اية رايكم فى مدينة الشروق

**Dr_Smart** · 01-07-2010 10:19 AM

المشاركة الأصلية كتبت بواسطة محمد محمد

السعر مش مقياس للمستوي فيه شقق في الحي الثاني اللى انا ساكن فيه وده من الأحياء القديمة ب1700 المتر كاش وفيه في الخامس ب1300ج كاش هي مسألة عرض وطلب كمان الخامس منطقة فيلات لكن التاسع منطقة عمارات وبرضه فيه في التاسع مواقع المتر فيها يعدي ال2000ج كاش.

المشاركة الأصلية كتبت بواسطة dolly13

انا اسفة يا دكتور سمارت النت كان بيفصل وماكنتش عارفة ارد على حضرتك
بالنسبة للمساحات الاكيدة والاسعار الاكيدة برده انا هاسال فيها زوجى اليوم وارد على حضرتك لانه اعلم بشغله هو مهندس ومقاول فى العبور والتجمع و انا سالته امارح على السريع فى موضوع المساحات قاللى هو ممكن يلاقى ال100 متر فى الرابع او الخامس بس هاتبقى شقة فى الروف

شكرا جزيلا للردود وربنا يوفق للي فيه الخير ان شاء الله

**shady_hamdy** · 01-07-2010 10:38 AM

المشاركة الأصلية كتبت بواسطة mohamed_selim

انا معاك فى كده و لو التفكير فى مكان للسكن فورى يبقى اكيد العبور و التجمع يكسب
بس على المدى الطويل (3-5 سنين) الشروق هتكسب الاماكن التانيه
و فى خلال سنه مدينتى هيكون اتسلم فيها وحدات كتير و ده هيساعد الموجودين فى الشروق

+1111111111111 فعلا دة معتقل

**alaasaid** · 08-07-2010 01:12 PM

السلام عليكم و رحمة الله و بركاتة ,

انا ساكن فى الشروق من 2008 و مرتاح جدا , الاول انا كنت ساكن فى العباسية و طبعا عارفين العباسية زحمة ازاى , الشروق هادية جدا و زى ما الزملاء قالوا الميزة فيها ان ليها مداخل و مخارج على طريق السويس و الاسماعيلية و الجو فيها كويس جدا , هى العيب فيها من وجهة نظرى أماكن الترفيه قليلة حاليا انما مع افتتاح كارفور و المول الجديد على مدخل المدينة المكان هيتغير تماما و برضة مع افتتاح مدينتى المكان هيتغير .

و أنصحك تنزل العبور و الشروق تشوف بنفسك و تشوف هترتاح فين و ربنا يكرمك بالخير .

**khater87** · 08-07-2010 01:30 PM

الشروق مدينه كويسه جدا
وهاديه جدا
ونظيفه
فيها مناطق فلل
ومناطق عمارات مع اختلاف نوعيه الاسكان
يعني فيها الي اسمه اسكان متميز او اسكان فاخر وهكذا
جوها جميل في الشتا
بس حر جدا في الصيف
مشكلتها ان المياه كانت بتقطع مع دخول الصيف باستمرار
واماكن الترفيه قليله شويه
بس حاليا شغالين في المنطقه الترفيهيه
فيها نادي فرع لنادي هليوبليس
والجامعه الفرنسيه والبريطانيه واكاديمه الشروق

**alaasaid** · 08-07-2010 01:39 PM

السلام عليكم ,

فعلا كانت المياة زمان بتقطع فى الشروق فى الصيف بس دة عشان كانوا بيروا الزرع من شبكة الميه النظيفة و دلوقتى فصلوا مية الزرع عن الشرب و الميه مش بتقطع .

**kemoelord** · 08-07-2010 04:20 PM

يعني اكيد دلوقتي يا جماعه المياه مش بتتقطع على الشروق ؟!!!لان المياه هي اساس الحياه

**alaasaid** · 08-07-2010 05:16 PM

السلام عليكم ,

حضرتك عشان اكون صريح و واضح معاك انا ساكن فى الحى السابع عند نادى هليوبلس و الحمد الله الميه مش بتقطع عندى سواء الصيف دة او الصيف اللى فات انما باقى الاحياء معرفش ايه ظروفها .

معلش عشان اكون أمين فى الرد عليك

**محمد محمد** · 08-07-2010 05:26 PM

كده كده الواحد لازم يركب خزان تحسبا لأي ظروف.

**dolly13** · 08-07-2010 08:42 PM

الاستاذ محمد محمد
برافو عليك الصورة اللى فى التوقيع
ايوة كدة عايزين دعاية جامدة للعبور

**Miss_Pharma** · 09-07-2010 07:05 AM

متابعة جداااااااااا لو فيه اي جديد
لان ان شاء الله شقتي هتكون في الشروق والموضوع ده كان مضايقني جدااااااا
لاني رحتها مرة من حوالي سنتين وكنت حاسة اني في مدينة اشباح
ولحد دلوقتي مرحتش اشوف الشقة ومعرفش هي فين وكنت رافضة اصلا الشروق
بس بصراحة بعد كلامكم على كارفور ومدينتي ااديتوني امل .. ياااااارب اشوفها زي الرحاب كده :d

الموضوع: اية رايكم فى مدينة الشروق

LinkBack

أدوات الموضوع

عرض

-

-

-

-

-

-

-

-

المواضيع المتشابهه

مدينة الشروق - هل من سمسار؟

معلومات عن مدينة الشروق؟

ما رائيك بشراء ارض فى مدينة الشروق ؟

مرور مدينة الشروق

فى حد هنا من مدينة الشروق؟؟

الكلمات الدلالية لهذا الموضوع

المفضلات

المفضلات

ضوابط المشاركة