حوارات الأطباء والمرضى

**M.almaghraby** · 02-06-2010 11:50 PM

صدق الله العظيم.....

**Dr Ahmed** · 03-06-2010 12:54 AM

الأستاذ ahmed4000
ممكن أعرف مهنتك؟

**asbeats** · 03-06-2010 07:24 AM

طيب انا ليلة امبارح اتفرض عليا اني اروح آخد نبطشية سهر من الساعة عشرة بالليل للصبح... وفي منطقة شعبية والوصول ليها صعب جدا وعلى ما وصلت كانت العربية اتفككت من بعضها....

وصلت هناك وكنت واخد معايا ممرض هيبات معايا في النبطشية....سألت موظف في المركز اللي انا رايحة "فين يا استاذ فلان السكن؟" قاللي سكن ايه مفيش سكن....رحت متصل بمديرة الإدارة ...يا دكتورة الوضع كذا وكذا... قالتلي معلش صرف امورك بأي شكل لغاية الصبح على ما نتصرف....وكلمت الراجل اللي في المركز....جاب سريرين كشف جلد "شيزلونج" نام عليهم قبل كده مليون عيان منهم اللي ممكن يكون عنده فيروسات وامراض ما يعلم بيها إلا ربنا ... ايدز وبي وسي وخلافه... وفرد ملاية على كل سرير ودمتم...
الغرفة عبارة عن عيادة .... طبعا مراوح السقف مينفعش ننام وهي شغالة عشان بتتعب وتجيب نزلات معوية وبرد .... والغرفة مليانة ناموس بأحجام فاميلي سايز... اضطريت اشتري بيروسول وارش الأوضة واستنينا بره ... المفاجأة ان الشبابيك مفيهاش سلك ... زجاج فقط... مينفعش تتساب مفتوحة عشان الناموس....مفيش ترباس للحجرة عشان حاجاتنا متتسرقش واحنا نايمين...الحمامات "بلدي".... طبعا حاولت انام معرفتش لأن السرير الجلد بقي بركة مياه بعد 10 دقايق من العرق....

وعدت الليلة معرفش ازاي...بدون نوم او حتى حمام... ده حتى مفيش بق مياه ساقعة عشان مفيش تلاجة.... ولولا اني كنت جايب معايا ميه ساقعة في العربية كنت مت من العطش....

المفاجأة الأحلى من كده ان النبطشية دي .... بدون مقابل مادي

وللعلم كل الأطباء بلا استثناء مروا بمراحل زي دي واسوأ كمان....

والله الواحد ما بيحب يتكلم في الحاجات دي لأننا بنمر باسوأ من كده... والكلام بيقلب علينا المواجع وخلاص بدون فائدة ...بس انا حبيت اوضح ان حياة الأطباء مش وردية

وسنظل للأسف دوما في وضع الإتهام....

**ahmed4000** · 03-06-2010 09:29 AM

المشاركة الأصلية كتبت بواسطة Dr Ahmed

الأستاذ ahmed4000
ممكن أعرف مهنتك؟

انا كنت متوقع السؤال جه لان النظرية دايما ان اللى بيهاجم الدكاترة والمهندسين يبقى حاقد عليهم
بس للاسف انا جبت مجموع فى الثانوية يدخلنى اى كلية بس انا كنت واحد من المجانين اللى مرضيش يدخل طب ولا هندسة وفضلت اروح لكلية تانية كانت حلم حياتى وهى الاقتصاد والعلوم السياسية والحمد لله بشتغل فى منصب كويس وبمرتب احمد الله عليه (علشان كده قلت انا واحد بؤمن ان فى وظائف لازم تبقى مرتباتها عالية جدا بدون اى اعتراض "طبعا مش من ضمنهم الكورة والفن" لكن اكيد ناس زى الدكاترة والمفروض الظباط ووكلاء النيابة والمهندسين" لان الناس دى بتعمل شغل حيوى ومينفعش يبقوا قاعدين يفكروا حيجيبوا مصاريف العيال ازاى

لكن ده ميمنعش انى ملاحظ ظواهر معينة وبتكلم عنها وعلشان كده بقولك ان حضرتك حتزعل جدا لو قلتلك يا استاذ احمد

**عزيز محمد** · 03-06-2010 10:01 AM

المشاركة الأصلية كتبت بواسطة ahmed4000

وفضلت اروح لكلية تانية كانت حلم حياتى وهى الاقتصاد والعلوم السياسية

أهلا وسهلا بالزميل

أنا دفعة إحصاء 2002، حضرتك دفعة إيه وكام؟؟

**asbeats** · 03-06-2010 10:08 AM

المشاركة الأصلية كتبت بواسطة ahmed4000

انا كنت متوقع السؤال جه لان النظرية دايما ان اللى بيهاجم الدكاترة والمهندسين يبقى حاقد عليهم
بس للاسف انا جبت مجموع فى الثانوية يدخلنى اى كلية بس انا كنت واحد من المجانين اللى مرضيش يدخل طب ولا هندسة وفضلت اروح لكلية تانية كانت حلم حياتى وهى الاقتصاد والعلوم السياسية والحمد لله بشتغل فى منصب كويس وبمرتب احمد الله عليه (علشان كده قلت انا واحد بؤمن ان فى وظائف لازم تبقى مرتباتها عالية جدا بدون اى اعتراض "طبعا مش من ضمنهم الكورة والفن" لكن اكيد ناس زى الدكاترة والمفروض الظباط ووكلاء النيابة والمهندسين" لان الناس دى بتعمل شغل حيوى ومينفعش يبقوا قاعدين يفكروا حيجيبوا مصاريف العيال ازاى

لكن ده ميمنعش انى ملاحظ ظواهر معينة وبتكلم عنها وعلشان كده بقولك ان حضرتك حتزعل جدا لو قلتلك يا استاذ احمد

لا أعتقد نهائيا ان سؤال د.احمد الغرض منه ذلك...وربما سيأتي رده ليوضح ذلك

أما بالنسبة على اصرار الطبيب على الحاق لفظ دكتور قبل اسمه...برغم تحفظي على التعميم
إلا انك لا تنادي على ظابط باسمه مجردا...ولا مستشار ... ولا موظف في مصلحه حكومية او بنك ... او مهندس ....حتى سائق التاكسي...لا تناديه باسمه مجردا...

فلماذا لا يلام غير الأطباء على ذلك؟

وللعلم .... وسيؤكد لك الزملاء ذلك ... الأطباء يخفون دوما طبيعة عملهم في العلاقات العابرة التي لن تدوم... لتجنب الإستشارات الطبية التي ستطلب حتما عند معرفة انه طبيب

**زينة الله** · 03-06-2010 10:16 AM

سلام الله عليكم يا دكاترة
بصراحة ربنا معاكم انا حاسة بمعاناتكم جدا وخصوصا الشريف والامين فى هذه المهنة
من اول اولى طب لحد لو ربنا كرمك وفتحت عيادة أو اكتر
بس ليه مش عارفة ليه حاسة ان لكم دور فى هذه المعاناة
د ا غير الاوضاع المتردية اللى بتواجه بكل مجتهد عموما
يعنى أول سبب لدخول الكلية نادرا ما يكون الرسالة الانسانية
أو حتى حب علم الطب و الاشتغال به أو رضى الله عز وجل و ما انكرش انه موجود بس نادر
يا اما المااااااااااااال او المركز الاجتماعى بيكون السبب الاساسى
ولما الواحد ربنا يسهلها له ويفتح عيادة و يتحسن حاله و لو حتى نسبة الـ 10% اللى بتقولوا عليهم
ما بيحولوش يعيشوا الحياة بكل جوانبها ويتمتعوا بيها
من عبادة لله و تربية الابناء و المجاملات الاجتماعية و لعب رياضة ولو المشى والمحافظة على صحتهم
و الراحة والتنزة و تلاقى الواحد بقى بكرش و انحنى ظهره ولبس نظارة وتحول الى مجرد حساب فى البنك للورثه
وكل الانشطة الاجتماعية تبقى فى اضيق الحدود و غالبا ما تلقى كل هذه الاعباء على عاتق الزوجة المسكينة
زوجات الاطباء و الضباط و خصوصا ضباط الجيش صر احة كان الله فى عونهم
أما بقى لو كانت طبيبة فكان الله فى عونها اضعاف واضعاف
مع ان انا اعرف دكاترة برضوا نزهه بيحددوا لعملهم ساعات معينة و لبيوتهم اوقات اخرى و ناجحين جدا بس نادرين جدا
والارزاق على الله

**ahmed4000** · 03-06-2010 10:20 AM

المشاركة الأصلية كتبت بواسطة asbeats

لا أعتقد نهائيا ان سؤال د.احمد الغرض منه ذلك...وربما سيأتي رده ليوضح ذلك

أما بالنسبة على اصرار الطبيب على الحاق لفظ دكتور قبل اسمه...برغم تحفظي على التعميم
إلا انك لا تنادي على ظابط باسمه مجردا...ولا مستشار ... ولا موظف في مصلحه حكومية او بنك ... او مهندس ....حتى سائق التاكسي...لا تناديه باسمه مجردا...

فلماذا لا يلام غير الأطباء على ذلك؟

وللعلم .... وسيؤكد لك الزملاء ذلك ... الأطباء يخفون دوما طبيعة عملهم في العلاقات العابرة التي لن تدوم... لتجنب الإستشارات الطبية التي ستطلب حتما عند معرفة انه طبيب

يارااااااااجل قصدى يا دكتور

عايزك تجرب تقف فى واتينج ليست فى مطعم مثلا وحتلاقى الراجل بعد شوية وهو بينده على الاسامى

استاذ محمد
استاذة هالة
دكتور محمد

دا انا اعرف ناس جوا بيتها بينادوا بعض يا دكتور ويادكتورة

ارجو ان محدش يزعل من كلامى لانه مجرد كلام عام مش مقصود بيه حاجة ولا بيقلل منكم واكيد طبعا جوا المستشفى مش معقولة حد ينده لدكتور باسمه كده..لكن بره المستشفى ومع ناس متعرفهمش هى اللى غريبة

وعلى فكرة انا قلت ان دى كمان حالة عند المهندسين مش الدكارتة بس ورغم انi عادى فى كل العالم انك تشوف كلمة
dr.ahmed
لكن عمرى مشوفت ولا حشوف فى اى حتة حد بيكتب على نفسه

Engineer Ahmed

**3ateef** · 03-06-2010 10:23 AM

المشاركة الأصلية كتبت بواسطة ahmed4000

طيب والاجمل بقى بس دى ممكن الاخوة الاطباء يزعلوا منهم بس بلاحظها اوى ومش عارف هل هما واخدين بالهم منها ولا لا

وهى كلمة "دكتور"

الكلمة دى ملتصقة التصاق رهيب بلسان ونفسية الدكتور حتى انى بعتقد لو حد ناداه بكلمة استاذ ممكن يعتبرها اهانة لشرفه

انا عارف والله ومقدر ان كل واحد تعب اوى علشان يوصل للكلمة دى

لكن عمرنا مبنسمع حد بيقول انا المحاسب احمد او انا الاى تى احمد او انا المحلل احمد

كل الناس بتقول اسمها عادى ولو حد بيعرفهم بيقول مهنتهم

لكن جرب تتعرف على اى دكتور حتلاقى بيقولك "انا الدكتور احمد" طيب المفروض ارد عليه "وانا الاستاذ محمد"!!!!!!

امبارح جارى بيكلمنى يشتكيلى من حاجة فى التكييف والمكالمة كانت كالتالى "انا (الدكتور) محمد فى شقة كذا ةالتكييف بينقط عندى فلو تحب بعد مخلص "المستشفى" اجىبلك حدج ونشوفه" وانا طبعا فطسان من الضحك طيب ايه الداع انك تقولى مهنتك وتاكد على المستشفى...لو انا كنت بتكلم كنت حقول "انا فلان الفلانى بدون القاب ولو تحب ممكن بعد مخلص شغل بدون تحديد اجيلك"

كمان لاحظوا لو فى اى مكان وبنسجل اسامينا حتلاقى كل واحد داخل يسجل اسمه ويكتبه كده (احمد محمد) الا الدكتور حتلاقيه كاتنب (د.احمد محمد)

اظن غالبية الدكاترة ايملاتهم
dr.xx@yaho. ci,

على فكرة نفس الكلام بينطبق حرفيا على المهندس وطبعا مصر الدولة الوحيدة اللى فى العالم اللى ممكن تقرا فيها الكلمة دى
eng.ahmed@hyaho.com

ارجو ان محدش يزعل بس ملاحظة ليا يمكن تكون مش فى محلها بس حبيت اذكرها

**زينة الله** · 03-06-2010 10:30 AM

المشاركة الأصلية كتبت بواسطة ahmed4000

وعلى فكرة انا قلت ان دى كمان حالة عند المهندسين مش الدكارتة بس ورغم انi عادى فى كل العالم انك تشوف كلمة
dr.ahmed
لكن عمرى مشوفت ولا حشوف فى اى حتة حد بيكتب على نفسه

Engineer Ahmed

شوفت بقى المهندسين متواضعين ازاى وعمليين
وكمان السواق مهندس و السباك مهندز و ................
فى حب للعمل الجماعى اهو و مافيش ذاتية

ويارب وطنى وحبايبى والمجتمع والناس

الموضوع: حوارات الأطباء والمرضى

LinkBack

أدوات الموضوع

عرض

-

-

-

-

-

-

المواضيع المتشابهه

ممكن عدة صوت من غير حوارات

حوارات سبارك في الحرفيين

حوارات جامدة

إتخنقت من حوارات العفشة( أوكتافيا 98)

الكلمات الدلالية لهذا الموضوع

المفضلات

المفضلات

ضوابط المشاركة