حوارات الأطباء والمرضى

**megamoudy** · 01-06-2010 03:44 PM

يا دكاترة متعقدوناش معاكو اشبال لسه بيتعرفو ع المجتمع الجميل

انا فاكر من الاسبوع اللي فات الدكتور بتاع الكارديو قالي خد شيت من العيان قولتله ماشي

فروحت رايح للعيان وهو كان عنده Dyspnea

فبقوله يا عم الحاج ممكن بس اخد منك شوية معلومات بع اذنك قالي انا مش هكلم انا عندي كرشة نفس

قولتله واحده واحده مع بعض وهنكلم براحة ومش هتعب

قالي بقول عندي كرشة نفس ايه مفيش مخ مفيش رحمه قولتله ياعم فيه ايه احنا ف صحرا ولا ايه انتى ف مستشفى واساتذتنا ماليين القسم متخافش

المهم اكلم معايا فباخد منه الشيت وبقوله اسمك ايه بيقولي مجدي قولتله انا عاوز اسمك الثلاثي بيقولي انت بتهزر انت بتستهبل انت دكتور مايصحش تكون بتستخف بدمك

قولتله انا سكتلك انا اسأل السؤال وانت تجاوبني من غير مناقشة انا اعرف شغلي كويس مش انت اللي هتعرفني اسأل ايه واقول ايه

الدكتور ادخل وهداني قبل متخانق مع العيان وقاله اسمع كلام الدكتور

ربنا يستر علينا هههه

**megamoudy** · 01-06-2010 04:34 PM

المشاركة الأصلية كتبت بواسطة asbeats

يا فندم جرب تشتغل 48 ساعة متواصل بدون راحة و عمل صباحي طوال ايام الأسبوع بدون اجازات رسمية حتى في الأعياد مقابل ملاليم وانت تعرف هي خربانة ليه!!!

كلامك مظبوط يا دكتور وكمان الشفاء بايد ربنا

المشكلة ف مصر ان الناس معتقدة ان الطبيب بايديه يشفي وانه المفروض يشوف العيان خلاص يديله دوا ويخف

ومش عارفين ان الدكتور سبب مش اكتر لو ربنا كاتب لانسان ميخفش عمره ماهيخف الا باذن ربنا وانهم لازم يتبعو التعليمات كلها

بيفكروني بالطالب اللي مش بيذاكر ومعتمد على شرح استاذه ليه ييجي يسقط يجيب العيب على الدكتور

الناس دي لو تعرف اللي بيحصلنا وكمية المعاناه والارهاق النفسي والعصبي وكمية المذاكرة اللي بالهبل مالهمش حق ينطقو

حد يقدر يذاكر الكميات الي احنا بنذاكرها

**megamoudy** · 01-06-2010 04:40 PM

المشاركة الأصلية كتبت بواسطة asbeats

طيب انا هحكي عن موقف حصل لدكتور زميلي بس كان واد مسخرة

ست متخانقة مع جوزها خناقة جامدة.... تقريبا جوزها ضربها فعملت نفسها "اتخرست" الراجل اتفزع وجابها المستشفى....حكى لزميلي الحكاية ففهم القصة....كشف عليها عادي وهي سايقة الإستعباط على الآخر وعاوجة لسانها وشغالة أوأوأو

ولا محمد رضا في فيلم 30 يوم في السجن....صاحبي ساق فيها الهبل وجاب سن حقنة وقعد يشكشها في لسانها قال يبخرج السميات.. وينشط عصب الكلام..والست واحدة واحدة بدأت تنطق..وجوزها تنفس الصعداء... اللي يضحك اكتر انه كتبلها في الروشتة لبان تشيكلس

تمضغ لبانة تلات مرات يوميا لمدة ثلاث ايام

هههههههههههههه موقف جامد

**powerofhelll** · 01-06-2010 04:42 PM

الله يكون في عونك

**megamoudy** · 01-06-2010 04:43 PM

المشاركة الأصلية كتبت بواسطة أم حمـــاس

مرة واحدة كانت جية تولد عند دكتور معرفة فعيادة خاصة واول مدخلت كانت خلاص قدامها ربع ساعه بلكتير

بعد شوية جوزها جه اتاريها متخانقة معاه وبينهم مشاكل للسما

راحت قامت ماسكة فيه وتضربه وتطرده برا العيادة

وهو حالف ميت يمين مهو طالع دا جوزها ولازمم يشوف ابنه

راحت هلي حلفان علي حلفانه حلفت ماهي والدة ابنه اللي بيتحجج بيه دا

آه والله وراحت ماسكة نفسها والدكتور كان هيتجنن هي ازاي عملت كدا المفروض هي كانت خلاص علي وشك

وهي تحلف وجوزها يحلف

بقي الدكتور ياخد جوزها شوية فاوضة يحنن قلبه

ويدخل للست شوية يفهمها ان جوزها بيحبها وبيشكر فيها من وراها

وفضل كدا رايح جي بين الاوضتين لحد الفجر

كان خايف ليجلها انفجار فلرحم بس الحمدلله ولدت بالسلامة

---------------

مرة تانية لقيت واحدة داخلة عيادة الجراحة رحت مدخلاها للمدرس اللي كان موجود...قالتلي لااااااااااا انا عاوزة دكتور الامتياز اللي كشف عليه قبل كدا...

قلتلها لا الدكتور دا احسن

تقولي لاااااااااااااا هو في احسن من دكتور الامتياز؟؟؟ _عشان يعني كلمة امتياز يعني_

وتقولي انا ؟؟؟يكشف عليه حتت مدرس لسه؟؟ لا انا مش مشية غير لما ييجي دكتور الامتياز

الناس دول سكر هههههههههههههههههه

**megamoudy** · 01-06-2010 04:50 PM

المشاركة الأصلية كتبت بواسطة أم حمـــاس

اه نسيت اقلكم ان الست دي ماتت بعدها بخمس ساعات

شرارة...

ماشاء الله يا دكتورة ايه حكاية الوفيات دي كلها

**megamoudy** · 01-06-2010 04:56 PM

المشاركة الأصلية كتبت بواسطة aif

هوا فيه ايه يا دكتورة

هوا كله بيتوفى ؟؟؟؟؟ مافيش حد بيخف عندكو خالص

ولا من ضمن مستندات الدخول ان المريض يكتب الوصية

بس على فكره اخر عيانه عندها af

يعني رعشة ف الاذين يعني مفيش ضخ دم

ماهو الايه الاف بيكون خطير

صح ولا انا غلطان يا دكاترتي الكبار اخوكم الصغير اهو ورور ف الطب

**نور القمر** · 01-06-2010 05:08 PM

المشاركة الأصلية كتبت بواسطة aif

تي ب
ههههههههههههههههههههههههه
خالتي بتسلم عليكي

الله يسلمك ويسلمها
سلامي الحار لطنط خالتك

بس يعني ايه تي ب

**Eng_Mostafa_89** · 01-06-2010 05:14 PM

موضوع جميل
وربنا يصبرك على المرضي اللى تجيب الشلل

الحمد لله انى هشتغل مهندس ميكانيكا سيارات وهيكون تعاملى مع العربية الخرسة اللى مبتتكلمش
بس احيانا اصحابها بيكونوا زى المرضي اللى عندكم دول

**أحمد كمال** · 01-06-2010 05:25 PM

المشاركة الأصلية كتبت بواسطة محمد عز

استعلاء الاطباء على المرضى

فيه منهم بيبقى فاكر نفسه نبي الله عيسى و العياذ بالله

و تساله ما يردش

و يبص لك بقرف

كانك - سوري - جاموسة رايحة لبيطري تاخد الحقنة و هي ساكتة و ترجع الزريبة تاني.

المشاركة الأصلية كتبت بواسطة محمد عز

والانتظار بالساعات فى العيادات

دي اكتر حاجة تفقع ..... قول لي تعالى الساعة 4 الفجر و لا تقولليش تعالى 10 و تلطعني ل 4 ..... .

المشاركة الأصلية كتبت بواسطة محمد عز

للاسف فى شريحه كبيره من الاطباء لما تجى تكلمهم او تسئلهم عن مريض ليك مش بيرد عليك او يقولوك كويس كويس ويمشى ويسيبك بكل قلة ذوق

دي ليهم عذرهم لسببين

اولا ساعات كل واحد من العيلة لازم يعمل نفسه برم و يفهم من الدكتور مباشرة و لو الدكتور قعد يشرح ل 20 واحد من قرايب المريض مش هيخلص

ثانيا فيه طبعا سرية الحالة بين الطبيب و مريضه ......

المشاركة الأصلية كتبت بواسطة محمد عز

والغالبيه العظمى من الاطباء مافيش حد بيلتزم بمواعيده

وكأن المرضى وقتهم مش مهم

اما يبقى جراح عظام او قلب او مخ و اعصاب او اي تخصص ممكن تطلع له حالة طارئة و لازم يعمل عملية ينقذ واحد ماشي

انما واحد باطني و لا جلدية !!!! اعذره بإيه ان شاء الله؟

المشاركة الأصلية كتبت بواسطة shaddadfalcon1

فعلا اكتر حاجه بتخنقني من اي دكتور هي المواعيد
مره كنت رايح اكشف علي ابني وكنت حاجز والدكتور اتاخر حوالي ساعه وبعدين بقول للسكرتيره اللي هناك اتصلي بيه تقولي لا هو لو مش هييجي هيتصل - طيب ياستي عايزيين نعرف عشان لو هيتاخر نييجي كمان شويه تقولك لا لو مستعجل روح لدكتور تاني

قلة ذوق و قلة ادب

مع ان هو محتاج لك (اكل عيشه) زي ما انت محتاج له !!

المشاركة الأصلية كتبت بواسطة megamoudy

بس على فكره اخر عيانه عندها af

يعني رعشة ف الاذين يعني مفيش ضخ دم

ماهو الايه الاف بيكون خطير

صح ولا انا غلطان يا دكاترتي الكبار اخوكم الصغير اهو ورور ف الطب

الله يكرمكم سكوا على سيرة مرضى ال af اللي بتموت دي ........ :( بجد كأبتوني :(

الموضوع: حوارات الأطباء والمرضى

LinkBack

أدوات الموضوع

عرض

-

-

-

-

-

-

-

-

-

المواضيع المتشابهه

ممكن عدة صوت من غير حوارات

حوارات سبارك في الحرفيين

حوارات جامدة

إتخنقت من حوارات العفشة( أوكتافيا 98)

الكلمات الدلالية لهذا الموضوع

المفضلات

المفضلات

ضوابط المشاركة