الموضوع: الى حاجزي الفلوانس الغاضبين !!

المشاركة الأصلية كتبت بواسطة neversighs

يا wawoo المشكله مش ان السعر زاد ولا انخفض المسأله انو فيه سعر متفق عليه اتبنى عليه كل شئ من اول اختيار السياره للحجز للانتظار لكل شئ .. ليه بعد كل ده الوكيل بكل بساطه يلغي الاتفاق من طرف واحد ويغير السعر على مزاجو؟

+111111111

انا رأي بصراحة و محدش يزعل مني ان توكيل رينو يسير بسرعة شديدة للهاوية
انا اتعاملت مع الوكيل من زمان و توقفت تماما عن الذهاب اليه من حوالي سنة و ادعو الله الا اجد شيئا يجبرني الي الذهاب اليه
انا كان وكيل سكودا مطلع عيني و بعدها كان رينو كويس جدا و لكن كل يوم اسوأ من اللي قبله حتى قررت عدم الذهاب اليه نهائياز
السؤال اللي نفسي اعرف اجابته هل الموضوع ليه علاقة بوفاة الراحل محمد نصير رحمه الله و لا ليه علاقة باستقالة احد المسئولين عن التوكيل مثلا و لا ايه؟

التحية الي كل المشاركين .
علي فكرة انا فاروق اللي كلمتكم من علي ال acount الخاص بهيثم حسن امبارح بخصوص الحجز اللي انا حجزته للعربية بمعرض في القاهرة الجديدة .
علي فكرة انا ذهبت امبارح للمعرض لاسترداد الحجز الخاص بي كما وعدتكم مع عدم الفصال في جنيه واحد زيادة عن السعر وده مبدأ لابد وان نكون متفقين عليه تماما .
فوجئت عند استرداد المبلغ ان المبيعات كلموا واحد من اهم المسئولين بمجلس الادارة وشرحلوا الوضع وقالو مشوا البيع كما هو متفق عليه مع العميل وذلك لضمان جدية التعامل مع المعرض وبصراحة انا تفاجئت تماما للي حصل ده .
وبعدها مباشرة ذهبت لواحد من اكبر الموزعين لرينو وهو معروف جدا بطريق السندباد واكد لي الزيادة الفعلية لسعر السيارة مع احتمال ارتفاع سعرها ثانية خلال الايام القادمة ولا يمكن ان ينزل السعر مرة اخري .
ولكن انا ملاحظ ان العربية موجودة عند موزعين كتير وسعرها ثابت عند بعض الموزعين وسعر اعلي عند البعض الاخر .

المشاركة الأصلية كتبت بواسطة farouck

فوجئت عند استرداد المبلغ ان المبيعات كلموا واحد من اهم المسئولين بمجلس الادارة وشرحلوا الوضع وقالو مشوا البيع كما هو متفق عليه مع العميل وذلك لضمان جدية التعامل مع المعرض .

يعنى انت حتستلم باى سعر بالضبط يا اخ فاروق ..و اذا كان المسؤال بمجلس الادارة وافق على البيع بالسعر القديم ..دة معنى انة حيتحمل الزيادة بقى من عندة و لا دى اساسا اشتغالة من التوكيل

المشاركة الأصلية كتبت بواسطة farouck

التحية الي كل المشاركين .
علي فكرة انا فاروق اللي كلمتكم من علي ال acount الخاص بهيثم حسن امبارح بخصوص الحجز اللي انا حجزته للعربية بمعرض في القاهرة الجديدة .
علي فكرة انا ذهبت امبارح للمعرض لاسترداد الحجز الخاص بي كما وعدتكم مع عدم الفصال في جنيه واحد زيادة عن السعر وده مبدأ لابد وان نكون متفقين عليه تماما .
فوجئت عند استرداد المبلغ ان المبيعات كلموا واحد من اهم المسئولين بمجلس الادارة وشرحلوا الوضع وقالو مشوا البيع كما هو متفق عليه مع العميل وذلك لضمان جدية التعامل مع المعرض وبصراحة انا تفاجئت تماما للي حصل ده .

أنا أعتقد يا أستاذ فاروق ان الرجل اللى حضرتك حاجز معاه كان بس بيحاول يعمل مصلحة ... لما مامشيتش معاك رجع في كلامة
لأن طالما حضرتك هتستلم الخميس الجاي معني كده ان هوا شاري العربية بالسعر القديم من الوكيل

المشاركة الأصلية كتبت بواسطة farouck

وبعدها مباشرة ذهبت لواحد من اكبر الموزعين لرينو وهو معروف جدا بطريق السندباد واكد لي الزيادة الفعلية لسعر السيارة مع احتمال ارتفاع سعرها ثانية خلال الايام القادمة ولا يمكن ان ينزل السعر مرة اخري .

ده طبعاً كلام تجار ... علشان محدش يفاصل معاهم و يقولهم انتوا وخدنها بالسعر القديم و ليه عايزين تحاسبونا بالسعر الجديد

المشاركة الأصلية كتبت بواسطة farouck

ولكن انا ملاحظ ان العربية موجودة عند موزعين كتير وسعرها ثابت عند بعض الموزعين وسعر اعلي عند البعض الاخر .

ده طبعاً مثال حي لجشع بعض التجار اللي بيشتروا بالسعر قديم و لما يجوا يبيعوا ينتهزوا الفرصة و يبيعوا على أساس السعر الجديد

صراحة السوق في مصر مولد و صاحبه غايب

التوكيل هو اللي بيسمح بهذه المهزلة و اعتقد ان هناك مصالح بتحصل و انا واحد صاحبي يعرف واحد شغال في التوكيل و انا كلمته و قالي لو هتحجز فلوينس هسلمك خلال شهر بس ازاي مش عارف و انا متاكد من الكلام ده و علي فكرة من زمان و اللي كان بيعرف حد في التوكيل كان بيجبله خصم خاص و ده حصل معايا في الميجان و انا بشتريها و شفت بعيني قائمة بالخصومات لبعض العملاء و كل واحد واخد خصم مختلف عن الاخر

السلام عليكم,

تسمحوا لي أعلق علي هذا الموضوع...بدون ما أثير حفيظتكم..

تتذكرون في 2003 عندما حدث تعويم الجنيه؟
أسعار السيارات عندها ارتفعت حتي لو كانت واقفة جوا المعرض..يعني كانت مشتراة بالسعر القديم للدولار..واتباعت بالجديد..فرصة بأه...

وتتذكرون في 2004 عندما نزلت الجمارك من 100% الي 40% علي السيارات ذات السعة اللترية 1600؟
هل العربيات المشتراة في المعارض بيعت بأسعارها مع الجمرك القديم ولا الجديد...؟ أكيد فيه ناس خسروا...

اللي عايز أقوله ان انخفاض وارتفاع العملة وارد جدا ..لذا لن يقوم الوكلاء..وليس رينو فقط..بكتابة سعر ثابت يسلم به العربية...ماذا لوحدثت لاقدر الله حروب في المنطقة أو البترول نقصت امداداته وهكذا..فيه مخاطرة جامدة في تثبيت السعر...

واضح ان انخفاض اليورو امام الجنيه دعا رينو لرفع السعر..والدولار هو الحجة..الدولار من المتوقع يغلي كمان وكمان لأن الكثيرون اتجهوا لتخزينه بدلا من اليورو....مع ضعف ايرادات السياحة وانكماش الاسواق الاوروبية...

نصيحتي الشخصية للأخوة الذين يريدون هذه السيارة...وجاهزين بالفلوس...توكل علي الله وانزل خلص فيها دلوقتي وادفع الاوفر برايس واستلم وامشي...وسيبك من لعبة الحجز والانتظار دي...أعتقد الحجوزات علي العربية دي بزيادة مما أغري رينو بزيادة السعر...والمعارض برضه بتبيع بالاوفر برايس..والناس بتشتري...

بلدنا مافيش فيها القواعد المتعارف عليها ..مثل الحجز وتثبيت السعر..كل واحد وظروفه وقت الشراء والاستلام..اقتصاد في قمة الهشاشة وعدم الاستقرار ...مما يزيد المخاطرة...

من الممكن أن اكون مخطئا ...ولكني افكر معكم بصوت عال...

سبحانك اللهم وبحمدك ..اشهد الا اله الا انت ..استغفرك واتوب اليك

المشاركة الأصلية كتبت بواسطة sskarim

.

نصيحتي الشخصية للأخوة الذين يريدون هذه السيارة...وجاهزين بالفلوس...توكل علي الله وانزل خلص فيها دلوقتي وادفع الاوفر برايس واستلم وامشي...وسيبك من لعبة الحجز والانتظار دي..

السيارة مطروحة بعدة فئات و عدة تجهيزات و الوان ..مش كلها متوفرة فى المعارض و فى مش موجودة على الاطلاق ..
هو اية المشكلة انة يكون فى حجز و سعر محدد الوكيل يلتزم بية ...اية الصعب قوى كدة فى الموضوع ...و لا هو الفوضى لازم تاخد مجرها فى كل حاجة فى البلد دى ....