مشكلة في المراوح

**samirayad** · 10-06-2010 04:25 PM

واخبرتهم بأنني فصلت البطارية عدة ساعات عند تغيير السيور فقال المختص ان فصل البطارية لا يسبب هذه المشكلة وان هذة المشكلة شائعة وحلها تغيير كنترول المروحة من الاخر
وان عمل رست لكبيوتر السيارة ليس الحل لان العربية مظبوطة وطبعا كان يتكلم بغرور وثقة وتركني قبل ان اكمل اسئلتي وعلشان كدة انا لا احب التعامل مع التوكيلات

على فكره كلام الراجل المختص ده مظبوط عن موضوع البطاريه فعلا

وملوش تأثير على شغل المراوح بعد ماكنت فاصلها

أما موضوع أنه مغرور وغيره

فده على نفسه

وأنت اللى يهمك مصلحتك فقط

هو أحنا حنسابه

غروره على نفسه ....لأن دى طبيعته وصعب تغييرها

أهم شىء هى مصلحتك

**wdramiz** · 10-06-2010 08:02 PM

_____________________

وأكيد أنت لو عملت أسكانر وجبت أكواد الأعطال

حنقولك على الأحتماليه الأكبر

وبالذات للتعرف على وضع حساس حرارة كنترول المحرك[/QUOTE]

شكرا لردك ومساعدتك

ولكن اين اعمل سكانر علي كمبيوتر السيارة
وحبذا لو بعيد عن التوكيل

ايضا عندي سؤال انا في الصيف لازم اشغل المكيف وانت تعلم بأن المرواح سوف تعمل بصورة دائمة
بمعني اني انتظر الشتاء للحكم علي المراوح علي كلامي صح ام لا
وسوف احاول في ايجاد نسخة الكترونية من كتالوج السيارة

مع خالص الشكر

**samirayad** · 10-06-2010 08:14 PM

ولكن اين اعمل سكانر علي كمبيوتر السيارة
وحبذا لو بعيد عن التوكيل

فيه مراكز خدمه متخصصه فى كشف الأعطال حتلاقيها موجوده جنبك

فى نطاق مكان أقامتك

دول بأوا زى بتوع الموبايلات

أسأل أى حد جارك معاه سياره حقن ألكترونى

وأكيد حيقربلك الأمور وتتعرف على مركز أسكانر

ايضا عندي سؤال انا في الصيف لازم اشغل المكيف وانت تعلم بأن المرواح سوف تعمل بصورة دائمة
بمعني اني انتظر الشتاء للحكم علي المراوح علي كلامي صح ام لا

حرارة المكنه الناتجه عن حريق مخلوط الهواء والبنزين ملهاش دخل بالصيف ولا بالشتاء
ولا بتظبيطات وحدة التحكم عندك أو فى أى عربيه حقن ألكترونى

فمتبصش لفرق درجات الحراره بين الصيف والشتاء

لأن حرارة الجو الخارجى ( صيفا أو شتاء )

مش حتكون السبب اللى يخليك تصبر للحكم على المراوح

ومينفعش تسيب المراوح كده شغاله بدون منطق صح

لأن ده غلط على مواتير المراوح ( كنقطة كهربيه )

فا الأجهاد الدائم لمواتير المراوح ( حسب الوضع الحالى عندك )

ممكن يتلف المواتير

وسوف احاول في ايجاد نسخة الكترونية من كتالوج السيارة

على بركة الله

أنا فى أنتظارها للأطلاع على دايرة المراوح عندك وعلاقتها بوحدة

التحكم ....وسوف أتعرف على كيفية التحكم فى عمل المراوح عندك

بصوره أعمق

**shankosi** · 21-06-2010 01:33 PM

المشاركة الأصلية كتبت بواسطة samirayad

طيب ماهو مبررك لهذا

وهل أنت عارف دور حساس الحراره فى عملية التحكم

معلش اتخرت في الاستجابة للموضوع ده.

يعني يا باشمهندس سمير لو معرفش دور الحساس كنت دخلت قريت الموضوع وخرجت وخلاص بدون ما أفتي

وعموماً سيادتك على قد فهمي انه الحساس ده عبارة عن ثرميستور أو مفتاح حراري يقفل دائرة كهربائية عند بلوغ درجة حرارة معينة - لو معلومتي مش صح يا ريت حضرتك تصححلي.

وأنا بقول ان الاحتمال الأكبر يكون الريلاي او الكتاوت هو اللي "لاطع" لأن الحساس مصمم أساساً يستحمل درجات حرارة عالية ويكون تقريباً ضد العطل او عطله نادر.

والكتاوت عموما نقاط التلامس فيه هي الأكثر احتمال للعطل في الدائرة عشان كثرة القفل والفتح مع توصيل التيار.

ويا ريت صاحب المشكلة يخبرنا عمل ايه.

**samirayad** · 21-06-2010 08:18 PM

يعني يا باشمهندس سمير لو معرفش دور الحساس كنت دخلت قريت الموضوع وخرجت وخلاص بدون ما أفتي

وعموماً سيادتك على قد فهمي انه الحساس ده عبارة عن ثرميستور أو مفتاح حراري يقفل دائرة كهربائية عند بلوغ درجة حرارة معينة - لو معلومتي مش صح يا ريت حضرتك تصححلي.

فعلا أنت مش عارف دور حساس الحراره فى عملية التحكم

فهو مش مفتاح حرارى ولا بيقفل دايره كهربيه عند بلوغ درجة حراره عاليه ولاغيره

بدون ما أفتي

وأعتقد دى تعتبر فتوى غير شرعيه بالمره

**shankosi** · 24-06-2010 02:30 PM

المشاركة الأصلية كتبت بواسطة samirayad

فعلا أنت مش عارف دور حساس الحراره فى عملية التحكم

فهو مش مفتاح حرارى ولا بيقفل دايره كهربيه عند بلوغ درجة حراره عاليه ولاغيره

وأعتقد دى تعتبر فتوى غير شرعيه بالمره

كنت أتوقع من حضرتك رد أحسن من كده

حتى لو أنا مش فاهم كان الأصول تشرحلنا بدون وصف أي شيء أنه فتوى غير شرعية وتقول "المعلومة خطأ والتصحيح كذا كذا"

ده لو المعلومة خطأ بالفعل!

**samirayad** · 24-06-2010 02:45 PM

كنت أتوقع من حضرتك رد أحسن من كده

لكل مقام مقال ياباشا

أليس هذا كلامك

يعني يا باشمهندس سمير لو معرفش دور الحساس كنت دخلت قريت الموضوع وخرجت وخلاص بدون ما أفتي

وفعلا معلوماتك خطأ وغير دقيقه عن دور حساس الحراره فى عملية

التحكم فى شغل المراوح بوجه عام

_____________________

على فكره أنا لم أرفض ولم ألغى فكرة كون الكتاوت لاطع أن يكون سببا

للتشغيل المستمر للمراوح

ولكننى أحسست منك

برفض رأى الآخرين

وده باين فى فحوى الموضوع من خلال ردك التالى سابقا

لأ مش شرط ان حساس الحراره يكون بايظ

_________________

وللعلم

أحتمالات العيوب كتيره أوى لأى مشكله معينه

وصعب جدا الجزم بالعيب من جانب واحد

**wdramiz** · 24-06-2010 10:18 PM

اخواني الاعزاء
شكرا علي تعاونكم ولا داعي للخلاف
بعد معناة طويلة اجمع الجميع علي ان العيب هو كنترول المروحة ( المقاومة كم يقولون) وقد اشتريتها ب 375 (اصلي) وتم تركيبها واختفت المشكلة وعادت المراوح للعمل بصورة طبيعية
شكرا جزيلا علي مساهمتكم التي تخدم جميع اعضاء هذا المنتدي الرائع

**samirayad** · 24-06-2010 10:41 PM

بعد معناة طويلة اجمع الجميع علي ان العيب هو كنترول المروحة ( المقاومة كم يقولون) وقد اشتريتها ب 375 (اصلي) وتم تركيبها

الحمد لله على زوال العيب

واختفت المشكلة وعادت المراوح للعمل بصورة طبيعية

وماذا تقصد بكنترول المروحه

فهل يوجد لديك صوره لتلك المقاومه

المقاومة كم يقولون)

أو مثيلتها التالفه ( التى تم تغييرها )

وياريت توضح مكان تواجدها فى دايرة المراوح الكهربيه

أو فى دايرة التحكم فى عمل المراوح

**wdramiz** · 25-06-2010 11:53 PM

اخي م. سمير
هي قطعة مربعة في حجم كف اليد لها ثلاث مداخل يتم تركيب فيش كهرباء فيهم وهي موجودة اعلي يمين الردياتير وتركب بمسمارين مقاس عشرة وتقع اسفل ماسورة بلاستيك خارجة من علبة فلتر الهواء
سوف احاول تصويرها ورفعها للمنتدي
شكرا لاهتمامك
د.رامز