الموضوع: فيكترا cdx خلاصة تجربتي معاها

[QUOTE=zizo50001;3872765616][QUOTE=ENG\AHMED;3872765534]

معلش عايز خدمة منك يا استاذ احمد بعد اذنك عايز صور العازل اللى انت بتقول علية دة على الشجرة معلش وتورينا العازل بيبقى على اية بضبط

دى صورة للعازل من عربية طنانى

المشاركة الأصلية كتبت بواسطة ENG\AHMED

-فرش السقف طالما ماجاش علية مية متقلقش , الهوا مش هيعمل فية حاجة هو مشكلتة فى الرطوبة والشمس بيبوظ اللزق
- خراطيم التكييف بالرغم من مكانها بس لو العربية سليمة (مفيش خرم شكمان فى المكان دة وال heat shield سليم ) والعازل سليم مفيش مشاكل
- مش عارف اية صوت المساعدين على المطبات , تقصد زى صوت تنفيس؟؟ .. لو دة فا دة طبيعى وهتسمعها فى عربيات كتير ركز مع اى عربية تعدى جنبك على مطب هتسمع الصوت

-فرش السقف كان هبط كله وغيرته بالكامل لكن حسيت انه بدأ يهبط تاني.... طبعا هو يختلف عن العربيات التانية انه مبطن بسفنج.... تحس انه طري .... لكن في العربيات التانية زي اللانسر مثلا ناشف....
-خراطيم التكييف غيرتها 3 مرات وكل مرة تتحرق في نفس المكان .... واكتشفت بعدها ان السبب هو فرن الشكمان ....والحمد لله غيرته ... لكن لسه معملتش التكييف تاني... حصلي فوبيا منها ... كل مرة اصلحه يضرب لدرجة انه لما ضرب آخر مرة منزلتش حتى من العربية ابص عليه...
-صوت المساعدين فعلا صوت تنفيس...

المشاركة الأصلية كتبت بواسطة N.a.j.d

معاك ياباشا انه كل عربيه لا تخلو من العيوب
ومفيش عربيه كامله الكمال لله وحده
بس بسمع حاجات غريبه من العيوب اللى بتقوله عليها الصراحه
مسندر الراس دا انا شوفته ف كل انواع الاوبل انه بيتحرك للامام والخلف وفي منه ثابت بس بكون نازل لتحت شويه يعني مناسب للقعده الراكب
التزيق دا والمساعد ومش عارف ايه غريبه عليها انا حاسس اني راكب اوبل غير الاوبل اللى ف مصر مش عارف ليه هههههه
وحكايه فرش السقف دا هوا قماش اللى عندك ولا ايه عشان يوقع!!!؟ انا اللى عندي اسفنج مقوي ومشوفتش ابل كدا المشكله دي
معلش يا جماعه انا مش بشكك ف كلامكو بس انا بقول اللى اعرفه

مشكلة فرش السقف في طبقة الاسفنج اللي تحت القماش.... لو مش ملزوقه كويس او جت عليها رطوبة بتتهري .... ومع الهواء السقف بيهبط

المشاركة الأصلية كتبت بواسطة tananybasha

بسم الله ما شاء الله
كل دى عيوب و يقابلها مزايا
بس اللى اعرفه ان السى دى اكس المانى و الله اعلم

لا السي دي اكس تجميع مصري فقط ولو عايز تتأكد شوف على ويكيبديا
في بره بس موتور 2.5 لتر ومنزلتش هنا

المشاركة الأصلية كتبت بواسطة islambana

شكرا علي المعلومات
بس ممكن توضح اكتر قصدك ايه بالجزء ده

12- الفتيس الاتوماتيك مزعج (بالنسبالي) خصوصا داخل المدينة ، مشكلتو انو في الزحمة بينقل كتير و اول متسيب رجلك من على البنزين ينقل على الرابع ، عشان كدا دائما بسوق في وسط البلد على 3 مش على ال d
، لكن هوا مريح في السفر

باختصار الفتيس وانتا حاطه على d بيحطك على اعلى غيار ممكن عشان يقلل استهلاك البنزين، ف على السرعات المتوسطة مثلا داخل البلد لو ماشي مثلا 60 تلاقيه على الرابع، وطبعا الرابع على السرعة دي مفهوش عزم، فأول ماتيجي تزود بنزين حتى لو خفيف ينقل على التالت و اول متسيب يرجع للرابع و هكذا
وده موجود في معظم الفتايس الاجيال القديمة فعشان كدا بينصح انك لو هتمشي فترة على سرعات بطيئة او متوسطة انك تمشي غلى غيار 3 ، لان النقل الكتير ممكن يحرق الكلتشات ، ودي نصيحة عامة في الأوتوماتيك والقديم منه بالذات...
ارجو اكون افدتك