الموضوع: هل تقوم بتحديد النسل لمراعاة ظروفك أم تقول دي حاجة بتاعت ربنا ورزقهم بيجي معاهم ؟؟؟

المشاركة الأصلية كتبت بواسطة محمدعيسى

واضح انك مقريتش ال 14 صفحة أساسا لإن ولا أنا ولا أبو عبد الله ولا أحمد81 معارضين تنظيم النسل أبدا و أنا شخصيا مش ناوي أخلي أقل من سنتين بين كل طفل بس واضح فعلا انك قريت ال 14 صفحة و فهمت الفرق بين تحديد و تنظيم النسل واضح أوي

التهويش مايخيلش علي، والتشكيك في قراءتي للمداخلات "لا تعليق"، واستدراجي لخناقة مش هانولهولك دي أساليب محفوظة من أيام الجدل البيزنطي.
إنما ع العموم لو أنك مع التنظيم فا مافيش اختلاف، وماحدش في كل الحوار قال إنه مع تحديد النسل (إلا من باب الخلط بين التحديد والتنظيم لأن التحديد له أساليب بشعة كالتعقيم والإجهاض وخلافه مما حرمه الله)

المشاركة الأصلية كتبت بواسطة محمدعيسى

واضح كمان حاجة تانية إن أبو عبد الله كان عنده حق لما إنسحب لأن واضح إن اللي بيتبع هواه هيفضل يتبع هواه حتى لو جبتله كل الأدلة و البراهين و إجماع الفقهاء و ربنا المستعان.

انت تحكم علي الآن بأنني اتبع هواي، برضه تهويش، ومش هارد عليه (بس احب الفت انتباهك إن أدب الحوار يلزمك بالاعتذار ده طبعا إذا كنت بتلتزم بأدب الحوار)

المشاركة الأصلية كتبت بواسطة محمدعيسى

بالنسبة لموضوع الدعاء ليك بالهداية يا سيدي إدعيلي إنت بالهداية عشان أنا محتاجها أكتر منك

كلنا محتاجين الهداية بس ماحدش يقبل الوصاية

المشاركة الأصلية كتبت بواسطة محمدعيسى

بالنسبة لإعتمادك على فهم الأخ توت للنصوص فالأصح لفهم النصوص الرجوع للسلف الصالح و مش عارف تتبع مين إجماع علماء المسلمين و لا واحد زميلنا في المنتدى

أنا لم أعتمد على فهم أحد أنا حللت النصوص التي وردت بالمداخلات، ووجدت أن ما فهمه السيد توت (بالنسبة لتنظيم النسل) أشارت إليه فتوى مفتي الجمهورية وأيدته (وهو أن تنظيم الأسرة ووسائله لا تعتبر قتلاً لأنه لا يوجد مقتول)

المشاركة الأصلية كتبت بواسطة محمدعيسى

بالنسبة (للواحد) اللي أنا جبت فتواه فدااسمه الشيخ صالح الفوزان و بما إنك لا تجله كما هو واضح من كلامك أحب أوضحلك إنه عضو في هيئة كبار العلماء و دي ترجمته في اللينك ده:
http://www.islamway.com/?iw_s=Fatawa...o&mufti_id=239
ونظرا لإن أنا أشك إنك أصلا هتشوف اللينك فأحب أوضحلك إن الشيخ الفوزان معاه دكتوراه في الفقه من كلية الشريعة جامعة الرياض و تلميذ لمجموعة كبيرة من العلماء منهم الشيخ بن باز و الشيخ الشنقيطي و الشيخ العثيمين أثنى عليه قبل ما يموت.
بالنسبة لعزل الصحابة فدا مش دليل على تحديد النسل و الحديث مفيهوش كدا بتاتا ولو انت فهمت كدا فدا يدل على إنك أذكى من العلماء المسلمين طوال 14 قرن ..مبروك.

سيادتك جمعت في هذا الرد جميع مساوئ الجدال، أولاً افترضت أنني لا أجل هذا العالم الجليل، أوضحلك ان كلمة "واحد" دي قالها أبو عبد الله على السيد مفتي الجمهورية لأن رأي فضيلة المفتي ماعجبش سيادته، أنا بقى قلت على السيد فوزان "واحد" عشان أظهر للسيد أبي عبد الله إنه يستشهد بآحاد برضه. وليست أبداً للتقليل من فضيلته، وهي كلة من واحد زيي هاتعمل ايه في قامة عالية كالسيد فوزان (أنا لم أكن أعرفه إلا بعد أن قرأت اللينك ولكني عموماً لا أهون من قدر أي أحد بتاتاً)
ثانياً افترضت عدم قرائتي للينك، وده من قبيل التهوين ممن تحدثه ويلزمك الاعتذار (برضه إذا كنت ممن يعيرون أدب الحوار اهتماماً)
ثالثاً عزل الصحابة كان لتنظيم النسل واضحة جداً وواضح إننا متفقون على أن التنظيم مباح
أما غير المباح هو التهكم على الغير، وياسيدي أنا مش أذكى من علماء المسلمين وقلت قبل كدة أنا أعرف قدر نفسي كويس، بس الأكيد إني هاكون أذكى منك المرة دي ومش هاتعرف تستدرجني لخناقة

المشاركة الأصلية كتبت بواسطة محمدعيسى

أحب أوضحلك تاني إن النبي صلى الله عليه و سلم كان عنده 7 أبناء و أبو بكر الصديق كان له 6 أبناء 3ذكور و 3 إناث و عمر كان ليه 12 6 و 6 أما عثمان فكان له 9ذكور و 7 إناث أما على رضي الله عنهم جميعاً فكان له 19 إبن

وياريت تقولنا كان كل واحد يسكن في مكان مساحته قد ايه؟ ومستوى دخولهم؟ والمصاريف اللازمة لكل طفل في ذلك الزمن؟، ولماذا مثلاً سيدنا علي كان عنده 19 ابناً ليه مش 38 مثلاً ؟؟

المشاركة الأصلية كتبت بواسطة محمدعيسى

أنا مش عارف اقولك ايه تاني بس و الله إنت ما قريت اللي احنا كتبناه بقلبك لإنك لو كنت قريته بقلبك كنت حسيت بفطرتك السليمة إنه هو الصح
أنا كمان مش هرد تاني لإن كل الكلام المفيد اتقال و ربنا يبعدنا عن الهوي و يرزقنا اتباع الحق
سبحانك اللهم ربنا و بحمدك نشهد أن لا إله إلا أنت نستغفرك و نتوب أليك

يا عزيزي بما إننا متفقين في إباحة تنظيم النسل، إيه لزوم الخلاف بقى؟!

المشاركة الأصلية كتبت بواسطة ahmed1981

الكلام عن تحديد النسل وليس تنظيم الأسرة
فرق كبير

الإسناد موجود ومذكور وواضح في نهاية كل حديث
بس حضرتك أنظر لنهاية الحديث ستجد أنه مكتوب وأن الصواب جانبك
وإليك الإقتباس

وبما أن السند موجود في نهاية كل حديث
إذن فالملخص الذي قال بأنه يحتاج لإسناد غير دقيق
وكنت أتمنى أن يكون الملخص دقيقاً وكنت سأكون أول المستفيدين منه

أنا كنت تعهدت بعدم الإضافة للموضوع، ولكني وجدت هذه المداخلة غير مقروءة ووجدت أنه من الواجب التعليق عليها (لأن علي حق الاعتذار لصاحبها).
معك حق يا أستاذ أحمد الكلام كان بالفعل عن تحديد النسل ولكن في منتصف الحوار تم وضع التنظيم مع التحديد في سلة واحدة، وكان هناك خلط في المفهومين لكثيرين أنا منهم، ولم يتم الفصل من بعدها بين المفهومين، وصار الناس فريقين، ناس مع التنظيم وتدافع عنه، وناس مع التنظيم -برضه- بس بتهاجم اللي بيدافعوا عن التنظيم!! مما أعطى انطباعاً بأن هناك من هو ضد التنظيم وأعترف أن هذا الانطباع وصل إلي.
بالنسبة للأحاديث التي وردت في مداخلتك كانت مسندة حقاً، ولكنها تعارضت مع الأحاديث التي ذكرت العزل، والعلماء كما ورد في الفتاوي اللاحقة رجحوا كفة الأحاديث التي تؤيد العزل. لذا لزم التدقيق في الأحاديث التي وردت بمداخلتك. ده كان قصدي، ولكن خانني التعبير، أعتذر لك.
المهم أننا اتفقنا في النهاية على إباحة التنظيم، ده كمان اكتشفنا إننا كنا متفقين من زمان بس ماكناش واخدين بالنا :)