الموضوع: الى حاجزي الفلوانس الغاضبين !!

د الرد إلي جاني من نفس الشخص - و تقريباً نفس الكلام من غير ما يغير حرف - تقريباً الناس دي شايفة إن عندها كل الحق و احنا مالناش حاء في الشكوى - أنا مش عارف أرد أقول إيه




RE: Renault.com : nouvelle question‏
From:<IMG id=P___1745325052 style="DISPLAY: none" webimdisplayStyle="inline"> Sherif Al Alem (sherif.auto@eim-eg.com) You may not know this sender.Mark as safe|Mark as junkSent:16 June 2010 12:09:31To: u.or.u@hotmail.co.uk; infocorporate.communication@renault.comCc: 'Khaled Shalaby' (kshalaby.auto@eim-eg.com)
Dear Sir,

Thank you for your mail,

First of all, we didn’t increase the price by 10% we only increased 3000 LE!
Less than 2.5%

We very much understand your situation but to explain this to you we have
first to explain that the original price for the Fluence was very good
because simply Renault in Egypt added very small margin to be able to offer
this competitive price.

This price was done based on USD rate of 5.5 against LE

Now the situation is not good at all,

The USD rate is 5.69 against LE.
Means more cost by 3.6% = 4860 LE in your case

And there is no margin to absorb this increase in cost, that is why we only
increased the price by 3000 LE and we absorbed the remaining 1860 LE from
our margin.

I hope this clears the picture for you plus we know that there is no other
competitor offering this package of (Safety, Equipment, Size, Comfort and
Quality)

Once again thank you for your mail

Regards,
Sherif Al Alem
Renault Egypt

[/justify]

رد مقنع وتوقع زيادة كل الماركات التانية العليها نفس الإقبل حتى لو بيشتروهة بالجنيه السوداني

اخرة الكلام إية .,.....الواحد يتوكل على اللة و يحجز بالسعر الجديد ولا إية النظام

المشاركة الأصلية كتبت بواسطة wawoo

ازى يعنى الامر لا يعنيها ..الشركة الام بتتابع كل حاجة بيعملها التوكيل و فى اشراف على كل التوكيلات فى العالم ..سمعة رينو لا يمكن تترك لاى توكيل انة يتلاعب بسمعتها كيفما يشاء ...

فى حاجة اسمها احترام العميل و دة لة اسس و قواعد ..مافيش حاجة اسمها احجز بسعر و استلم بسعر ..امال اية فائدة الحجز من اصلة لو السعر متغير ...انا بحجز سلعة معينة حتتكلف كذا وقت الحجزعلى كلام الشركة ...لو السعر متغير يبقى الشركة توفر بضاعتها حاضرة و انا انزل اشترى بالسعر اللى موجود ..انما ان الشركة تخدعنى بسعر عشان ارطبت معاهم بحجز و بعدين يقوقولى سورى السعر اتغير ..يبقى دة اسمة غش و خداع

اى تغير فى سعر التسليم بعد كدة..يعنى ان الشركة غير قادرة على تحديد اسعار منتجتها , و غير قادرة على احترام كلمتها امام العميل ..واظن يعنى لو دة تعامل رينو مع عملائها كدة ..يبقى سيبنا اية للتوكيلات الصينى و غيرها من الشركات الصغيرة

واضح ان حضرتك فهمت كلامي غلط......

أنا مش بادافع عن التوكيل في مصر ولا عن مصنع رينو في فرنسا....ولا عن سياسية البيع وزيادة السعر...

يا جماعة الاول لازم تعرفوا اية هي طبيعة العلاقة بين الوكيل في مصر والمصنع برة.....يعني ببساطة....لو أنا عايز اخد توكيل عربية ...اسمها xyz اهم شيء في التوكيل انة يلتزم بعدد عربيات معين يشترية كل سنة...وهو مسؤل عن تسويقة وبيعة قطاعي او جملة ...المهم ان في عدد عربيات بيتاخد من المصنع كل سنة ....في مقابل ان المصنع ما يتعاملش مع حد تاني في المنطقة ايلي فيها الوكيل....يعني توكيل رينو مصر هو الوحيد ايلي يقدر يتعامل مع رينو فرنسا ...وبياخد بسعر خاص جداااا مش من اي حق اي حد تاني يشتري بية ......

نيجي بقي لتدخل المصنع في عمل الوكيل....غالبا بيكون صفر....لان الوكيل هنا بيبيع عربية متصنعة برة ..ما عندوش خط تجميع ومراقبة جودة وكلام من دة....ممكن بس ودة بناءا علي رغبة الوكيل ان المصنع يمدة بخبرات وتدريبات وادوات علشان الصيانة...ودة علشان الوكيل يضمن استمرارية عملية البيع والارباح...

المهم في الاخر ان العلاقة بين الوكيل والمصنع....ما هي الا علاقة تجارية بحتة.....فرنسا ما يهمهاش ان الناس زعلانة في مصر..ما دام ....وحطوا مليون خط تحت الكلمة دي....الوكيل بياخد حصتة منهم كما هو متفق علية...يارب يكون الوكيل بيركب العربيات دي كلها ...هم مالهمش دعوة ..مين بيعمل بيها اية....هما ليهم ان العربيات خرجت من المصنع ...وقبضوا تمنها...وان كل سنة الكمية هاتتباع....وبرضة خدوا بالكو من حجم السوق المصري ...الضئيل نسبيا...

واديكوا شفتوا....كل ايلي فرنسا او تركيا عملوة حول الشكوي علي مصر....يعني برضة مش من اختصاصة انة يتدخل ولا في ايدة اي شيء...لانة باااااااااع خلاص....والسياسة التسعرية والتسويقية المحلية بتاعة الوكيل مش المصنع ....

وعلشان كدة وسيلة الضغط الوحيدة ايلي تخلي الوكيل انة يعمل خصم كمان...هي ان اغلب الناس الحاجزة...تروح وتسحب حجزها ....وانتهي الامر....وخلية بقي يسوق ويبيع العربيات ايلي اشتراها.....

ما حدش سأل لية الوكيل بيعمل 3 شهور و4 شهور استلام....علشان يجس نبض السوق...ويشوف العربية عليها طلب ولا لا...ويزود عليها ولا يعمل اية....انتوا فاكرين ان المصنع ..بيطلع لمصر بس....ولا ان المصنع طاقتة الانتاجية مش ملاحقة الطلب.....المصانع النهاردة ..بتنتج آلاف السيارات في اليوم الواحد....يعني الوكيل لو حابب يسلم فوري هايسلم فوري وفي نفس اليوم....بس ازاي....لازم يعمل سبوبة...لانة عارف انة مهما زود....الناس هاتشتري...

علي فكرة وانا باشتري عربيتي برضة ...كان كل المعارض مزودة 2000 جنية استلام فوري..حتي الموزعين المعتمدين...
وكان عليها طلب كتير ...واصريت اني استلم فوري...ومن غير جنية زيادة....ولو مش عاجبهم هاشتري نوع تاني...وفعلا لما الناس حست بجدية اني ممكن قوي ما اشتريش العربية...سلمني فوري وبسعر البيع الرسمي ومن غير مليم زيادة....لانة كسبان كسبان.....ولان اي عربية بتتباع هي دورة لراس مال الوكيل..والموزع ...دة هو استثمارهم...مش من مصلحتة انة يأخرة ..

يارب اكون قدرت اوضح قصدي...

وربنا يوفقكوا لما فية الخير....

انا الحمد الله حجزت إمبارح الفلوينس بي بالسعر الجديد بي االاسف مكتوب في الوصل إن السعر المتفق دة هو عند الحجز وممكن يتغير عند الاستلام
بس مندوب المبيعات قالي إنو ٩٩٪ السعر هيفضل ثابت ويارب يبقى زي ما بيقول عشان لو زاد تاني هسحب فلوس الحجز
انا حجزت من عند محمد ذكي موديل ٢٠١١ و الاستلام المفروض يبقى في ٨ او ٩

ربنا يسهل