الى حاجزي الفلوانس الغاضبين !!

**haitham_hassan** · 15-06-2010 01:05 PM

التحية الي كل الاخوة المشاركين في هذا المنتدي المحترم - ملحوظة : هذه هي اول مشاركة لي معكم في هذا المنتدي
فأدعوا الله ان يجمعنا دائما علي خير .
فبخصوص السيارة رينو فلوانس فأنا شخصيا اعجبت جدا بهذه السيارة وبالاخص الفئة 135000 جنيه وقد قررت بالفعل ان اشتري هذه السيارة وقد كان فذهبت بالامس الي احدي المعارض الكبري والمعروفة بالقاهرة الجديدة وقمت بدفع حجز للسيارة علي نفس السعر المباعة به السيارة مع الاستلام الفوري بدون over price واستلام عرض سعر للبنك علي ان يتم الانتهاء من الاجراءات واستلام السيارة يوم الخميس القادم . وبعد الانتهاء من هذه الاجراءات فوجئت بمدير الفرع اذ يقول لي نأسف لهذا العرض فلابد من تغييره فورا لاننا ابلغنا من الوكيل بزيادة السعر 3000 جنيه فرفضت تغيير السعر واخذت العرض ومشيت وبعدها فوجئت المعرض بيكلمني ويقولي احنا مستعدين نتحمل 1500 جنيه من الزيادة وانت مثلهم الي ان نعرف حل لهذ الزيادة .
واخيرا انا اسف علي الاطالة بس حبيت اعيشكم معايا في الموضوع واحب اعرفكم اني انا حاسس فيه تلاعب في مسألة ارتفاع السعر سواء من المعارض او الوكيل والضحية في الاخر هو العميل فأنا اناشد كل من يحب ان يقتني هذه السيارة ان يصمد علي مبدأه في موضوع السعر وان يصبر حتي ولو المعارض قالت هنزود 100 جنيه بس المهم المبدأ وللاسف الكلام ده مبيحصلش في اي بلد تانية غير في مصر بس . المهم انا هروح المعرض النهاردة وهشوف لو مصرين علي زيادة السعر ولو بجنيه انا هسحب مقدم الحجز وكأن شيء لم يكن . وعسي ان تحبو شيئا وهو شر لكم .

التوقيع ( فاروق )

**wawoo** · 15-06-2010 01:31 PM

المشاركة الأصلية كتبت بواسطة haitham_hassan

واستلام عرض سعر للبنك علي ان يتم الانتهاء من الاجراءات واستلام السيارة يوم الخميس القادم .

طيب ما هى السيارة موجودة اهة تسليم فورى امال اللى حاجزين من ثلاث اشهر دول مستلموش ازى حتى الان

بصراحة مش فاهم توكيل رينو بعمل اية و لية التخبط دة فى سياسة الشركة ..هى اتحسدت و لا اية

**Elsarrawy** · 15-06-2010 03:19 PM

انا رأيي يا جماعة ان لو معاكم ما يثبت ان ثمن السيارة بالكامل هو (كذا) طبقاً للاتفاق عن التعاقد ودفع المقدم يبقى عليكم وعلى حماية المستهلك وياسلام لو كنتوا جماعة اكيد هاتعملوا حاجه

وممكن لو تقدرا تصبروا كام شهر كمان تسحبوا فلوسكم وتستنوا موديل 2011 زي ما الزملاء اقترحوا (3 او 4 شهور بالكتير) واعتقد ساعتها هاتبقى قائمة الانتظار خلصت والعربيات اصبحت متاحة واكيد ساعتها سعر 2010 هايبقى ارخص بمبلغ محترم من 2011

**neversighs** · 15-06-2010 03:43 PM

المشاركة الأصلية كتبت بواسطة hero

مع احترامي لثقة حضرتك في رينو فرنسا ....فان الامر لا يعنيها مطلقا....الوكيل حر في طريقة تسويقة وبيعة...ما دام بيدفع وبيشتري عربيات كما تم الاتفاق علية مع رينو فرنسا او رينو تركيا...اهم شيء انة يشيل الكمية المتفق عليها ...يبيع ازاي مش بتاعتهم...هم بالنسبة ليهم باعوا خلاص....

الوضع الوحيد ايلي ممكن يخلي فية تحرك من جانب التوكيل او الشركة المالكة "رينو فرنسا او تركيا" هو تأكدها من فقد السوق في مصر تماما...ودة عن طريق سحب مبالغ الحجز والغاء الحجز لكل الحاجزين بسبب الزيادة الغير مبررة...ساعتها الوكيل مش هايبعت يجيب السيارات ويرجع في كلامة مع رينو..او يجيب السيارات ويتحمل مخاطرة توزيعها بنفسة....لان الناس سحبت فلوسها ومش عايزة العربية....وساعتها بس هايسألوة الناس سحبت فلوسها لية....

وعلشان كدة انا بقول مليون مرة ....انت صاحب اليد العليا ....الفلوس معاك...وهو معاة بضاعة ليها قيمة زمنية..لو ماتباعتش خلالها هاتفقد قيمتها...يعني موديل السنة الجاية 2011 ...خلاص تقريبا بيتجمع وهايخرج شهر 9 او 10....

لكن طبعا وبما انك في مصر...وبما ان ايلي بيشتري مصريين ...فالسيناريو ايلي انا شرحتة مش هايحصل....والناس هاتستلم متأخر وبزيادة 3 او 4 آلاف ..ويمكن يزود كمان ساعة الاستلام ...ويتحكم في الالوان وخلافة....ويقولك لو مش عاجبك خد فلوسك ...زدة لانة عارف ان عدد الناس ايلي عايزة اكثر من السيارات ايلي اشتراها فعلا.....يعني مافيش مخاطرة علية...

تقبل تحياتي..

الكلام ده مش مظبوط يا اخي ... لو كل واحد من الحاجزين بعت شكوى لفرنسا هيحسو ان المشكله عامه وسمعه رينو مهتزه في مصر وممكن فالمستقبل يحصل مالا يحمد عقباه ... هتبعت تستفسر من الوكيل على الاقل الناس ده اكيد محترمه مش بتهرج

**Hany Saad** · 15-06-2010 03:47 PM

المشاركة الأصلية كتبت بواسطة elsarrawy

انا رأيي يا جماعة ان لو معاكم ما يثبت ان ثمن السيارة بالكامل هو (كذا) طبقاً للاتفاق عن التعاقد ودفع المقدم يبقى عليكم وعلى حماية المستهلك وياسلام لو كنتوا جماعة اكيد هاتعملوا حاجه

وممكن لو تقدرا تصبروا كام شهر كمان تسحبوا فلوسكم وتستنوا موديل 2011 زي ما الزملاء اقترحوا (3 او 4 شهور بالكتير) واعتقد ساعتها هاتبقى قائمة الانتظار خلصت والعربيات اصبحت متاحة واكيد ساعتها سعر 2010 هايبقى ارخص بمبلغ محترم من 2011

للأسف التوكيلات بتبقى واخده بالها كويس من الموضوع ده نتيجة لطول الفترة ما بين الحجز و الإستلام التى قد تصل إلى أربع شهور و أكتر...و إتعلموا كتير من خبرات سابقة....علشان كده مش بياخدوا التمن الكلى إلا عند التسليم حتى لو حابب تدفع قبل ما تستلم...و بيكتبوا فى الإيصالات " مبلغ كذا مقدمة حجز سيارة فلوانس فئة كذا و لون كذا....." إذا ده عبارة عن إيصال إستلام نقدية لا يعتد به و لا يوجد به السعر النهائى للمنتج و لا ميعاد التسليم النهائى و شرط جزائى فى حالة عدم التسليم فى هذا الميعاد.....

كالمعتاد التوكيل مأمن نفسه تمام و الزبون ما لوش أى حقوق غير الإنتظار.......

أسف على الإحباط و لكنها الحقيقة المرة.......

**farfora20082008** · 15-06-2010 04:41 PM

this seems the automatic response i got but i think they will give attention to my mail , as i expressed to them how much many egyptians like renault and this unclear and unhonest actions from the dealer will affect badly on the market of renault in egypt

Hello,
Thank you for your interest in Renault.

Your request has been forwarded to the customers relations department who
will be providing you with a response as quickly as possible.

We remain at your disposal for any further information.

Thank you for your visiting Renault.com - Car manufacturer Renault's official international website - Renault
The Renault.com Team
Vanessa Delettre
RENAULT
Corporate Communications

**adfarouk** · 15-06-2010 05:05 PM

المشاركة الأصلية كتبت بواسطة farfora20082008

this seems the automatic response i got but i think they will give attention to my mail , as i expressed to them how much many egyptians like renault and this unclear and unhonest actions from the dealer will affect badly on the market of renault in egypt

Hello,
Thank you for your interest in Renault.
Your request has been forwarded to the customers relations department who
will be providing you with a response as quickly as possible.
We remain at your disposal for any further information.

Thank you for your visiting Renault.com - Car manufacturer Renault's official international website - Renault
The Renault.com Team
Vanessa Delettre
RENAULT

Corporate Communications

أولاٌ شكراً لمجهودك و أهتمامك

ده فعلاً الرد الألي (ِAutomatic Reply) هوا بيجيلك على طول أول لما تبعت الميل

لو الرد تأخر عليك ممكن تبعت تستفسر هما عملوا ايه؟ على نفس الميل اللي استلمت الميل ده منه و هما بيتابعوا معاك