اية رايكم فى مدينة الشروق

**محمد محمد** · 22-09-2010 08:42 PM

المشاركة الأصلية كتبت بواسطة amr_elrashidy

انا الحقيقة محستش انها ضيقة بطريقة معيبة هى عموما فى منطقة ال800 متر فى اول شارع بعد الصنية الكبيرة اللى قبل الحى الاول و الناس قالولى انها من انضف مناطق العبور فهل الكلام ده مظبوط

يا راجل مش تقول انها في منطقة ال800م دي جامدة جدا وسعرها اغلي من اي منطقة في العبور لسة بايعين شقة فيها الأسبوع اللى فات 175م ب 480000ج.

**amr_elrashidy** · 27-09-2010 05:53 PM

يانهار ابيض للدرجة دى...دانا على كده الراجل كارمنى جدا...هو قالى المتر ب 1500 و الشقة كلها 175 متر يعنى كلها تقريبا ب 262000 غير التشطيب...طب خدمة ياريس متعرفش المنطقة دى ممكن تتأجر بكام شقة زى دى

**محمد محمد** · 27-09-2010 06:07 PM

المشاركة الأصلية كتبت بواسطة amr_elrashidy

يانهار ابيض للدرجة دى...دانا على كده الراجل كارمنى جدا...هو قالى المتر ب 1500 و الشقة كلها 175 متر يعنى كلها تقريبا ب 262000 غير التشطيب...طب خدمة ياريس متعرفش المنطقة دى ممكن تتأجر بكام شقة زى دى

لو اتشطبت ممكن تعمل في حدود 1200ج ....بس هو مين اللى بيبيعلك بالسعر ده؟والسعر ده نصف تشطيب ولا بدون تشطيب؟

**mrwho1982** · 27-09-2010 06:09 PM

انا الشروق دي اخدتها علي رجلي والله العظيم كنت بمشي من عند شريط القطر لحد الشروق 2000

الشروق 2000 حلوة
ورح ناحية ضاحية النخيل حلوة
وروح ناحية ماي فير حلوة برضو

بالنسبة للنوادي فمفيش غير نادي هليوبلس
وبالنسبة للجامعات مافيش غير اكاديمية الشروق والمكروبصات مابتقفش غير هناك

والجامعة الفرنسية

كنت بشتغل هناك سنتين وكنت بركب مواصلات من موقف العاشر وبركب عربية عاملة زي البوكس علشان تدخللك جوة

وياسلام بقي مرة كنت راكب العربية دي وكان في بوكس بيجري وراه والواد ماوقفش عارف لما يكون في فار في مصيدة وانت قاعد تجيبو يمين وشمال

ساعتها النظارة اتكسرت واول ماوقف اتاكل علقة موت

المهم : لو معاك عربية روح الشروق 2000 او ماي فير او ضاحية النخيل

غير كده لا

مدينه مالهاش لازمة ضفر التجمع برقبة الشروق

**nonstop3d** · 28-09-2010 12:52 AM

السلام عليكم اخوانى الكرام
انا معروض عليا شقة فى الشروق 150 متر فى المجاورة الاولى المنطقة الخامسة
فما رأيكم فى هذه المنطقة هل هى من المناطق الجيدة فى الشروق ام ماذا وما وضع الخدمات فى هذه المنطقة وبعدها عن المركز الرئيسى
الذى يعلم هذه المنطقة لا يبخل عليا بالرد من فضلكواا
وشكرراااا مقدمااا

**amr_elrashidy** · 28-09-2010 08:59 AM

المشاركة الأصلية كتبت بواسطة محمد محمد

لو اتشطبت ممكن تعمل في حدود 1200ج ....بس هو مين اللى بيبيعلك بالسعر ده؟والسعر ده نصف تشطيب ولا بدون تشطيب؟

نص تشطيب طبعا ....مين اللى بيبعلى ده مهندس بانى مع نفسه بس عامل حاجه محترمة و كان بايع العماره كلها و ناقصلة الدور الاخير كان واخده لنفسه و بعدين قرر يبيعه..مشكلة العمارة الوحيدة انها واخدة ناصية و هو عاملها واخده دوران مع الناصية ففى شقة من الثلاثة فى كل دور حوائطها مش عدله جاية بزاوية و للاسف دى احلى واحده فى الثلاثة...عموما انا بفاضل بينها و بين التجمع الثالث فى شقق الشباب هناك 135م و منطقتها رائعة و خدماتها كويسة جدا و لكن اسعارها مبالغ فيها شويتين يعنى طالبين 280 الف و عليها لسه 80الف فى الجهاز على 10 سنوات..اتمنى الاستخارة تجيب نتيجة سريعة و اخلص عشان دماغى تهدى

**amr_elrashidy** · 28-09-2010 09:07 AM

المشاركة الأصلية كتبت بواسطة nonstop3d

السلام عليكم اخوانى الكرام
انا معروض عليا شقة فى الشروق 150 متر فى المجاورة الاولى المنطقة الخامسة
فما رأيكم فى هذه المنطقة هل هى من المناطق الجيدة فى الشروق ام ماذا وما وضع الخدمات فى هذه المنطقة وبعدها عن المركز الرئيسى
الذى يعلم هذه المنطقة لا يبخل عليا بالرد من فضلكواا
وشكرراااا مقدمااا

بص حضرتك انا لسه راجع من هناك....مبدئيا المنطقة هناك قدامها 5 سنين عشان تقول انها بقت زى الشروق 1 على الاقل..الخدمات صفر لسه...مفيش حد قاعد هناك خااااااالص الدنيا بالليل كحل تماما..لو ممعكش عربية يبقى انسى..اقرب عمار ليها مساكن الشباب و هناك حتلاقى حياة معقولة و لكن برضو فاضية و مملة جدا جدا ..بجد الشروق لسه قدامها كذا سنة عشان يتعاش فيها براحه و انا بتكلم عن الشروق 2 ..لو مدينتى خلصت مشاكلها و الناس سكنت و خدماتها اشتغلت ..اعتقد الشروق حتتغير تباعاً و حتاخد نفس نهج التجمعات.