الموضوع: حوارات الأطباء والمرضى

أرخم حاجة في الدنيا بأه الكشف التليفوني.... وده اختراع توصل اليه المصريين للتنكيد على الأطباء....

واحد يتصل بيك ويفضل يوصفلك في حالة الواد ابنه....وانت امامك خيارين .... احلاهما مر...

رفض سماع الشكوى.... لأنك مش هينفع تشخص على اساس الوصف.... والنتيجة... دكتور متكبر وطماع... عايزني آجي العيادة عشان ادفع الكشف...


الخيار التاني... وصف علاج للمريض .... ولا يفيد العلاج .... الذي غالبا ما يكون خافض للحرارة على اقصى تقدير ..... عملا بمبدأ ان لم ينفع لن يضر.... والنتيجة .... اذا لم يشفى المريض.... اذن الطبيب.... (......,........,.........)

المشاركة الأصلية كتبت بواسطة dr ahmed

:b4_564:
للنكتيد لا ... للتوفير: ممكن

أنصحك بسماع الشكوى ووصف المسكن أو خافض الحرارة ونصح الحالة بالمرور عليك أو على التخصص المطلوب وعدم كتابة علاج فعلى كمضاد حيوى أو غيره إلا بعد الكشف لضمان صحة العلاج ومناسبة نوع وجرعة

الأسوأ هو : كيف تقول لها إسم العلاج المقترح؟
الحوار فى هذه النقطة بين المريض والطبيب فظيع ويشبه حوارالطرشان فالمريض لن يسمع إسم الدواء مرةواحدة أبدا فستتضطر لتهجيه حرف حرف وغالبا برضه هيكتبه غلط ... يبقى تعمل إيه؟
تقول للعيان يروح أقرب صيدلية (مثلا صيدلية د أحمد فارما) ومن هناك يتصل بك وتتكلم مع الصيدلى وتصف له ما تريد ، أو ترسل له العلاج رسالة نصيه

الرسالة النصية هو ما يحدث في اغلب الأحيان....يعني الموضوع واقف علينا بخسارة اهه عشان الناس تبطل....

بالطبع استمع الى شكوى المريض للوصول الى العلاج المناسب حتى تستقر الحالة نسبيا لحين الوصول الى اقرب منشأة صحية.



طيب تعمل ايه في اللي بيقولك بكل (صراحة-بجاحة) انه جالي عشان راح للدكتور فلان لقى العيادة زحمة فقال يوفر وقته.... وانا اساسا مش فاتح عيادة ....فالطبيعي انه بيعدي عليا في البيت....بس لأنه من معارفي بستقبله هو وغيره بطيب خاطر والحمد لله

المشاركة الأصلية كتبت بواسطة أم حمـــاس

بلد بتاعت شهادات صحيح

لله الأمر من قبل ومن بعد

انا بيغيظني بجد اللي عامل نفسه دكتور ويقعد يفتي ويوصف ادوية من نفسه للناس حتى لو كان فيتامين
اعرف شخص يدعي المعرفة والخبرة الطبية وزمان سمعت كلامه واخدت منه كمية فيتامينات من اللي بياخدها مجاني اوباسعار رمزية وكانت النتيجة تأثر المعدة بشكل مزعج
وياريت الموضوع قاصر على وصفات الفيتامين بس
ده عنده صيديلة ادوية لكل الامراض والاعراض اللي تتخيلها من سكر لضغط لامراض العظام وامراض القلب
مرة بقول اني دايخة وديما عندي هبوط لقيته مطلع لي شريط اقراص مش فاكرة اسمه بس مكتوب عليه لتنشيط الدورة المخية
طبعا رفضت تماما
بس مش كل الناس بترفض في ناس بتسمع الكلام والوصفات
ولا واحد تاني سمع له كلمة بالانجليزي وعاي يتفزلك قدام الدكتور
كانت بنت قريبتي عندها تجمع دموي على المخ بسبب وقعوها وجاي قدام اهلها يسأل الدكتور انه ممكن يكون cancer على اساس انه هو بيفهم انجليزي والباقيين جهلة وهو مش معاه حتى الاعدادية