حوارات الأطباء والمرضى

**ahmed4000** · 02-06-2010 10:49 PM

طيب والاجمل بقى بس دى ممكن الاخوة الاطباء يزعلوا منهم بس بلاحظها اوى ومش عارف هل هما واخدين بالهم منها ولا لا

وهى كلمة "دكتور"

الكلمة دى ملتصقة التصاق رهيب بلسان ونفسية الدكتور حتى انى بعتقد لو حد ناداه بكلمة استاذ ممكن يعتبرها اهانة لشرفه

انا عارف والله ومقدر ان كل واحد تعب اوى علشان يوصل للكلمة دى

لكن عمرنا مبنسمع حد بيقول انا المحاسب احمد او انا الاى تى احمد او انا المحلل احمد

كل الناس بتقول اسمها عادى ولو حد بيعرفهم بيقول مهنتهم

لكن جرب تتعرف على اى دكتور حتلاقى بيقولك "انا الدكتور احمد" طيب المفروض ارد عليه "وانا الاستاذ محمد"!!!!!!

امبارح جارى بيكلمنى يشتكيلى من حاجة فى التكييف والمكالمة كانت كالتالى "انا (الدكتور) محمد فى شقة كذا ةالتكييف بينقط عندى فلو تحب بعد مخلص "المستشفى" اجىبلك حدج ونشوفه" وانا طبعا فطسان من الضحك طيب ايه الداع انك تقولى مهنتك وتاكد على المستشفى...لو انا كنت بتكلم كنت حقول "انا فلان الفلانى بدون القاب ولو تحب ممكن بعد مخلص شغل بدون تحديد اجيلك"

كمان لاحظوا لو فى اى مكان وبنسجل اسامينا حتلاقى كل واحد داخل يسجل اسمه ويكتبه كده (احمد محمد) الا الدكتور حتلاقيه كاتنب (د.احمد محمد)

اظن غالبية الدكاترة ايملاتهم
dr.xx@yaho. ci,

على فكرة نفس الكلام بينطبق حرفيا على المهندس وطبعا مصر الدولة الوحيدة اللى فى العالم اللى ممكن تقرا فيها الكلمة دى
eng.ahmed@hyaho.com

ارجو ان محدش يزعل بس ملاحظة ليا يمكن تكون مش فى محلها بس حبيت اذكرها

**ams** · 02-06-2010 10:49 PM

المشاركة الأصلية كتبت بواسطة megamoudy

لا يا باشا انا اسف

حصل خير

وبعدين شكرا جدا على مرورك ونصيحتك

ربنا يكرمك و يوفقك :)

**dr.amr** · 02-06-2010 10:50 PM

المشاركة الأصلية كتبت بواسطة أحمد كمال

بس شوف بعد كام سنة حضرتك هيبقى كشفك 150 جنيه اضرب في 50 كشف في اليوم يعني 7500 في اليوم يعني لو هتشتغل 10 ايام في الشهر يبقى 75 الف جنيه و هما عمرهم ما يوصلوا للرقم ده (سمايلي واحد عينيه مقورة و مدورة

)

هههههههههههههههههههه

نفسي اعيش لغاية اما اشوف اليوم ده

بص ياباشا

اللي بتتكلم عليه ده واحد مش اقل من 40 او 45 سنه

يعني كبرت

انا عندي 23 ولا 24 سنه مش فاكر

يعني المهم

وبعدين مش كل الناس بتوصل للمرحله اللي بتتكلم عليها ده

بص في الاول والاخر ده رزق وماحدش عارف

بس برضه الواحد تعبان ولسه هيتعب اكتر

لك ان تتخيل اني بصحي من 6 الصبح اروح اخد كورسات وسكاشن في الكليه وارجع علي 6 بالليل والمطلوب مني اقعد اذاكر

وانام واصحي تاني اعيد الموضوع

يووووووووووووووووووه

اقولك المهم ربنا يرضي

هنقعد نتكلم وكله مكتوب فوق (رفعت الاقلام وجفت الصحف)

**megamoudy** · 02-06-2010 10:51 PM

المشاركة الأصلية كتبت بواسطة ahmed4000

طيب والاجمل بقى بس دى ممكن الاخوة الاطباء يزعلوا منهم بس بلاحظها اوى ومش عارف هل هما واخدين بالهم منها ولا لا

وهى كلمة "دكتور"

صراحة انا مش شايف فيها يعني حاجة وماله يعني مانا استاهلها لو انا مظبط حالاتي مش عيب يعني

**SunSet** · 02-06-2010 10:51 PM

المشاركة الأصلية كتبت بواسطة أحمد كمال

بس شوف بعد كام سنة حضرتك هيبقى كشفك 150 جنيه اضرب في 50 كشف في اليوم يعني 7500 في اليوم يعني لو هتشتغل 10 ايام في الشهر يبقى 75 الف جنيه و هما عمرهم ما يوصلوا للرقم ده (سمايلي واحد عينيه مقورة و مدورة

)

الكلام بيفكرني بواحد صنايعي ورط العميل الطبيب في مصاريف لاداع لها وبالغ فيها ولما علق قاله هو الححجات دي فيها فصال

حضرتك بتشتغل ايه؟

طبيب
طيب لما حد بيعمل عملية وتطلب 30000 ينفع يفاصل؟

وسيادته ادى لنفسه حق الاستيلاء على مال طبيب مرتبه الشهري اقل مما حصل عليه هذا الشخص وبدون وجه حق
النظرة الظالمة دي للدكاترة في غير محلها

لان اللي بتتكلموا عليهم لا يتجاوزا ال 10% والباقي ربنا عالم بحالهم ما لم يقرروا الاغتراب

**megamoudy** · 02-06-2010 10:51 PM

المشاركة الأصلية كتبت بواسطة ams

ربنا يكرمك و يوفقك :)

يارب وحضرتك كمان :)

**SunSet** · 02-06-2010 11:02 PM

المشاركة الأصلية كتبت بواسطة megamoudy

برده يا دكتور متعقدش نفسك

هقولك اولا من الناحية المادية اه هنعاني ف اول المشوار بس شوف بعد ماتاخد الماستر ويكون ليك خبره كويسة وشوف موضوع السفر عامل ازاي

انا فتحت منتديات بالهبل وقريت عن السفر الاطفال مرتباتها تهبل ب 10 الاف ريال ف الشهر وانت لسه اخصائي
والتخدير 12 الف ريال والاشعة 10

الباطنه سمعت انها ب 7 والنسا ب 15 الى 20 الف ريال وكمان بشفتات تمن ساعات مش شفت 24 ساعة او حتى 12 ساعة

ثانيا من الناحية الدينية بص انك بتخخف الم المريض لما يدعيلك دعوه حلوة شوف نفسيتك هتكون عامله ازاي وشوف كمية الحسنات اللي هتاخدها

ولو مش حيسافر؟؟؟

**dr.amr** · 02-06-2010 11:05 PM

المشاركة الأصلية كتبت بواسطة muslima

ولو مش حيسافر؟؟؟

في الحاله ده

يبقي ابيع كشري بقي

اسهل وبيكسب اكتر

**ahmedsamir5edr** · 02-06-2010 11:20 PM

lموضوع جميل .. متابع :D

**icehearted girl** · 02-06-2010 11:20 PM

قال تعالي في سورة المائدة:

مِنْ أَجْلِ ذَلِكَ كَتَبْنَا عَلَى بَنِي إِسْرَائِيلَ أَنَّهُ مَنْ قَتَلَ نَفْسًا بِغَيْرِ نَفْسٍ أَوْ فَسَادٍ فِي الْأَرْضِ فَكَأَنَّمَا قَتَلَ النَّاسَ جَمِيعًا وَمَنْ أَحْيَاهَا فَكَأَنَّمَا أَحْيَا النَّاسَ جَمِيعًا وَلَقَدْ جَاءَتْهُمْ رُسُلُنَا بِالْبَيِّنَاتِ ثُمَّ إِنَّ كَثِيرًا مِنْهُمْ بَعْدَ ذَلِكَ فِي الْأَرْضِ لَمُسْرِفُونَ

صدق الله العظيم

الموضوع: حوارات الأطباء والمرضى

LinkBack

أدوات الموضوع

عرض

-

-

-

-

-

-

-

-

-

المواضيع المتشابهه

ممكن عدة صوت من غير حوارات

حوارات سبارك في الحرفيين

حوارات جامدة

إتخنقت من حوارات العفشة( أوكتافيا 98)

الكلمات الدلالية لهذا الموضوع

المفضلات

المفضلات

ضوابط المشاركة