بواسطة aif

ههههههههههههههههههههههههه ه
انا قاعد اضحك بصوت عالي وانا لوحدي ...... لما ح يقولو عليا مجنو ..... مجنون يعني
....
ايون انا الحاج احمد ابراهيم اللي في القصة الشهيرة ... وانا فعلا عضو قديم في المنتدي من سنتين ونص تقريبا
شوفتي بقى بيشهروا بيا ازاي
وشنوري استغل التوقيع بتاعي اسوأ استغلال في اعماله الشريرة

بس معلش انا عاوزة افهم معنى التوقيع !!!!!!!!!!!!؟ هل بيحمل معنى تعلف بغير الله والا انا بيتهيألي؟

**m7nsh** · 01-06-2010 02:02 AM

الموضوع خراااافى يا دكاتره ,, ربنا يصبركم على الناس الغلابه دول بيكونو مش فاهمين و المشكله لو جالك فى وقت بتكون انت خلصان فيه بقى و مش طايق مناقشات خايبه
بس فعلا حاجه تحزن ...
اشكر بشده الدكتور احمد على فكره الموضوع اللى طلعت بلاوى من الناس هههههه .. دول معبيين و ساكتين يا دكتره
ملاقيش حاجه للصداع بتاع الضوافر .. قبل ما تقول انا عارف ان ده من اللوز !

**doctor_eid** · 01-06-2010 02:14 AM

جرس المحمول يرن الساعة 1.30 صباحا
أنا: الو..مين؟
عبدالناصر: ايوة يا دكتور ... انا عبدالناصر
أنا: عبدالناصر مين؟
عبدالناصر: أنا عبدالناصر اللي عندي قطع في الرباط الصليبي.. و حضرتك قلتلي اني محتاج عملية.
أنا (باهتمام): ايوة يا عبدالناصر،، خير يا حبيبي
عبدالناصر: انا عملت العملية فعلا عند الدكتور فلان في القاهرة
أنا:....................طيب خير ايه المطلوب
عبدالناصر: انا بس رجلي بتوجعني دلوقتي (1.30 صباحا) ممكن تقوللي على حاجة مسكنة اخدها
أنا (في سري): @##$#@$$$###@$#@%$@%%%%%$#%$#@%$
أنا: روح الصيدلية خللي الصيدلي يديك اي حقنة مسكن
عبدالناصر(بتباتة يحسدعليها): يعني اقوله يديني ايه
أنا: أي حاجة.....مع السلامة...

المحمول يرن، المرة دي الصبح و أنا في شغل
(ع): الو يا دكتور أنا (ع) اللي حضرتك عملتلي عملية شرايح في ذراعي من 8 شهور
أنا: ايوة يا (ع) خير فيه ايه
(ع):انا واحدة زميلتي خبطتني في ذراعي و بيوجعني قوي...(ثم بانهيار) مش حاسة بيه...مش حاسة بيه
أنا: طيب الف سلامة. تيجي لي المستشفي نعمل لك اشعة و نطمئن
(ع): ليه هو فيه ايه
أنا: ما اعرفش ادينا هنشوف
(ع) (و بانهيار اشد):لا هو انا لسة دراعي هينفتح تاني. .......لسة سنة هتضيع من عمري
أنا: خلاص يا (ع)ما تجيش و لا حاجة. خديلك اي حاجة مسكنة و ابقي عدي علي بعد الإمتحانات

و الحكايات كتير

د.عيد

**asbeats** · 01-06-2010 02:37 AM

المشاركة الأصلية كتبت بواسطة drdreid

جرس المحمول يرن الساعة 1.30 صباحا
أنا: الو..مين؟
عبدالناصر: ايوة يا دكتور ... انا عبدالناصر
أنا: عبدالناصر مين؟
عبدالناصر: أنا عبدالناصر اللي عندي قطع في الرباط الصليبي.. و حضرتك قلتلي اني محتاج عملية.
أنا (باهتمام): ايوة يا عبدالناصر،، خير يا حبيبي

عبدالناصر: انا عملت العملية فعلا عند الدكتور فلان في القاهرة
أنا:..........

..........طيب خير ايه المطلوب
عبدالناصر: انا بس رجلي بتوجعني دلوقتي (1.30 صباحا) ممكن تقوللي على حاجة مسكنة اخدها
أنا (في سري):

@##$#@$$$###@$#@%$@%%%%%$#%$#@%$
أنا: روح الصيدلية خللي الصيدلي يديك اي حقنة مسكن
عبدالناصر(بتباتة يحسدعليها): يعني اقوله يديني ايه
أنا: أي حاجة.....مع السلامة...

المحمول يرن، المرة دي الصبح و أنا في شغل
(ع): الو يا دكتور أنا (ع) اللي حضرتك عملتلي عملية شرايح في ذراعي من 8 شهور
أنا: ايوة يا (ع) خير فيه ايه
(ع):انا واحدة زميلتي خبطتني في ذراعي و بيوجعني قوي...(ثم بانهيار) مش حاسة بيه...مش حاسة بيه

أنا: طيب الف سلامة. تيجي لي المستشفي نعمل لك اشعة و نطمئن
(ع): ليه هو فيه ايه
أنا: ما اعرفش ادينا هنشوف
(ع) (و بانهيار اشد):لا هو انا لسة دراعي هينفتح تاني. .......لسة سنة هتضيع من عمري

أنا:

خلاص يا (ع)

ما تجيش و لا حاجة. خديلك اي حاجة مسكنة و ابقي عدي علي بعد الإمتحانات

و الحكايات كتير

د.عيد

الأولاني ده تنح بشكل غير عادي
والتانية ليها حق بصراحة....هي لسه في الضمان

احنا البشر الوحيدين الغير مسموح لهم باغلاق الموبايل او حتى نعمله صامت....

انا مرة واحد بيقولي هو انت بتنام امته حاولت اكلمك في كذا ميعاد مختلف ودايما ترد عليا

.....

طب اقوله ايه دا بس

**الغزالى** · 01-06-2010 02:39 AM

المشاركة الأصلية كتبت بواسطة dr.amr

اي والله يا غزالي

انا عايز اقولها كده من بدري

بس قولت بلاش احراج في وسط المنتدي

نداء من جمعية اطباء مصر الشرفاء ل ام حماس

ارجوكي العمليه مش ناقصه

لا وانا اكتشفت كمان ان فى 3 او 4 اربعة غيرى سبقونى قالو نفس التعليق
يعنى الى ميعرفش عرف

الموضوع: حوارات الأطباء والمرضى

LinkBack

أدوات الموضوع

عرض

-

-

-

-

-

-

-

المواضيع المتشابهه

ممكن عدة صوت من غير حوارات

حوارات سبارك في الحرفيين

حوارات جامدة

إتخنقت من حوارات العفشة( أوكتافيا 98)

الكلمات الدلالية لهذا الموضوع

المفضلات

المفضلات

ضوابط المشاركة