الموضوع: اية رايكم فى مدينة الشروق

المشاركة الأصلية كتبت بواسطة motorizer

مدينة فكسانة

كل الميزة اللي فيها إنك ممكن تخشها من طريق السويس أو الإسماعيلية و الرحاب مش بعيدة عنك و العبور و مش بعيد عن مدينة نصر و مصر الجديدة
بس طول ما إنت فيها طالع عينك و الخدمات قليلة و مفيهاش ولا مطعم غير مطعم عجيب كدة إسمه نانيدا
و ال rate بتاع العمار بطئ أوي يعني فين و فين لما تلاقي بقال ولا صيدلية فتحوا و تحس إنها مدينة "تخزين"! الناس واخدة فيها لولادها إحتياطي و قافلين الشقق و الفلل

انا معاك فى كده و لو التفكير فى مكان للسكن فورى يبقى اكيد العبور و التجمع يكسب
بس على المدى الطويل (3-5 سنين) الشروق هتكسب الاماكن التانيه
و فى خلال سنه مدينتى هيكون اتسلم فيها وحدات كتير و ده هيساعد الموجودين فى الشروق

شكرا يا جماعة على الاهتمام , بس ماحدش قال هيا تبعد اد اية عن التجمع الخامس و خاصة المنطقة اللى فيها بتروسبورت

بص المسافات هنا ملهاش لازمه لأنك كده كده محتاج عربيه فى اى مكان سواء الشروق و العبور و التجمع نفسه
الشروق اقرب لبتروسبورت من العبور
بس التجمع نفسه اقرب
و ممكن فين فى التجمع علشان ممكن تكون قريب قوى (سعر المتر فووووق) او بعيد قوى (مازلت اقرب من الشروق و لكن مسافه متقاربه مثلا لو الشروق على بعد 12 كم ممكن فى حتت جوه التجمع تكون على بعد 8 كم)

المشاركة الأصلية كتبت بواسطة mohamed_selim

بص المسافات هنا ملهاش لازمه لأنك كده كده محتاج عربيه فى اى مكان سواء الشروق و العبور و التجمع نفسه
الشروق اقرب لبتروسبورت من العبور
بس التجمع نفسه اقرب
و ممكن فين فى التجمع علشان ممكن تكون قريب قوى (سعر المتر فووووق) او بعيد قوى (مازلت اقرب من الشروق و لكن مسافه متقاربه مثلا لو الشروق على بعد 12 كم ممكن فى حتت جوه التجمع تكون على بعد 8 كم)

انا فاهم يا فندم ان لازم عربية انا بسال عن المسافة المقطوعة بالعربية كمسافة او كوقت , لو 12 كيلو زى ما حضرتك بتقول يبقى معقول , اصل اتا سمعت ان المسافة 40 كيلو

شوف يا صديقى انا هاقولك المسافة بالظبط لان فيلتى فى التجمع
نادى بتروسبورت فى حى الياسمين وعلى شارع ال90 الموازى وعندك طريقين للوصول
الاول عن طريق السويس ثم الدائرى ثم 90 التجمع وده فى حدود 20 كم بس طريق سريع طبعا يعنى 20-25 دقيقة
الثانى انك تدخل من مدخل الرحاب الى البنفسج ثم النادى وده قصير ممكن 15 كم تقريبا بس طريق مش مرصوف الرصف النهائى لان المبانى لسه بتطلع بجواره وبالليل مش كويس طبعا
كل ده كمان بيفرق انت طالع من اى حى فى الشروق نفسها
الحاجة الثانية اللى تحدد هتاخد شقة وهتعيش فيها امتى
يعنى لو هتنقل هذا العام انصحك بالتجمع ( ارقى مكان فى مصر الان ) يليه العبور ثم الشروق وبدر ( بدر اكثر عمرانا من الشروق والافضل استثماريا الان )
لو هتعيش بعد فترة هناك يبقى ارشحلك بدر بقوة والشروق معاها
فى الشروق فيه نوادى كويسة زى جرين هيلز
اه حاجة كمان لو اخدت فى الشروق ليه ما تشتركش فى نادى مدينتى مباشرة ؟ الاشتراك هناك 35000 جنيه بس تقريبا الان ؟

المشاركة الأصلية كتبت بواسطة raouf

شوف يا صديقى انا هاقولك المسافة بالظبط لان فيلتى فى التجمع
نادى بتروسبورت فى حى الياسمين وعلى شارع ال90 الموازى وعندك طريقين للوصول
الاول عن طريق السويس ثم الدائرى ثم 90 التجمع وده فى حدود 20 كم بس طريق سريع طبعا يعنى 20-25 دقيقة
الثانى انك تدخل من مدخل الرحاب الى البنفسج ثم النادى وده قصير ممكن 15 كم تقريبا بس طريق مش مرصوف الرصف النهائى لان المبانى لسه بتطلع بجواره وبالليل مش كويس طبعا
كل ده كمان بيفرق انت طالع من اى حى فى الشروق نفسها
الحاجة الثانية اللى تحدد هتاخد شقة وهتعيش فيها امتى
يعنى لو هتنقل هذا العام انصحك بالتجمع ( ارقى مكان فى مصر الان ) يليه العبور ثم الشروق وبدر ( بدر اكثر عمرانا من الشروق والافضل استثماريا الان )
لو هتعيش بعد فترة هناك يبقى ارشحلك بدر بقوة والشروق معاها
فى الشروق فيه نوادى كويسة زى جرين هيلز
اه حاجة كمان لو اخدت فى الشروق ليه ما تشتركش فى نادى مدينتى مباشرة ؟ الاشتراك هناك 35000 جنيه بس تقريبا الان ؟

شكرا يا فندم على الرد,اولا انا ممكن انقل فى الشقة بعد فترة يعنى ممكن 5 سنين بس طبعا حضرتك عارف انى ماينفعش استنى لحد ماجى انقل عشان الاسعار
ثانيا بالنسبة لنادى بتروسبورت انا متمسك بية عشان انا شغال فى البترول و عندنا عروض حلوة للنادى دة
اما بالنسبة لمدينة بدر انا بسمع عنها انها سيئة جدا مش عارف دة صح ولا لا حضرتك ما تعرفش حاجة عنها؟
و جزاك الله كل خير