محمد خلينا نتكلم بصراحه ... انا سعات بزعل من مشاركاتك حتى و مع انها مش موجهة ليا ... لكن ازعل منك شخصيا" اكيد لا " مافيش حاجه فى الدنيا تستاهل انى اخسر بنى ادم علاشانها .. مش حنقول عربيه حيجى عليها يوم و تتباع ! .
انا الى بيزعلنى اسلوب كلامك فى بعض الاوقات ... احنا مش داخلين حرب لاثبات وجهة نظر مين مخطى و مين صح . فى فرق مابين مناقشه المشكله و الكلام بطريقه " انا رأيى هو الى صح و عارف انا بقول ايه " .
راعى ان فى ناس كتير ماتقبلش ان حد يكلمها بالاسلوب ده فى الواقع ... و نفس الشى هنا ,
حاجه كمان تحت اى ظرف ماينفعش ان لما يحد يقول رأيه بامانه فى شئ يبقى هو كده بيضلل الناس او ليه مصلحه " حتى لو الكلام اتقال بمعنى مختلف بدون تحديد للشخص " .
المشكله التانيه فى احيان كتير بتهول من المشكله و كأن فى كارثه محققه حتحصل ... اكيد لو عندك مشكله لازم تقول عليها و نتناقش فى المشكله ديه و هل ليها حلول .. " نتناقش "مش نتجادل .
حقولك الكلام الى قولته قبل كده .... المنتدى ده مكان لتبادل الخبرات و اتطور الموضوع و تحول لصداقه بتجمعنا كلنا .... لو المكان ده حيبقى مكان لوقت سئ بنقديه للدخول معارك كلاميه و مين صح و مين غلط و مين ليه مصلحه .... يبقى مالوش لازما وجودنا هنا من الاساس و نوفر وقتنا ده فى حاجه تانى .
حاجه اخيرا يا محمد ..بلاش تحط نفسك فى موقف المُعارضه و تحط ناس تانيه فى موقف الموالين ... لان الكلام ده مش مظبوط ...لان دايما حتفضل شايف ان اى حد بيقول رأيى غير رأيك ... انه رأيه مش صح , كلنا الى يهمنا فى الاخر المصلحه العامه لينا كلنا كافراد و اننا نفيد بعض و ننقل تجاربنا لبعض , العربيه كعربيه هى فى الاخر جماد .. الة .. حديد .. لاعندها مشاعر ولا احساسيس علاشان ندافع عندها او نهاجمها لاحنا صنعناها ولا احنا حتى بنبيعها .
ارجو انى اكون وصلت وجهة نظرى ليك بشكل سليم ,
و ارجو من الاعضاء الى حاسين انهم فى موقف المُعارض .... بلاش تحطو نفسكم فى الوضع ده ( الموضوع مش الحزب الوطنى و حزب الوفد ) افتكرو فى الاخر ان ده منتدى ترفيهى لتبادل المعلومات عن السيارات ...و الكل مرحب بمشاركته فى اى وقت طلاما ان مشاركته فى اطار الود و الاحترام المتبادل .
نختلف .. نتحاور و نتناقش , لكن نتبادل الاتهامات ... ده امر مرفوض نهائيــــــــــــــــــــ ــــاً .
ياريت ديه تكون بدايه جديده لينا جميعا .
تحياتى للجميع .
المفضلات