حد يقولي ازاي في ناس بتسوق من غير مرايات جانبية؟؟

**FunnyMickey** · 19-06-2010 04:31 PM

اه والله
واما ابقي سايق وهوا قاعد جمبي
يقولي عاوز دي؟؟؟
ولا اما يكون لقي لبيسه قلم جاف واقعه في الارض

ههههههههههههه

**dr.hazem** · 19-06-2010 08:23 PM

المشاركة الأصلية كتبت بواسطة egyzizo

شكــراً على موضوعك القيم ..
بس فيه تصحيح صغير
هو ان النقطة العمياء اللى تخص السيارات هى المساحة اللى مراية الجنب نفسها مش بتقدر تكشفها ومالهاش علاقة بالعين والعصب البصرى.

أما البقعة العمياء بتاعة العين فده موضوع تانى.

عزيزي
اي مرايه في العالم مش معقول هعمل المرايه بعرض الشارع عشان اجيب كل اللي ورايا
اللي بيحصل ان المرايه بتجيب ليفيل معين والنقطه العمياء للعين ده طبعا كلام سليم 100%

حضرتك ده شغلي
هات ورقه وارسم عليها حرفين اكس بالعرض وخلي المسافه بينهم 10 سم
قرب الورقه من عينك وانتا مركز بعين واحده على واحد فيهم
هتلاقي في مرحله معينه الاكس التاني اختفى تماما مع ان الورقه قدامك كامله

ده ابسط اختبار تعمله بنفسك وتشوف النقطه العميا عندك فين

تحياتي

**dr.hazem** · 19-06-2010 08:26 PM

المشاركة الأصلية كتبت بواسطة se_coralsea

ممكن تقول ان 90% من اللي بيسوقوا مش فاهمين الحاجات التالية في سياراتهم :
1- المرايات الجانبية و كيفية ظبطها
2- الاشارات و كيفية أستخدامها و متي تستخدم
3- أشارات الانتظار و معناها و متي و كيف يتم أستخدامها
4- أنوار السيارة (ليه واطي و عالي و في بعض السيارات فوج لايت) و متي يتم أستخدام كل نوع
5- مراية الصالون و كيف يتم تعتيمها ليلا لتفادي النورر العالي من السيارات الخلفية

كل ده بالاضافة الي الجهل بأبسط قواعد المرور و التخطي و غيره كثير
بصراحة الناس دي عايزة تتعلم من أول و جديد

مع خالص تحياتي
م/ سمير الشهاوي

كلام سليم تماما
شكرا لمشاركتك الرائعه

**dr.hazem** · 19-06-2010 08:27 PM

المشاركة الأصلية كتبت بواسطة waelfarid

خدوا دي سمعتها من واحد زميلي ثقة
الكلام اللي جاي بعربيات طبعا
واحد ماشي قدامه واحد تاني التاني ده ادي اشارة يمين وبعدين قام داخل شمال ياخد يو تيرن لحد كدة عادي ههههه
قام الاولاني لبس فيه طبعا (احنا راكبين مع الاولاني في الحدوتة)
جات الشرطة واللي تسبب في الحادث كان زعلان ومش عاجبه وبيقول انه ادي اشارة الاول قبل ما يحود
كان الرد عليه بس انت اديت اشارة يمين ودخلت شمال
كان رده وحجته ودليله
ايوة انا داخل شمال وبقول للي ورايا امسك يمين بالاشارة دي
كارثة طبعا وسوء فهم لاستخدام الاشارات

وظلمه اللي اداله رخصة بالشكل ده

الحمد لله الذي عافانا مما ابتلي به غيرنا وفضلنا علي كثير ممن خلق وجعلنا مسلمين

ههههههههههههههههههههههههه ههههههههههه
لا دي بجد جامده جدا
جديده الحقيقه
ههههههههههههههههههههههههه هه

معلش خيرها فغيرها

**dr.hazem** · 19-06-2010 08:33 PM

المشاركة الأصلية كتبت بواسطة amrrr

نفسي يسحبوا رخص الناس كلها بالتدريج او على مراحل اومناطق ويتعمل امتحان بجد

انا مش مصدق ان في واحد سايق عربية ودي دماغه !!! واحنا اطفال كان في واحد صاحبنا معاه عجلة بي ام اكس متطورة وكان فيها اشارات وكنا عارفين ندي اشارة ازاي

المراة اليمين لما اتكسر الازاز بتاعها معرفتش امشي يومين على بعض وكنت سايبها مفتوحة عشان اللي جاي من يميني يبقى واخد باله
ولو طالع من حد قافل مرايته لازم اديله كلاكس جامد ومرة وقفت ووقفت عربية و نزلت فتحتلها المراية عشان كانت بتكسر عليا - بس في طريق زحمة وانا جنبها وهي مش شايفاني

اخر موقف ليا مع المرايات نزلت كسرت لسواق اتوبيس سوبر جيت المراية الشمال عشان كان هيقلبني على طريق مصر الاسماعيلية في اخره عند السندباد وزعلت من نفسي بس كان قليل الأدب ولما نبهته للي عمله بذوق وانه ياخد باله شتمني وبالأم وبصراحة محسيتشي بنفسي الا والمراية في ايدي رحت راميهاله من الشباك ومشيت - او جريت بعنى اصح

هههههههههههههههههه
والله بص انا اللي خلاني اكتب الموضوع اني من يومين على نفس الطريق وعند السندباد برضو واحد راح كاسر وهب خبطني
لسا بهدي عشان اشوف الدنيا فيها ايه راح جاري
كببرت دماغي وقلت الحمد لله
بعدها بيوم بالظبط
مروح من العباسيه وبنفس الطريقه واحد تاني
لسا بكلمه لقيته بصلي بقرف وراح جاري
قلت هوا انا مختوم على قفايا ولا ايه
ورحت جاري وراه ومسبتوش الا لما قفلت عليه الطريق بالعرض ونزلتله
وكانت ليله يعني
والحمد لله جت على قد كده
فدمي اتحرق قلت اشوف الناس فعلا بتشتكي من اللي بيسوقو من غير مرايات ولا انا لوحدي بطالب بحاجات مستحيله من الشعب المصري انها تتعمل
هههههههههههه

تحياتي

**dr.hazem** · 19-06-2010 09:26 PM

المشاركة الأصلية كتبت بواسطة moood

فى ناس كمان بتخاف على المرايه الجانبيه من إنها تتخدش او تتخبط فبتقفل المرايه
ههههههههههه

بس فعلاً فى قطاع كبير من الناس بيعتبر انه لما يعتمد على المرايه انه كده مبيعرفش يسوق
فبيعمل نفسه محترف بقى ويعيش ويعيش الناس معاه

والله كل واحد هيتحذلق ويتشاطر وتروح بسببه ارواح ناس او يتسبب في حادث مهما كان صغير او كبير ربنا مش هيسيبه

ياما واحد يكسر على واحد لانه مش شايفه فاللي وراه يقف فجائي يروح اللي وراه لابس فيه
طب ذنبه ايه
كل ده عشان واحد مكلفش نفسه يبص بس على المرايه ده لو كانت موجوده

ربنا يسترها

تحياتي

-

-

-

-

الموضوع: حد يقولي ازاي في ناس بتسوق من غير مرايات جانبية؟؟

LinkBack

أدوات الموضوع

عرض

-

-

-

-

-

المواضيع المتشابهه

مطلوب مرايات جانبية لتريوس 2007 glx

كل واحد يقولي لو مكاني هايتصرف ازاي

مرايات جانبية

ممكن حد يدلني إذاي وفين أركب وحدة ضم مرايات جانبية

عايز اجيب مرايات جانبية جديدة

الكلمات الدلالية لهذا الموضوع

المفضلات

المفضلات

ضوابط المشاركة