الموضوع: متى سينتهى مسلسل حوادث كورنيش الاسكندرية

الحل هو سور حديد فى الجزيرة بطول الكورنيش كله من بحرى للمنتزه و كبارى علوية بسلالم كهربائية (زى بتاع سيدى جابر اللى الناس بتكسل تطلع علشان السلم سرعته بطيئة ..قال يعنى احنا الوقت ليه قيمة عندنا)
هو ده الحل فعلا و الباقى كله مسكنات

الحل إن إحنا نكهرب اللي يعدي
أو ندوسه عمدا علشان ما يعملش كده تاني ولا هو ولا حد من الورثة بتوعه

المشاركة الأصلية كتبت بواسطة ghamrawy

الحل هو سور حديد فى الجزيرة بطول الكورنيش كله من بحرى للمنتزه

طيب إنت فاكر السور الحديد اللي كان في الجزيرة عند ميامي أبوهاشم واسكندر إبراهيم؟؟؟!!!!
فاكر شفت كام واحد سايب النفق تحت منه وبيتشعلق وينط من على السور؟؟؟!!
أنا مرة واحد نط من على السور ونزل تحت العربية عندي عشان رجله اتنشكلت أول لما نط ولولا ستر ربنا إني كنت ماشي بسرعة بطيئة جدا ولحقت نفسي وإلا كان زمان اتفرم

وبرضه مرة بين سورتنج والابراهيمية على البحر فوق النفق مباشرة وأنا ماسك أقصى الشمال بسرعتي عشان كنت هاخد اليوتيرن الاقي واحد لطيف معاه اتنين لطاف بيعدوا الشارع فجأة وبيتدلعوا ولما انتبهت فرملت بأقصى قوتي وشديت الهاند فالعربية صرخت بطريقة مفزعة ألاقي واحدة من الاتنين الهوانم اتسمرت في مكانها من الخضة والعربية وقفت قبلها بالضبط بأقل من نصف متر والباشا أنقذ الهانم التانية وخدها في حضنه وطلع تاني الجزيرة على أساس إنهم بيمثلوا فيلم
من غيظي وخضتي وقفت العربية برغم خطورة ده ونزلت ووقفت قدامه ثواني وكنت ناوي أعمل فيه مصيبة وهو مش قادر ينطق وباصص في الأرض فاستعذت بالله من الشيطان وركبت ومشيت

الحل هوه وجود اماكن للمشاه تفتح و تقفل بس لفتره صغيره جدا و توضع في الاماكن الاكثر حاجة ليها الي مافيهاش انفاق .....