المشاركة الأصلية كتبت بواسطة jisso82
بص يا محمد انت عارف طبعا إنى علاقتى بيك كويسة الحمد لله على الرغم إنها مش عميقة أوى بس هقوللك رأى محايد بخصوص مواضيعك و مشاركاتك و أراء بعض الأعضاء اللى بتتتهمهم بالتحامل عليك و يا ريت ماتزعلش منى:
اكيد مش ممكن ازعل منك
أولا يا محمد و انت بتعرض وجهة نظرك خاصة فى عيوب العربية مش بتناقش و مش بتسأل انت بتقر باللى انت شايفه رغم إنك مش بتعمل كده فى مواضيعك التانية فأصلا بداية كلامك أحيانا بتخللى الناس تنفعل قبل ما تكمل الموضوع على أساس إنك مش بتسأل ده انت متأكد من وجهة نظرك و بتعرضها زى مثلا موضوع علبة الدركسيون لو تفتكره كان كلامك عايزين نشتكى للتوكيل و يشوفلنا حل على أساس إن الموضوع ده عند ناس كتير.
طب لما تكون مشكله عندى واكتر من 10 مواضيع قرأتها على المنتدى بتشرحها وبتشتكى منها وكل موضوع فيهم فى على الاقل 5 اعضاء عندهم المشكله
وكمان انا جربت بنفسى 5 عربيات جين 2 وبرسونا وسمعت الصوت بنفسى
وسألت مهندسين فى التوكيل اكدولى انها موجوده فى كل بروتون وانها عيب تصميم مش حاجه بايظه
هل كده مش لازم ابئا متأكد من وجودها بالذات بعد تأكيد المسئولين عن العربيه ؟؟؟
ثانيا لو تفتكر انت جبت الناس الكتير دى إزاى هتحس إنك اتسرعت يعنى مثلا أنا فاكر كويس إن اتنين من الناس دى اللى هما أنا و أسامة حطيتهم على أساس مكالمة تليفونية غير واضحة المعالم بينى و بينك لما سألتنى بشكل عارض فى تليفون إذا كانت المشكلة دى عندى ولا لأ و رديت ساعتها و قلتلك أنا عن نفسى مش حاسس بيها بس مرة أسامة علق عليها و هو راكب عربيتى و قال إنه سمع الصوت على الرغم إنى مش حاسس بيه و إنه قاللى إنه عادى و مش مؤثر من غير ماتزعل منى هل انت شايف إن ردى ده يديك الحق إنك تتكلم على لسانى و لسان أسامة و تقول إننا من ضمن الناس اللى عندهم مشكلة. مبدئيا أسامة ما قالش إنها عنده و بعدين أنا أصلا مش من حقى أتكلم عن لسانه فما بالك و انت بتاخد كلامى.
طبعا انا حطيت اسم حضرتك لانى واثق فى خبرة استاذ اسامه وفى صدقك معايا فى المكالمه ان استاذ اسامه سمع الصوت
انا ااسف فعلا انى اخذت كلامك للتصديق على كلامى بدون اذنك لكن اكيد عملت كده عشان فاكرك مش هاتزعل مش عشان ادايقك مثلا
بالنسبه لاستاذ اسامه كان عامل موضوع فى المنتدى بيشتكى فيه من المشكله قبلى فده خلانى اذكر اسمه باطمئنان
ثالثا موضوع سرعة العربية لو تفتكره و إنها ما بتكسرش ال190 حسب كلامك و إنك حاولت معاها و ما عرفتش على الرغم من إنك فى الرحلة بتاعة السخنة كنت راكب مع واحد جاب 200 و هو بيشد مع النيو أكسنت بعربية ويرا 1300 فمش عارف عدم تصديقك ده كان على أى أساس و بعدين أيمن مثلا فى بداية الكلام ما غلطش لما قاللك ما تعممش تجربتك عشان فيه ناس كتير عدت ال200 لكن لو انت أخدت بالك كنت متعصب لرأيك جدا و ما بتتناقش مع حد انت بتثبت وجهة نظرك و بس و ده اللى خللا الموضوع يحتد وقتها
انا فى رحلة السخنه كنت فى ويرا موتورها مختلف خالص بيوصل وتحس انه مالوش ااخر لكن فى زمن طويل عكس موتورنا خالص بيوصل فى ثانيه بس ااخره صوت عالى اوى و ليه ااخر
وعدم تصديقى كان على اساسا ان عربيتى نفس نوع عربيتكو وان اليوتيوب مليان فيديوهات ااخرها 190 منغير منزل وان كلام اعضاء كتير ان اخرها 190 برضو
وفعلا لما ا. ايمن قالى ماتعممش قولتلو لا انا عربيتى برسونا وعربية اسلام جين تو ماجابوش اكتر من 190 وصعب 210 جدا بيها وكده وده عن تجربه
بس هل ده بردو يستاهل انه يغلط فيا شخصيا او يخسرنى
يعنى مثلا انا مختلف معاك انت مصمم وانا مصمم ايا كان مين غلطان اقوم خاسرك وغلطان فيك ؟؟
رابعا مع كامل احترامى لإن علاقتنا أون لاين علاقة الكترونية بحتة و إن كلنا بالنسبة لبعض أعضاء متساوين على منتدى واحد بصرف النظر عن المهنة أو السن أو المستوى المادى او الاجتماعى بس الناس اللى اتقابلت و عرفت بعض زى الأستاذ خالد حمدى مثلا ما ينفعش أبدا بعد ما قابلت و شفت الإنسان ده على الطبيعة و عرفت إنه شخص أكبر منى سنا وبمرحلة كمان إنى أتعامل معاه على المنتدى بالندية دى على الأقل احتراما لسنه زى ما الناس بتتكلم مع المهندس آمر فى الموضوع بتاعه كلها بتحفظ الألقاب و فى قمة الاحترام معاه هل ده لأنه بيشتغل فى التوكيل فبنحترمه عشان محتاجنله و لا بنحترمه عشان هو أصلا انسان محترم و تعامله مهذب مع الناس كلها و عمره ما طلع حد عنده مشكلة و فى الأول و الآخر لأنه أكبر مننا سنا. يا ريت يا محمد و انت بتختلف مع حد اختلف زى ما انت عايز بس لو تعرف سن الشخص اللى بتتكلم معاه تحطه فى اعتبارك لأنى شفت تعليقاتك مرة مع ناس كبار و بصراحة ما عجبتنيش. انت عارف إن أيمن كان فى الأول بيقوللى أستاذ هيثم و حضرتك لحد ما أنا رفعت الألقاب بيننا و ندمت بصراحة لأنه دلوقتى بيقوللى ياه و يا له و هيتضرب المقابلة الجاية إن شاء الله
استاذ خالد ده والدى والله
واختلافى معاه بيبئى على معلومه مثلا
يعنى مش ممكن مثلا اكون كذبته ولا كده لانى باحترمه جدا وباعتبره زى والدى بالظبط وكلت عيش وملح معاه كمان
وانا عامل الموضوع ده عشان حاجه زى كده لو هو حاسس انى غلط فيه مره مش مشكله انه يعاتب على ابنه لو ماحسش بالغلطه
محمد انت بشكل عام انسان كويس و كمان مواضيعك جميلة أنا عن نفسى بحب أقراها و بستفيد منها بس لو أخدت بالك من الملاحظات اللى عدت دى هتلاقى الدنيا اختلفت معاك كتير و الناس كلها بتحبك و بتقدرك عشان انت فعلا بتكتب مواضيع كويسة و مفيدة و فكرك بشكل عام أكبر من سنك.
استاذ هيثم مشاركتك مفيده جدا ليا وانا ااسف لاى اساءه منى ليك وعلى موضوع اخذ كلامك من المحمول ده فعلا
وانا خلاص قررت انى هاقول رأيى ومش هاخوش فى نقاش مع حد مخالف لرأيى لتجنب الزعل
و أتمنى فى النهاية ما تكونش اتضايقت من صراحتى معاك لولا إنى حاسس إنك أصلا إنسان كويس و الموضوع ده أكبر دليل طبعا ما كنتش هكتبلك اللى كتبته
منكم نتعلم يا استاذ هيثم وملاحظاتك انا وضحت وجهة نظرى فيها
واتمنى انك ماتكونش شايل منى ابدا
المفضلات