الموضوع: تعمل إيه لو طلبوا منك تتنازل عن الجنسية المصرية علشان تتجنس ؟

المشاركة الأصلية كتبت بواسطة maserati

السلام عليكم ورحمة الله و بركاته

و كل عام و أنتم بخير.


أنا كان عندى استفسارين للدكتور فادى باشا و هما :

1 - أنا كنت فهمت من الكلام اللى أنت كنت كاتبه أن الواحد ممكن بعد مايخش أمريكا , يستعين بمحامى عشان يخلصله اجراءات الجرين كارد و كده , هل الكلام ده ممكن حتى لو الواحد داخل بفيزا دراسة مثلا أو كده و فى الحالة دى المحامى بياخد كام تقريبا و هل لو انت عملت الموضوع ده و أنت مصرى بس تفرق عما لو عملته و أنت معاك الجنسية الكندية , قصدى بيبقى أسهل مثلا ؟؟؟

2 - و أنا داخل يوم 13-7-2010 من مطار تورونتو و أنا واقف فى الطابور بتاع المهاجرين اللى لسه واصلين كندا , لقيت فىبتاع 5 -6 أمريكان و معاهم الجواز الأمريكى اللى يشرح القلب - أنا شفته بعينى و الله - و جايين مهاجرين كندا , ماتعرفش دول بيعملوا الحوار ده ليه ؟؟؟ , أصل أكيد الأمريكان مش هيعملوا كل الاجراءاااااااااااااااااا اات بتاع هجرة كندا كده و ييجوا عشان يتفسحوا , أكيد فى اننننننننننننننننه فى الموضوع , حتى أختى كمان لاحظت الموضوع , رغم أنها كانت بتعمل لاندنج برى , يعنى هى أصلا عايشة فى كندا بفيزا مؤقتةو لما خلصت الاجراءات بتاع هجرة كندا من جوه كندا , كان لازم تروح بالعربية لحد الحدود الأمريكية و تخرج من كندا للمنطقة المحايدة و ماتدخلش أمريكا طبعا لأنها ممعاهاش فيزا و ترجع تخش كندا تانى , هى برضه لاحظت أن كان فيه أمريكان داخلين من أمريكا لكندا عشان يعملوا لاندج , غريبة دى , صح ؟؟؟؟؟؟؟؟

آسف جداااااااااااااا للاطالة.

مازيراتى كواتروبورتيه

موضوع الاستعانه بمحام داه بيكون للناس اللي جاية أمريكا بفيزا سياحه أو دراسه أو بيزنس وعايز يضرب ويقعد ..ساعتها لازم يشوف محامي ويمشي في ورق ..أما عن طريق الزواج أو العمل وداه شبه متوقف علشان مفيش فرص عمل من أساسه ،أو لجوء ودة فيه منه السياسي و- العنصري ذي البلاد اللي مبتحترمش السود والديني ، وأنواع تانية
يعني المصريين بصراحه مفوتوش مواضيع اللجؤ ديه الا وعملوها، يعني سمعت ناس عملت لجوء علي قواضي تار علشان هما من الصعيد وقال انهم لو رجعو حيتقتلو قواضي تار ، وأخدو الجرين والجنسية،، فيه بنات عملت قواضي انهم فقدو عذرية وطبعا عارفين مبدأ الشرف في مصر والعار ميتمسحش غير بالدم ، وكسبوها بسرعة ، غير الديني ،وأنواع تانية كتير سمعت عنها ومش فكرها. لكن اللي جاي هجره شرعية ومعه في ايده الجرين من مصر مش محتاج أي حاجه..غير يستنى 5 سنين وياخد الجنسية بشرط ميقعدش بره أمريكا أكتر من 6 اشهر متصله ، ومايكونش عمل أي جنحه أو جريمه ..وإلا بيترحل علطول بالجرين
موضوع ال-6 شهور معناه انك ممكن تقعد 6 أشهر برة وتجي أمريكا يومين ثلاثه وتنزيل تاني 6 شهور ..المهم مش أكتر من 6 برة البلد


تاني موضوع بتاع كندا أنا معتقدش إن فيه أي حد أمريكاني ممكن يفكر يروح ويعيش في كندا ،يمكن تكن بتشبه علي الباسبور أو يكونو داخلين عادي ، مكن فسحه بس لاندنج واقامه لأ للأسباب التالية

..أنا عمي في كندا من 25 سنة وزرته كتير أوي بتاع 5 مرات..بس لو إنت مبهور بكندا ، لو جيت أمريكا هتضرب نفسك بالنار .كندا غالية جدا ، سكن وأكل ومعيشه .عبارة عن أمريكا بس علي أصغر في المساحة وأغلي في المعيشة .هي لسه أرخص من أوروبا بس لسه أغلي من أمريكا . فيها نظم رعاية أحسن شوية من أمريكا مقابل ضرايب علي الراتب بتوصل حوالي 50% وأختك ممكن تأكدلك كلامي.
المشكله بقي إن كل كندا نفسها تيجي وتعيش في أمريكا ، بس صدق أو لاتصدق إن أمريكا بتعاملهم زاي أي جنسية تانية.هما ممكن يدخلو البلد بالبسبور الكندي ذي الاروبيين بس لو كسرو أكتر من ال-6 أشهر بيتقبض عليهم ويترحلو وميجوش أمريكا تاني ..يعني أنا واحد صاحبي في كندا ومعاه جنسية ، بنته كندية علشان تصرف علي كليتها والدراسه راحت تقدم علشان تشتغل في مكدونالدز لاقت ويتنج لست 7 أشهر ،هنا مكدونالد وبرجر كنج علطول مش لاقيين ناس علشان بيدفعو أقل فلوس ، لدرجه إنه هو كمان مشوه من شغله وكان بيفكر ينزل مصر .
كمان لما كنت شغال في نيويورك في شغل المطاعم أول ماجيت ، كنت بشوف العيال الكنديين بيجو يشتغلو في الصيف واجازت الكليات علشان يعملو فلوس ، ولم كنت بسألهم وليه متشتغلوش في كندا كانو بيقولو كندا مفيهاش شغل وهنا فلوس أكتر ، بس كانو ميقدروش يكسرو ال-6 أشهر ..ذي مانا كمان مقدرش اكسر في كندا عشان داه ممكن يحطني في مشكله مع هجره كندا حتي لو معايا الباسبور الامريكاني ..فالموضوع مش الكسر لكن الموضوع في الدوله اللي بتكسر فيها وازاي سياستها ناحيه اللي بيكسرو
تاني موضوع القانون الامريكي لا يسمح بإزدواج الجنسية الامريكية مع الكندية ، يعني بنت عمي مع إنه كان معها الجنسية الكندية لكن لما اتجوزت واحد مصري من أمريكا ومعه الجنسية الامريكية ، إتنذلت عن الكندية طبعا وخدت الامريكية ..وفيه ناس من كندا بيخلوهم محتفظين بالكندية مع الجرين بتاع أمريكا ، بس بردو لازم ميقعدوش برا أمريكا أكتر من 6 أشهر حتي ولو كانو في كندا ..
..الباسبور الامريكاني كنت بحلم بيه من و أنا في مصر ..بس بعد مبتمسكه بيبقي ذي أي ورقه .،، أنا مجربه في السفر كتير وليه إحترام محصلش في كل حته ، وانا رايح هولندا كان في كونترات للاروبيين وكونترات للهولنديين وكونترات للامريكان لوحدهم ، مع انهم مش كتير ، بس علشان بيحبو يسافرو برا كتير
أنا صدقني بقول الكلام داه من غير تحيز بس داه أنا اللي أعرفه عن تجربه ناس حوالية وتجربه شخصية من السفر لهناك

المشاركة الأصلية كتبت بواسطة hamed_73

طيب سؤال هو انا لو من هنا ف مصر وعايز اخد الجرين كارد علشان اروح امريكا استقر نا الخمس سنين واخد الجنسيه ومعاك مثلا ليسانس حقوق هل فرصه الشغل هناك ف المجال ده كويسه ولا اصل انا يعتبر خبرتى ف مووضوع الهجره ده وبالذات الاجراءت لامريكا وكده شبه صفر فحابب اعرف معلومات وشكرا جزيلا لكم

بص، السؤال بتاعك له شقين، تسافر ازاي وموضوع حقوق . هل لو كليه حقوق هناك فرص شغلها تعبانه هتقعد في مصر وترضي بالحال.أنا شايف انك تركز في موضوع السفر الاول وبعدين الشهاده .طبعا موضوع تاخد الجرين وإنت في مصر مش بالسهوله ديه دلوقتي ، مفيش غير انك تقدم في القرعه اللي بتحصل كل سنه وديه مجانية من غير أي إشتراكات أو تحفظات ،بس إحتمالات نجاحها واحد في ال 100،000 .هما بيدوا مصر كل سنه 4000 جرين كارد بس فيه بتاع 4 مليون بيقدم عليها .وإنت وحظك
طبعا المحاماه هنا شغلها حلو بس أكيد لازم تذاكر لها من الاول ،أنا مش عرف بصراحه ممكن تدخل وتبص اونلاين

المشاركة الأصلية كتبت بواسطة AhMeD EzZ

سؤال موجة لاستاذ قادي
دلوقتي انا طالب في مصر في كلية التجارة و عايز اسافر لامريكا لدراسة ال computer science
ايه هي الخطوات بالظبط
و في نقطة كمان انا و الدي معاة الجنسية الالمانية هل دة ممكن يسهل في الاجراءات و لا مالوش علاقة .

الخطوات بالنسبه للدراسه لازم تبتدي عن طريق انك تراسل كلية هنا و تشوف إيه المطلوب من ناحيه الاوراق وكده .بس بيطلبو منك ضمانات ماليه كبيره تغطي مصاريف اقامتك والكليه ولازم تكون full time .يعني ماينفعش تشتغل مع الكلية .بس الضمان المالي الكبير شرط أساسي . أنا مش متابع الحاجات ديه دلوقتي هنا .لو ابتديت تسأل وفيه حاجه مش فهمها أنا ممكن أساعدك .


موضوع والدك معه جنسية تانية ممكن يفيدك لو إنت كنت سافرت عنده قبل كده ورجعت ، بس مش أكيد أوي ، كل حاجه في السفاره مش مضمونه..طيب ليه مفكرتش انك تروح ألمانيا ، مش أسهل ليك من ناحيه إن والدك هناك ؟