استاذ حاتم
قبل اى شئ احب اشكر حضرتك على ردك
كلامك منطقى 100% لكن احب اقول لحضرتك ان فيه عدد مهوووووووووول من المجاهيل منها اللى اعرفة ومنها اللى اكيد معرفوش واهمها انك بتربى ابناءك فى مجتمع منهار فى كل المجالات / وعليه كل اللى انت هاتبنيه فيه غيرك بقصد او من غير قصد هيهده
لكن انا حسبتها بمنطق تانى (احب اوضح بس لحضرتك ان حلم حياتى من وانا عندى 16 سنة ان يكون عندى اطفال كتيييييييير وعلى طول كنت بفكر ازاى اربيهم) انا حسبتها كالتالى
انا هاربى أولادى على الدين والالتزام
هاربيهم على احترام الغير
هاعلمهم ازاى يحترموا ابوهم وامهم وازاى بجد يخافوا منهم
هاعلمهم ازاى يعطفوا على الضعيف وازاى يدمروا المفترى
ممكن تقول ان حلم حياتى انى اعمل الجيش الخاص بيه واللى فى نفس الوقت يكون مثال يحتذى بيه
طبعا هتكون الردود انت بتحلم / ده وهم / انت عايش فى عصر الاساطير
هيكون ردى معادلة
كل شئ بيد الله سبحانة وتعالى
اذا انا عملت كل ما فى وسعى / احتياطات فى حالة موتى ان فى شخص يتولى المسئولية من بعدى / اذا ربيت رجالة بمجرد عدم وجودى هما يتولوا الراية مكانى بدون اى تأثير سلبى / تعليم جيد بكل ما تعنية الكلمة
لو عندى 10 أطفال ونجحت فى تربية 7 أو 8 منهم والباقى اصبحوا فشلة - مدمنين وحالتهم زفت وطين / على الاقل انا عندى نسبة 70% نجاح بدرجة جيد جدا / احسن ما تكون الكل ناجح لكن بمقبولالموضوع صعب جدا ومحتاج مجهود خرااااااااااااااااااافى / لكن انا عندى مبدأ اللى بيدور على حاجة بيلاقيه - وكل واحد فينا جواه طاقات مش متخيل مدها ايه - وانا كل اللى بعمله انى عايز استثمر طاقاتى لأولادى
أسف للأطالة
المفضلات