حوارات الأطباء والمرضى

**asbeats** · 03-06-2010 10:33 AM

المشاركة الأصلية كتبت بواسطة ahmed4000

يارااااااااجل قصدى يا دكتور

عايزك تجرب تقف فى واتينج ليست فى مطعم مثلا وحتلاقى الراجل بعد شوية وهو بينده على الاسامى

استاذ محمد
استاذة هالة
دكتور محمد

دا انا اعرف ناس جوا بيتها بينادوا بعض يا دكتور ويادكتورة

ارجو ان محدش يزعل من كلامى لانه مجرد كلام عام مش مقصود بيه حاجة ولا بيقلل منكم واكيد طبعا جوا المستشفى مش معقولة حد ينده لدكتور باسمه كده..لكن بره المستشفى ومع ناس متعرفهمش هى اللى غريبة

وعلى فكرة انا قلت ان دى كمان حالة عند المهندسين مش الدكارتة بس ورغم انi عادى فى كل العالم انك تشوف كلمة
dr.ahmed
لكن عمرى مشوفت ولا حشوف فى اى حتة حد بيكتب على نفسه

engineer ahmed

يعني هو المفروض استاذ محمد واستاذه هالة

وييجي على الدكتور ويقول الواد محمد ولا ايه بالظبط...

يا سيدي الفاضل انا بمضي كل يوم على كذا ورقة كشف وشهادات طبية ولازم يسبقها اللقب عشان انا في عيادة وخاصة لو الاسم كثير التكرار زي محمد او احمد...وبعدين دي حاجة بحكم العادة مش اكتر سواء الإمضاء او املاء الاسم.... ولو انا سبقت اسمي بلقت دكتور عشان اكسب المزيد من احترام الناس دي حاجة طبعا تسعدني وتشرفني....

وللعلم برضه...مفيش ولا واحد من اصحابي اطباء او غيرهم بيسبق اسمي بلقب دكتور ولا انا بعمل كده....إلا لو حد اكبر مني في السن او غريب عني....مش معقول هندهه باسمه حاف ولا اقوله يا كابتن

واظن طبعا مينفعش حد يندهلي باسمي حاف قدام العيانين عشان دي بتدي انطباع سلبي عن الطبيب في ذهن المرضى....ودي حقيقة ...

**hobaz** · 03-06-2010 10:46 AM

والله ربنا يكون في عون الأطباء في مصر.........

**shaddadfalcon1** · 03-06-2010 11:05 AM

الناحية الماديه دي كانت من اهم الحاجات اللي بصراحه خلتني اتجنب الطب نهائي مع ان العيله كلها كان نفسها ابقي دكتور - حتي اهل البلد كانو بيقولولي يادكتور وانا لسه في ثانوي

انا بصلتلها من ناحية اني هتعامل مع بشر ووممكن ااذي حد عن طريق الخطا
ولما حسبتها ماديا لقيت اني هتخرج علي 24 واشتغل ب 200 ولا 300 جنيه كام سنه وعلي بال ماربنا يكرم ولو بقيت معروف وشاطر اكون وصلت ال 40 يعني عقبال مايبقي معايا فلوس مش هعرف اتمتع بيها

بس طبعا في دكاتره بجد ربنا يذيدهم

الدكتور اللي عمل لوالدي عملية الغضروف واخد فيها 6500 جنيه وبعديها كانت حماة اختي بتعمل نفس العمليه عنده ب 7500 والراجل عمل 11 عمليه في اليوم ده - احسبوها انتو بقي

**asbeats** · 03-06-2010 11:20 AM

المشاركة الأصلية كتبت بواسطة shaddadfalcon1

الدكتور اللي عمل لوالدي عملية الغضروف واخد فيها 6500 جنيه وبعديها كانت حماة اختي بتعمل نفس العمليه عنده ب 7500 والراجل عمل 11 عمليه في اليوم ده - احسبوها انتو بقي

الله اكبر...ايه الحقد ده كله :b4_444: يعني هما الدكاتره بس اللي بيكسبوا..

بس يا ترى بعد الفلوس دي كلها... بيشوف عياله ولا بيته امتى؟؟؟

حاجة على حساب حاجات

**ahmed4000** · 03-06-2010 11:36 AM

المشاركة الأصلية كتبت بواسطة asbeats

يعني هو المفروض استاذ محمد واستاذه هالة

وييجي على الدكتور ويقول الواد محمد ولا ايه بالظبط...

لا حيقول استاذ محمد واستاذة هالة واستاذ محمد (اللى هو الدكتور)

هو قالهم استاذ لانهم قالوله اسمهم محمد وهالة لكن "الدكتور" محمد قاله انا اسمى "الدكتور" محمد مش محمد فلما ندهاله ندهاله "دكتور" مش استاذ

يعنى ما علينا علشان النقطة دى حتضايقكم بس بقلكم على موضوع ناس كتير ملاحظينه وبيعلقوا عليه ولما بتكلم مع اى حد بلاقي ناس كتيرة ملاحظة الموضوع ده

وبالنسبة للفلوس فاحقاقا للحق

انا معاك ان الناس دى بتهلك طول سنين على الاقل 7 دراسة ومش عارف سنة امتياز وسنة ايه غير ورديات وسهر وكل ده المرتب اقل من مرتب عامل النظافة -اسف بس دى حقيقة- وعلى ميفتح عيادة والايراد يبدا يظهر بيكون فعلا قرب على الاربعين فمش حيلحق يعمل حاجة وحتى لو بياخد 100 الف فى الشهر فيعتبر ايراد "عادل" بالنسبة للى عمله واللى لسه حيعمله

لكن الصيدلى بقى هو اللى اول ميتخرج بيبدأ يلم فلوس علطول

انا بنكش بس الصيادلة شوية

**M.almaghraby** · 03-06-2010 12:30 PM

موقفك من لفظ دكتور دي غريبة شوية....

و علي فكرة معظم المهندسين بيكتبوا eng > قبل الاسم غادي زيهم زي الدكاترة

**ahmed4000** · 03-06-2010 12:44 PM

المشاركة الأصلية كتبت بواسطة DR.almaghraby

موقفك من لفظ دكتور دي غريبة شوية....

و علي فكرة معظم المهندسين بيكتبوا eng > قبل الاسم غادي زيهم زي الدكاترة

انا اللى موقفى غريب؟
طيب حضرتك اليوزر بتاعك اسمه ايه؟

وعلى فكرة انا قلت فعلا كلامك ان الدكاترة والمهندسين بيعملوا الموضوع ده

وقلت ان كلهم مش حيلاحظوا الموضوع وحيبقوا شايفينه حاجة طبيعة بس ناس كتير بتتندر بالموضوع ده

ما علينا خلاص بجد يجماعة انا بسحب ملاحظتى ونرجع نتريق تانى على الناس الغلابة واللى بيعملوه فيكم

**shaddadfalcon1** · 03-06-2010 01:03 PM

المشاركة الأصلية كتبت بواسطة asbeats

الله اكبر...ايه الحقد ده كله :b4_444: يعني هما الدكاتره بس اللي بيكسبوا..

بس يا ترى بعد الفلوس دي كلها... بيشوف عياله ولا بيته امتى؟؟؟

حاجة على حساب حاجات

والله العظيم ماهو حقد
انا نفسي كنت مشفق عليه لان بالرغم من كل الفلوس دي الا انه من العياده لغرفة العمليات يعني حتي معندوش وقت يتمتع بيها

وعلي كل حال انا الحمد لله مهندس برمجيات يعني من يوم مااشتغلت وانا مرتبي كويس جدا احسن من معظم الدكاتره يعني مش هحتاج احقد علي حد

وبعدين ربنا فضل ناس علي ناس في الرزق ودي حاجه ملناس نعترض عليها

**dr.amr** · 03-06-2010 01:16 PM

المشاركة الأصلية كتبت بواسطة ahmed4000

لا حيقول استاذ محمد واستاذة هالة واستاذ محمد (اللى هو الدكتور)

هو قالهم استاذ لانهم قالوله اسمهم محمد وهالة لكن "الدكتور" محمد قاله انا اسمى "الدكتور" محمد مش محمد فلما ندهاله ندهاله "دكتور" مش استاذ

يعنى ما علينا علشان النقطة دى حتضايقكم بس بقلكم على موضوع ناس كتير ملاحظينه وبيعلقوا عليه ولما بتكلم مع اى حد بلاقي ناس كتيرة ملاحظة الموضوع ده

وبالنسبة للفلوس فاحقاقا للحق

انا معاك ان الناس دى بتهلك طول سنين على الاقل 7 دراسة ومش عارف سنة امتياز وسنة ايه غير ورديات وسهر وكل ده المرتب اقل من مرتب عامل النظافة -اسف بس دى حقيقة- وعلى ميفتح عيادة والايراد يبدا يظهر بيكون فعلا قرب على الاربعين فمش حيلحق يعمل حاجة وحتى لو بياخد 100 الف فى الشهر فيعتبر ايراد "عادل" بالنسبة للى عمله واللى لسه حيعمله

لكن الصيدلى بقى هو اللى اول ميتخرج بيبدأ يلم فلوس علطول

انا بنكش بس الصيادلة شوية

بص بالنسبه لموضوع كلمة دكتور ده

هي تعود اكتر منها منظره

يعني انا كل مااقابل حد اعرفه من اقاربي او اصدقائي يقولي ازيك يادكتور عامل ايه مش عارف عندي ايه بيوجعني يا دكتور

يعني كل كلمه بتتقالي فيها دكتور

فتحس اني اسمي بقي مركب دكتور عمرو

انا ممكن استغني عن اسمي ويبقي اسمي دكتور علطول

طول ما انت ماشي في الكليه شوف التحاليل ده يا دكتور مش عارف اعمل ايه يا دكتور

حتي اساتذتنا ماعندهومش غير يا دكتور او دكاتره

بس مانكرش ان فيها جزء من التفاخر

لازم اكون كده طبعا فخور بالكلمه ده

حضرتك جبت مجموع في الثانويه بس ماقعدتش جوا المطحنه ده 7 سنين

ساعتها بس كنت هتعرف اللقب ده صعب قد ايه وصاحبه معتز بيه قد ايه

مش تكبر ابدا ولكنه فخر واعتزاز

طيب بقي والصيادله

تلاقيه يقولك صيدلية الدكتور فلان

دكتور ايه ياعم الحاج

انا اعرف ناس والله بعدت عن طب علشان صعوبتها ودخلت صيدله علشان يبقي لهم لقب دكتور

احنا لسه في مصر الناس بتحترم الطبيب جدا وخصوصا لو محترم

اما بالنسبه بقي لأنهم بيقشوا علطول فده حقيقه لا تقبل النقاش

دول ممكن يكسبوا في بعض الادويه 40 في الميه او يمكن اكتر ماعرفش

لا وكمان رايحين يشتغلوا في الطب

ادونا فرصه بقي

هههههههههههههههههههههه

**ahmed4000** · 03-06-2010 02:27 PM

المشاركة الأصلية كتبت بواسطة dr.amr

اما بالنسبه بقي لأنهم بيقشوا علطول فده حقيقه لا تقبل النقاش

دول ممكن يكسبوا في بعض الادويه 40 في الميه او يمكن اكتر ماعرفش

لا وكمان رايحين يشتغلوا في الطب

ادونا فرصه بقي

هههههههههههههههههههههه

ناس كتير بقت امنية حياتها تعمل صيدلية

وانا منهم الحقيقة لانى ساكن فى منطقة تقريبا تحت كل عمارة صيدلية

الموضوع: حوارات الأطباء والمرضى

LinkBack

أدوات الموضوع

عرض

-

-

-

-

-

-

المواضيع المتشابهه

ممكن عدة صوت من غير حوارات

حوارات سبارك في الحرفيين

حوارات جامدة

إتخنقت من حوارات العفشة( أوكتافيا 98)

الكلمات الدلالية لهذا الموضوع

المفضلات

المفضلات

ضوابط المشاركة