الموضوع: اية رايكم فى مدينة الشروق

السعر بيختلف من منطقة لاخرى
مثلا الارض بتاعتنا فى الحى الرابع وسعر المتر فيها 1500 جنيه على مااذكر وبتتسلم نصف تشطيب يعنى على المحارة
فيه مناطق ارخص وفيه اغلى لكن لازم حضرتك تيجى بنفسك وتلف كويس فى المدينة علشان تعرف ابعادها ابه وايه هى المناطق المميزة وايه المستوى اللى يناسب حضرتك وربنا يوفقك

المشاركة الأصلية كتبت بواسطة elrasy

اشكرك اخى الفاضل انا يشرفنى اكون جارك



اشكرك اختى الفاضلة



طيب عندى سؤال ليكوا انتوا الاتنين بعد اذنكوا
ما هو سعر المتر لشقة فى فيلا من الفلل وهل المتعارف علية هناك ان تستلم الشقة مشطبة ام تقوم انت بالتشطيب

خالص تقديرى,,

المتر يبدأ من 1400ج بس خللي بالك من تقسيمة الشقق في الفيلات لأن الواحد بقي يشوف مهازل يعني مثلا الشقة اللى انا عارضها في التوقيع بتاعت التاسع 160م تقسيمتها 3غرف وحمامين ومطبخ وريسبشن 3قطع لسة معاين واحدة في الخامس 200م لقيت تقسيمتها غرفتين وحمامين ومطبخ والريسبشن بتاع ال160م احسن من بتاع ال200 ...فخللي بالك من الموضوع ده وهي اصلا المساحات بتاعت الأراضي في الفيلات 600م او 600 وشوية (ما عدا بلوك واحد في الخامس متقسم 500م) طب ازاي الفيلا تبقي علي نصف المساحة وتطلع شقتين 200م واكبر كمان.

المشاركة الأصلية كتبت بواسطة mr_safwt

طب فية مساحات 100 متر فى الحى الرابع
انا عارف انة حى فيلات
بس انا بسال على شقة فى فيلا مساحتها 100 متر

ممكن 125م لكن 100 صعبة اوي.

المشاركة الأصلية كتبت بواسطة dolly13

اولا ربنا يوفقك للخير
ثانيا انا من سكان العبور وعلى علاقة بمدينة الشروق
مميزات الشروق اولا
انها سكنية فقط وتمتاز بهدوء تام
لها اكتر من مخرج على طريق السويس والاسماعلية
بها اماكن راقية جدا
كارفور هايفتح فيها قريب يعنى قبل الخمس سنين اللى حضرتك محددهم بفترة كبيرة
امام مدينتى ودى ميزة الكل هايعرفها لما مدينتى تشتغل
عيوبها
نسبة الاشغال فيها ضعيفة جدا
خدمات قليلة تتناسب مع حجم الاعمار
المناطق المميزة فيها اللى موجودة فى كومباوندز
مميزات العبور
انها مدينة سكنية صناعية زراعية
اقرب من الشروق
الاسكان فيها متفاوت وفيه كل الطبقات وده بيدى روح صحية جدا للمدينة
خدمات كثيرة فى كل الاحياء واصلا كل الاحياء قريبة جدا من يعضها
كارفور فرق كتير وتحديدا لما السينمات اشتغلت ومنطقة المطاعم اتعملت بقت جو تانى خالص
سعر متر المبانى النظيف فيها لكن مش الاماكن التوب يعنى بيبدا من 1500
جامعة عين شمس هاتفتح فرع فيها فى القريب وتمتاز بوجود جميع انواع المدارس اللى ممكن تتخيلها وبكل المستويات
عيوب العبور
المدينة تعتبر لها مدخل واحد فقط عن طريق نفق العبور للقادم من القاهرة ولها اكثر من مدخل بعد كدة عن طريق جمعية عرابى لكن مش مداخل رسمية
المدينة الى الان قائمة باكملها على محور واحد فقط وتتفرع منه لاى حى تريده وطبعا هو دلوقتى مش زحمة خالص يعنى بتجرى وتشد عليه براحتك خالص لكن فى المستقبل مش عارفة هايحلوا المشكلة دى ازاى بالذات لما الجامعة تشتغل
وفى النهاية انا والله حاولت اكون حيادية تماما فى نقل المعلومات مع انى باعشق مدينة العبور ونفسى كل الناس تتمتع بالسكن فيها
اقولك العبور عاملة زى ايه
لو تفتكر مناطق العباسية ومصر الجديدة والاحياء دى فى اواخر السبعينات كدة وجمالها ... لما تسكن فى العبور بتحس بنفس الاحساس ده بالظبط
وربنا يوفقك

طبعا انا بشكر حضرتك من المقارنه الجميله جدا والحياديه في الكلام , لكن انا عندي بعض الاستفسارات :-

1- دلوقتي حضرتك قلقتيني من العبور لما ذكرتي من ضمن عيوبها انا في المستقبل القريب هتتزحم جدا جدا خصوصا ان الطرق الي فيها مش هتستحمل هذا الزحام وهذا بسبب العدد الهائيل من المدارس وكارفور وجامعه عين شمس الي هتفتح هناك (وبالمناسبه اول مره اعرف المعلومة دي) فالواحد لما بينقل بيكون عاوز مكان بعيد الزحام ويكون مجهز للزحام مستقبلا.

2- بالنسبه للشروق او العبور الحقيقه طوال الموضوع لا احد تكلم عن المرافق (ماء+ كهرباء) خصوصا اني سمعت ان كان فيه مشاكل في الماء والصرف الصحي في العبور وهذا بالاضافه هل متوافر سنترالات ومستشفيات واجهزة الامن واقسام الشرطة في المدينتين ؟

3- وده الاهم هل مستوى الخدمات نفسها كويسه وفيه كده اهتمام ومتابعه وذوق واحترام للسكان الي هناك ولا كالعاده مثل باقي مناطق مصر ؟؟؟

4 - من اسبوع كده كنت قرات خبر في الجريدة " الاهرام " على اعلان فلل في الشروق مش فاكر المساحه اوي لكن كان بتقسيط على 20 سنه تقريبا وكانت ب 360 الف تقريبا او في الرينج ده
فمش عارف هل حد اخد باله منه ولا لا ؟ ولو كده هل الفلل دي بتبقى كويسه ولا لازم اروح اعاين الموقع

انا اسفة انى قلقت حضرتك بس انا مقلتش هاتتزحم جدا جدا انا قلت هاتتزحم بس والزحام مش مقصود به هنا مساحة الاراضى بالنسبة لعدد السكان لان ده مستحيل لطبيعة تقسيم الاراضى ومساحتها بالنسبة للشوارع والمناطق الخضرا
انا كنت اقصد ان المدينة كلها قائمة الى الان على طريق رئيسى واحد ولكنى اعتقد فى المستقبل الطريق ده هايكون 3 طرق
بالنسبة لمشكلة شبكات الصرف اللى حصلت فى بعض مناطق العبور فتم التخلص منها تماما ولم تظهر المشكلة من سنة ونص تقريبا
اما بالنسبة لمستوى الخدمات فهو محترم جدا يعنى الشوارع نظيفة وضغط المياه عالى والكهربا نادرة الانقطاع ولا يدوم الانقطاع ان حدث اكتر من 5 دقايق
وبالنسبة للاخ شنوانى اللى بيقول ان كارفور فعليا مش فى العبور بصراحة مش عارفة ازاى لانه بداخل مدينة العبور بجوار ملاهى جيرو مباشرة ده بالاضافة لانه فى مول اسمه الجولف سيتى وده فى العبور لكن ده مايمنعش انك تقدر توصله من على طريق الاسماعلية لان العبور مدخلها من على الطريق مباشرة
واى استفسار تانى انا موجودة

مستر صفوت صعب جدا تلاقى مساحة 100 متر فى منطقة فيلات ولكن هاسال برده وارد عليك قريب

يا اخوانا بالنسبة لمشكلة المياه اللى بترشح للمرة المليون بقول دي مش مياه جوفية دي بتبقي عيوب في شبكات المياه والصرف ممكن تتكسر لأنها مكانتش بتتحمل الضغط وتصميمها مكانش مناسب للكثافة السكانية الموجودة بدليل عدم وجود مياه في الأحياء الجديدة مثل الخامس والرابع والثالث والتاسع والثامن والشباب وكمان الحي الأول عمري ماشوفت فيه حتي الأن مشكلة مياه والحي الثاني نادرا لما تلاقي فيه حاجة زي كده.....بالنسبة للمرافق خاصة المياه انا مغير محبس البيت عندنا مرتين بسبب شدة المياه مع اننا ساكنين فوق في الحي الثاني والفترة الوحيدة اللى كانت المياه بتقطع فيها لما كان بيمدوا خط للمياه من العبور للسلام والكلام ده من حوالى سنتين.