الموضوع: حوارات الأطباء والمرضى

انا مره رحت لدكتور انف واذن وحنجره علشان ابنى كانت ودنه وجعاه الكلام ده من سنتين تقريبا عمر كان عنده 5 سنين اللى هو السن المفضل للدكاتره علشان اللوز واللحميه لسه داخل وماقولتش سلامو عليكو والله من غير ما يكشف عليه ولا حتى بص ولا سأل ايه المشكله راح كتب روشته ماليانه تحاليل وقال انتو تعملوا التحاليل دى وتجيو يوم الاتنين علشان العمليه عمليه ايه يادكتور لوز ولحميه ولو ودنه فيها ميه نعملهالو بالمره طبعا انا اترعبت ورحت لدكتور الاطفال اللى بتعامل معاه وحكيتلوا قالى الولد زى الفل فى شويه التهاب فى ودنه والموضوع مش مستاهل عمليه ولا حاجه , عايزين بقى تشوفوا حال الطب والاطباء فى مصر اقروا كتاب ياعينى عليكى يامصر لدكتور نبيل فاروق والشحططه اللى شافها علشان يعمل عمليه زرع كلى واهو راجل دكتور شوفو الدكاتره عملوا فى ايه والاشتغالات اللى سمعها من دكاتره المفروض انهم اكبر دكاتره فى مصر , المنظومه كلها خربانه من مستشفيات ودكاتره وممرضين جت يعنى على المرضى .

المشاركة الأصلية كتبت بواسطة asbeats

يا فندم جرب تشتغل 48 ساعة متواصل بدون راحة و عمل صباحي طوال ايام الأسبوع بدون اجازات رسمية حتى في الأعياد مقابل ملاليم وانت تعرف هي خربانة ليه!!!

انت ممكن يكون عندك حق لدكتور لسه متخرج ومتشحطط نوتجيات وكده او فى منطقه ريفيه مافيهاش اى امكانيات لكن انا الدكتور اللى بتكلم عليه ده كان فى مستشفى استثمارى والفيزيتا كانت رقم محترم من المفترض ان اقل حاجه يعملها انه يسالنا على الشكوى اللى احنا جايين علشانها مش عمليه وتحاليل واقلب وخش على الزبون اللى بعده ثم اللهم لا حسد بعد الشحططه دى كام سنه العياده بتبقى 2 و تلاته على كام عياده خارجيه فى مستشفيات استثماريه وكله بيقلب رزقه فى البلد دى والمرضى هما اللى بيتعذبوا علشان يلاقوا دكتور كويس بيفهم وبيتق الله ولما نروح نحجز عنده مانقعدش مستنيين غير 4-5 ساعات بس