الموضوع: اية رايكم فى مدينة الشروق

المشاركة الأصلية كتبت بواسطة dolly13

انا اسفة انى قلقت حضرتك بس انا مقلتش هاتتزحم جدا جدا انا قلت هاتتزحم بس والزحام مش مقصود به هنا مساحة الاراضى بالنسبة لعدد السكان لان ده مستحيل لطبيعة تقسيم الاراضى ومساحتها بالنسبة للشوارع والمناطق الخضرا
انا كنت اقصد ان المدينة كلها قائمة الى الان على طريق رئيسى واحد ولكنى اعتقد فى المستقبل الطريق ده هايكون 3 طرق
بالنسبة لمشكلة شبكات الصرف اللى حصلت فى بعض مناطق العبور فتم التخلص منها تماما ولم تظهر المشكلة من سنة ونص تقريبا
اما بالنسبة لمستوى الخدمات فهو محترم جدا يعنى الشوارع نظيفة وضغط المياه عالى والكهربا نادرة الانقطاع ولا يدوم الانقطاع ان حدث اكتر من 5 دقايق
وبالنسبة للاخ شنوانى اللى بيقول ان كارفور فعليا مش فى العبور بصراحة مش عارفة ازاى لانه بداخل مدينة العبور بجوار ملاهى جيرو مباشرة ده بالاضافة لانه فى مول اسمه الجولف سيتى وده فى العبور لكن ده مايمنعش انك تقدر توصله من على طريق الاسماعلية لان العبور مدخلها من على الطريق مباشرة
واى استفسار تانى انا موجودة

الف شكر على اهتمام حضرتك , طيب بالنسبه لمدينة الشروق ايه النظام ؟؟؟؟

انا قلت قبل كدة فى تقييمى للشروق ان الخدمات فيها على قد السكان ولكن هى حجم نمو السكان فيها الى الان مش كبير لكن اعتقد لما مدينتى تشد حيلها الشروق وضعها هايختلف كثيرا

المشاركة الأصلية كتبت بواسطة محمد محمد

بص كل منطقة ليها جو الفيلات ليها جو والعمارات ليها جو تاني فلازم تنزل تمشي في المنطقتين (الفيلات والعمارات) سواء كنت هتاخد في الشروق او العبور.

اشكرك اخى الفاضل

سؤال للاستاذ محمد والاستاذه dolly

هل الشقق في الحي التاسع كلها مساحات كبيره ؟ يعني لو عايز شقه في حدود 100 متر في الحي التاسع هلاقي ولا لا ؟ والمتر هناك بكام سواء متشطب او نص تشطيب ؟

طيب لو مفيش مساحات صغيره في التاسع ممكن الاقي فين مساحات من 80 - 120 متر في العبور ؟؟ بس تكون قريبه من الطريق الرئيسي لإني لما رحت لفيت هناك كذا مره فيه شقق باسعار كويسه ولكن متاهات وبعيده عن الطريق الرئيسي

وجزاكم الله كل خير

المشاركة الأصلية كتبت بواسطة dr_smart

سؤال للاستاذ محمد والاستاذه dolly

هل الشقق في الحي التاسع كلها مساحات كبيره ؟ يعني لو عايز شقه في حدود 100 متر في الحي التاسع هلاقي ولا لا ؟ والمتر هناك بكام سواء متشطب او نص تشطيب ؟

طيب لو مفيش مساحات صغيره في التاسع ممكن الاقي فين مساحات من 80 - 120 متر في العبور ؟؟ بس تكون قريبه من الطريق الرئيسي لإني لما رحت لفيت هناك كذا مره فيه شقق باسعار كويسه ولكن متاهات وبعيده عن الطريق الرئيسي

وجزاكم الله كل خير

اقل حاجة هتلاقيها م120 سواء في الخامس او التاسع او الثاني والسعر يبدأ من 1300ج كاش للنصف تشطيب في التاسع و1500 في الخامس.

المشاركة الأصلية كتبت بواسطة محمد محمد

اقل حاجة هتلاقيها م120 سواء في الخامس او التاسع او الثاني والسعر يبدأ من 1300ج كاش للنصف تشطيب في التاسع و1500 في الخامس.

شكرا على ردك يا فندم

أفهم من السعر ان الخامس مستواه افضل من التاسع ولا الفرق عشان التاسع لسه جديد ومش عمران ؟

المشاركة الأصلية كتبت بواسطة dr_smart

شكرا على ردك يا فندم

أفهم من السعر ان الخامس مستواه افضل من التاسع ولا الفرق عشان التاسع لسه جديد ومش عمران ؟

السعر مش مقياس للمستوي فيه شقق في الحي الثاني اللى انا ساكن فيه وده من الأحياء القديمة ب1700 المتر كاش وفيه في الخامس ب1300ج كاش هي مسألة عرض وطلب كمان الخامس منطقة فيلات لكن التاسع منطقة عمارات وبرضه فيه في التاسع مواقع المتر فيها يعدي ال2000ج كاش.