تعمل إيه لو طلبوا منك تتنازل عن الجنسية المصرية علشان تتجنس ؟

**MASERATI** · 14-07-2010 07:14 PM

المشاركة الأصلية كتبت بواسطة abou_ruqi

ياباشا دول مش اللي عاوزين يهاجروا , دول إللي على إستعداد للتخلي عن الجنسية المصرية للأبد
لو كان الإستطلاع عن اللي عاوزين يهاجروا كانت بقت 99%

السلام عليكم و رحمة الله و بركاته

تسلم ايدك يا باشا يا جاااااااااااااااااااااااا ااااااااماااااااااااااااا ااااااااااااااااد

محدثكم - مازيراتى أبو العافية من أرض المهجر الجديد

**Ghamrawy** · 14-07-2010 11:30 PM

المشاركة الأصلية كتبت بواسطة ahmed samy

عقبالنا يارب

امين اجمعين يا رب
على راى عادل امام فى فيلم طيور الظلام
البلد دى اللى يشوفها من فوق غير اللى يشوفها من تحت
تحت
فقر
زحمة
هوا فاسد
ناس بتحارب علشان لقمة عيشها

اتمنى انى اكون واحد من الناس اللى كانوا بيتكلموا فى المقال ده

**x512** · 17-07-2010 04:49 PM

المشاركة الأصلية كتبت بواسطة ghamrawy

امين اجمعين يا رب
على راى عادل امام فى فيلم طيور الظلام
البلد دى اللى يشوفها من فوق غير اللى يشوفها من تحت
تحت
فقر
زحمة
هوا فاسد
ناس بتحارب علشان لقمة عيشها

اتمنى انى اكون واحد من الناس اللى كانوا بيتكلموا فى المقال ده

معاك حق فعلا

بس اما كان عندي سؤال عابر...هل من السهل الحصول علي الجنسيه الامريكيه الايام دي؟؟...لان في ناس كتير بتقولي ان الموضوع محتاج فلوس كتيييييييييييييييييييير و يا اما تاخدها يا اما لأ؟؟

**fadod** · 17-07-2010 05:36 PM

المشاركة الأصلية كتبت بواسطة x512

بس اما كان عندي سؤال عابر...هل من السهل الحصول علي الجنسيه الامريكيه الايام دي؟؟...لان في ناس كتير بتقولي ان الموضوع محتاج فلوس كتيييييييييييييييييييير و يا اما تاخدها يا اما لأ؟؟

معلش أنا مش فاهم سؤالك جنسيه إيه ديه اللي بفلوس وهي أمريكا محتاجة فلوس ، إلا لو كانت جنسية دولة تعبانة من دول العالم الثالت . مفيش بلد محترمة بتبيع جنسيتها بفلوس ، ولا حتي مصر .فيه مصريات متجوزين اجانب وهيموتو ويدو عيالهم الجنسية المصرية ومش عارفين ، أعتقد دول كمان لو فيها فلوس كانو اشتروها من زمان ووفرو التعب داه وفلوس المحاميين. في حين إن المصري اللي يتجوز أجنبية يديها الجنسية علي طول.
نرجع تاني لسؤالك عن أمريكا ، علشان تاخد الجنسية الامريكية لازم يكون معك ال-green card أو الاقامة الدائمه لمده خمس سنين ومتكنش قعدت فيهم أكتر من 6 شهور متصله برا أمريكا وإلا الإقامة تسقط. وبعد ميعدي عليك الخمس سنين وتكن دافع فيهم ضرايبك إلي هي ضريبة الدخل ومتكنش عمل أي جنحة أو جنايه بتدفع رسوم التقديم اللي هي حوالي 600$ وبتعمل إمتحان تاريخ وإنجليزي بدائي كدة ، وتحلف اليمين وتاخد الجنسية .
ذي من شايف مفيش حاجة ينفع تمشي بفلوس غير رسوم التقديم اللي كل الناس بتدفعها .
في نفس الوقت لو حاولت تخدعهم يومك اسود ،مثلاً واحد صاحبي طلع حاجة اسمها الباسبور الابيض وداه يدلك الحق انك تقعد برا البلد لمده سنتين بس بياخر لك فرصه التقديم علي الجنسية السنتين دول ورجع وعمل إن الباسبور ضاع منه وإنه قاعد برة البلد لمده 3 أشهر بس .طبعاً جابو كل حاجة عنو وكانو هيسحبو منه elgreen card
رفع قضية ومحامين وفي الاخر تم حرمانه من الجنسية 5 سنين .طبعاً غير الناس اللي بتجي وبتعمل جواز بيزنس بفلوس علشان الاقامة وبيطوبو عليهم في نص الليل ولو ماكانوش مع بعض فعلاً بيرحل الواد والجديد إن البت كمان الامريكية بتدخل السجن سنتين.
في اوخر التسعينات كنت عارف واحد متجوز بيزنس ويوم المقابلة راح هو ومراته الامريكية وكانت بت سودا وواقعة ،مخدرات وسجن وعندها 2 boy friends وكان الود مظبتها فلوس لدرجه إن كان شغال ذي الحمار 16 ساعة في إليوم وهي تاخد الفلوس وتديله اللي يادوب يعيشه.المهم يوم المقابلة بيسألوها تعرفي أبوه وأمه ، قلتلهم حبايبي ..وزرتهم ..اسمهم كدة ولسة كنا زايرنهم من شهرين. وهي ولا عمرها شفتهم ، زرتهم فين يا ست ، قالت زرتهم في مصر ،(خدو بالكم من الحتة إلي جاية) قالولها ومصر ديه فين يا ست ورحتيها ازاي..قالت لهم مصر ديه جزيرة جنب المكسيك ورحنا بمركب .
كانت عايزة تعمل معاه واجب بس الجرعة كانت زيادة شوية ..الواد كان وشه في الارض وربنا ستر إنه مترحلش في ساعتها لأن القانون زمان كان فيه انهم يدله مهلة 3 أشهر يلم حجتوه وينزل ، وفعلاً سافر
كل حاجة دلوقتي بقت صعبه حتي الجنسية بعض التقديم بياخدو حوالي سنتين علشان يرودو علي طلبك اللي فيه بيلففو اسمك علي كل كمبيوترات العالم لتكون عامل حاجة. وفيه كمان قانون يخليهم يسحبو عنك الجنسية لو ثبت قيامك بأي عمل إرهابي

**أحمد كمال** · 17-07-2010 06:44 PM

المشاركة الأصلية كتبت بواسطة fadod

في حين إن المصري اللي يتجوز أجنبية يديها الجنسية علي طول.

لازم تقيم معاه اقامة دائمة 3 سنين متصلة في مصر عشان تقدم عليها و يا تاخدها يا ما تاخدهاش

المشاركة الأصلية كتبت بواسطة fadod

ومتكنش قعدت فيهم أكتر من 6 شهور متصله برا أمريكا وإلا الإقامة تسقط.

احيانا ممكن تاخد re-entry permit بشروط و ضوابط معينة عشان الجرين كارد ما يروحش عليك ......

المشاركة الأصلية كتبت بواسطة fadod

في نفس الوقت لو حاولت تخدعهم يومك اسود ،مثلاً واحد صاحبي طلع حاجة اسمها الباسبور الابيض وداه يدلك الحق انك تقعد برا البلد لمده سنتين بس بياخر لك فرصه التقديم علي الجنسية السنتين دول ورجع وعمل إن الباسبور ضاع منه وإنه قاعد برة البلد لمده 3 أشهر بس .طبعاً جابو كل حاجة عنو وكانو هيسحبو منه elgreen card

صاحبك ده مصري جدا جدا جدا !!!!!!!!

فاكر نفسه في مصلحة جوازات كفر البطيخ

المشاركة الأصلية كتبت بواسطة fadod

قالولها ومصر ديه فين يا ست ورحتيها ازاي..قالت لهم مصر ديه جزيرة جنب المكسيك ورحنا بمركب .

ههههههههههههههههههههههههه هههههههههههههههه ام الجهل .........

**fadod** · 17-07-2010 08:02 PM

المشاركة الأصلية كتبت بواسطة viper911s

ههههههههههههههههههههههههه هههههههههههههههههههه
جزيرة جنب المكسيك
ههههههههههههههههههههههههه هههههههههههههههههههه
طب هو ازاى صحيح اخد جرين كارد
ولا لازم القرعة العشوائية ولااية

هو كان بيقدم علشان ياخد elgreen card ، وكان رايح بفيزا . ماهو إنت أول متمسك الكرت ف ايدك بقيت زيك زاي اللي معه جنسية ماعدا حقك انك تنتخب أو تشتغل أشغال معينة في الحكومة

**x512** · 17-07-2010 10:56 PM

انا اقصد محتاج فلوس كتير عشان الورق و الاجراءات و امتحان اللغه و كدا؟؟ وعموما شكرا علي معلوماتك يا باشا عقبال ماخد اي جنسيه انشاله صومالي بس اخرج بره المخروبه دي

**MASERATI** · 23-07-2010 04:40 PM

المشاركة الأصلية كتبت بواسطة fadod

كل حاجة دلوقتي بقت صعبه حتي الجنسية بعض التقديم بياخدو حوالي سنتين علشان يرودو علي طلبك اللي فيه بيلففو اسمك علي كل كمبيوترات العالم لتكون عامل حاجة. وفيه كمان قانون يخليهم يسحبو عنك الجنسية لو ثبت قيامك بأي عمل إرهابي

السلام عليكم و رحمة الله و بركاته

أنا برحب بنفسى فى المنتدى ده بعد عودتى من الايقاف أسبوع عشان رأيى فى أحد المواضيع اللى هنا ( شوف استهبال الناس ) ماعجبش المشرفين.

خلينا فى المهم , يعنى أنا بعد ما أقضى فى أمريكا ( أم الدنيا ) 5 سنين و أقدم على الجنسية , آخد سنتين لحد ماخدها فعلا ؟؟؟؟؟ , ده كتييييييييييييييييير أوى يا باشا, بس بينى و بينك , تستاهل , ما هى أمريكا برضه يا باشا , احنا بقه عندنا المواضيع هنا أسهل بكتييييييييييييييير , بيطلبوا منك تقعد فى كندا 3 سنين فى خلال آخر 4 سنين اللى هما قبل تقديمك على الجنسية عالطول, بدون حد أقصى للمدة اللى ممكن تقضيها بره كندا فى الأجازات و كده و لما تقدم على الجنسية بيعملولك اختبار الانجليزى و التاريخ زى ما سيادتك بتقول , بس اجراءات الجنسية نفسها بتاخد سنة واحدة بس ان شاء الله .

و كمان ماعندناش قانون سحب الجنسية ده, هو القانون ده جديد فى أمريكا؟؟؟؟

على العموم , أى حاجة هتبقى أحسن من هناك ( و انت فاهم و أنا فاهم ) , ربنا مايرجعناش هناك تانى .

مازيراتى كواتروبورتيه

**أحمد كمال** · 23-07-2010 05:08 PM

المشاركة الأصلية كتبت بواسطة maserati

السلام عليكم و رحمة الله و بركاته

أنا برحب بنفسى فى المنتدى ده بعد عودتى من الايقاف أسبوع عشان رأيى فى أحد المواضيع اللى هنا ( شوف استهبال الناس ) ماعجبش المشرفين.

خلينا فى المهم , يعنى أنا بعد ما أقضى فى أمريكا (:ta_clap[1]: أم الدنيا :ta_clap[1]:) 5 سنين و أقدم على الجنسية , آخد سنتين لحد ماخدها فعلا ؟؟؟؟؟ , ده كتييييييييييييييييير أوى يا باشا, بس بينى و بينك , تستاهل , ما هى أمريكا برضه يا باشا , احنا بقه عندنا المواضيع هنا أسهل بكتييييييييييييييير , بيطلبوا منك تقعد فى كندا 3 سنين فى خلال آخر 4 سنين اللى هما قبل تقديمك على الجنسية عالطول, بدون حد أقصى للمدة اللى ممكن تقضيها بره كندا فى الأجازات و كده و لما تقدم على الجنسية بيعملولك اختبار الانجليزى و التاريخ زى ما سيادتك بتقول , بس اجراءات الجنسية نفسها بتاخد سنة واحدة بس ان شاء الله .

و كمان ماعندناش قانون سحب الجنسية ده, هو القانون ده جديد فى أمريكا؟؟؟؟

على العموم , أى حاجة هتبقى أحسن من هناك ( و انت فاهم و أنا فاهم ) , ربنا مايرجعناش هناك تانى .

مازيراتى كواتروبورتيه

فيه قانون جديد في كندا لسحب الجنسية في حالة جرائم الارهاب