تعمل إيه لو طلبوا منك تتنازل عن الجنسية المصرية علشان تتجنس ؟

**fadod** · 12-07-2010 07:18 PM

المشاركة الأصلية كتبت بواسطة maserati

السلام عليكم و رحمة الله و بركاته

و كل عام و أنتم بخير بمناسبة قرب حلول شهر رمضان الكريم , أعاده الله عليكم بالخير و اليمن و البركات

انا كان عندى رجاء من الأخ الفاضل الدكتور فادى لأن أنا استشفيت من كلامه أنه من الجيل الأول للمهاجرين الى أمريكا مش من الجيل التانى , قصدى يعنى أنه من الناس اللى هاجروا أمريكا و ليس من أبناء المهاجرين لأمريكا و برضه عرفت من كلامه انه فى نهائى طب و أنا أتمنى له كل النجاح و التوفيق .

فلو ماكنش ده تدخل فى الشؤون الداخلية , ممكن سيادتك تعرفنا ازاى ربنا ييسرلك الأمور و التحقت بكلية الطب هناك و هل ياترى حضرتك كنت مخلص طب فى مصر الأول و بعدين بدأت دراسة الطب هناك تانى و لا حضرتك سافرت بعد الثانوية العامة و لا عملت ايه بالظبط:ob_mak1[1]: .

و لكم جميعا جزيل الشكر

مازيراتى كواتروبورتيه

أنا جيت هنا بعد ماخلصت كلية علطول 1998 وكنت تجارة في مصر لظروف قهرية ...الثانوية العامية ..والمواضيع اللي إنت عارفها ديه ..وانا لما جيت هنا لقيت كل حاجه مختلفة من ناحية الدراسة ، يعني لو عايز حاجة ونفسك فيها ممكن تدرسها .مش معني كدة إن دخول طب سهل ، لأ أصعب من مصر ، بس بيدلك فرص كتير ، مش ذي مصر سنة تالتة ثانوي ويا صابت يا خابت.والدخول مش مجموع وبس ، لأ وخدمات تطوعية volunteer ومشاركه في أبحاث ونشاطات رياضية ..كذا حاجة وبكده لو إنت مقصر من ناحية تقدر تعوضها من ناحية تانية

ومن هنا تقدر تدخل اللي نفسك فيه إلا لو إنت بقي مش بتجتهد.

كل عام وإنت بخير ...لو فيه أي اسئلة أنا تحت أمرك ، وربنا يوفقك في موضوع كندا

**aezzat** · 12-07-2010 10:04 PM

المشاركة الأصلية كتبت بواسطة maserati

السلام عليكم و رحمة الله و بركاته

عشت و شوفت يا مازيراتى , الناس بتستعير كلماتك يا مازيراااااااااااااااااااا ااااتى :10d5c8w1107::10d5c8w1107:.

[bor=#de9e9e]
والله يا شيخ مانت قايل حاجة , مفيش لا سخرية ولا تريقة و لا حاجة لا سمح الله.

[/bor]
يا باشا أنا أتشرف أنك تستعير كلماتى و خليها معاك براحتك و لما تخلص ابقى رجعهالى تانى, يا باشا دول يزيدوا عندك مايقلوش و الله :ob_mak1[1]: .

مازيراتى كواتروبورتيه

مينفعش اقول غير:

لا اله الا الله محمد رسول الله

**MASERATI** · 13-07-2010 03:35 AM

المشاركة الأصلية كتبت بواسطة fadod

أنا جيت هنا بعد ماخلصت كلية علطول 1998 وكنت تجارة في مصر لظروف قهرية ...الثانوية العامية ..والمواضيع اللي إنت عارفها ديه ..وانا لما جيت هنا لقيت كل حاجه مختلفة من ناحية الدراسة ، يعني لو عايز حاجة ونفسك فيها ممكن تدرسها .مش معني كدة إن دخول طب سهل ، لأ أصعب من مصر ، بس بيدلك فرص كتير ، مش ذي مصر سنة تالتة ثانوي ويا صابت يا خابت.والدخول مش مجموع وبس ، لأ وخدمات تطوعية volunteer ومشاركه في أبحاث ونشاطات رياضية ..كذا حاجة وبكده لو إنت مقصر من ناحية تقدر تعوضها من ناحية تانية

ومن هنا تقدر تدخل اللي نفسك فيه إلا لو إنت بقي مش بتجتهد.

كل عام وإنت بخير ...لو فيه أي اسئلة أنا تحت أمرك ، وربنا يوفقك في موضوع كندا

السلام عليكم و رحمة الله و بركاته

أنا متشكر لكرم سيادتك الكبير أوى يا دكتور فادى باشا , ولا بلاش باشا , أصل أمريكا غير عندنا فى مصر , مفيهاش باشوات زى بتوع الأيام دى .

على كده بقه سيادتك حصلت على الثانوية العامة معايا 1994 , يعنى تقريبا احنا من سن بعض, صح .

المهم , بس أكيد حضرتك كان لازم تدرس علوم الأول, مش كده , قبل طب . صح؟؟؟

أنا والله لو لقيت الفرصة أنى أدرس الطب من الأول تانى فى كندا مش هتأخر بس ده مش سهل لأنى لو عاوز أنط ال 4 سنين بتوع علوم , لازم أجتاز امتحان اسمه ال MCAT و بسكور معين هما طالبينه و كمان أكون موجود فى نفس المقاطعة اللى فيها الكلية ما لا يقل عن سنة .

هيييييييه , أنا هعمل اللى ربنا يقدرنى عليه و خلاص , يعنى هنتحر يعنى .

ربنا يقدم مافيه الخير .

مازيراتى كواتروبورتيه

**Moe86** · 13-07-2010 05:15 AM

أنا كل كام يوم بدخل أبص على نتيجة الاستطلاع
و كل مرة بلاقى الناس اللى عايزة تهاجر أكتر بكتيير ماشاء الله

**abou_ruqi** · 13-07-2010 08:56 AM

المشاركة الأصلية كتبت بواسطة moe86

أنا كل كام يوم بدخل أبص على نتيجة الاستطلاع
و كل مرة بلاقى الناس اللى عايزة تهاجر أكتر بكتيير ماشاء الله

ياباشا دول مش اللي عاوزين يهاجروا , دول إللي على إستعداد للتخلي عن الجنسية المصرية للأبد
لو كان الإستطلاع عن اللي عاوزين يهاجروا كانت بقت 99%

**aezzat** · 13-07-2010 12:42 PM

المشاركة الأصلية كتبت بواسطة abou_ruqi

ياباشا دول مش اللي عاوزين يهاجروا , دول إللي على إستعداد للتخلي عن الجنسية المصرية للأبد
لو كان الإستطلاع عن اللي عاوزين يهاجروا كانت بقت 99%

ايه ناوى تفضى المنتدى , انا موافقك ان نسبة اللى عايزين يسيبوا البلد تزيد عن 90 % مستريح

و اكيد كلنا حاولنا و لكنه قرارمش سهل و يتوقف على ظروف البنى ادم