تعمل إيه لو طلبوا منك تتنازل عن الجنسية المصرية علشان تتجنس ؟

**abou_ruqi** · 16-08-2010 02:45 AM

بالنسبة للي تابعوا ماتش شبيبة القبائل , لسه مش عاوزين تتنازلوا عن الجنسية ؟؟؟

**fadod** · 16-08-2010 03:08 AM

المشاركة الأصلية كتبت بواسطة egyptawy2010

الف شكر لاهتمام حضرتك
طيب ممكن تقولى عملوا معاهم ايه لما اكتشفوا الموضوع

معملش معها حاجه غير إنه خلاها متخدش الجنسية إليوم داه وتستني 5 سنين تانيين ..طبعا الموضوع مش سهل بس حظها انها مكدبتش وقالت علي الزيارات ، لو كانت كدبت كان ممكن يسحب منها الجرين وللخلف دور ..انها تستني خمس سنين وتعمل مقابله تانية صعب جدا

أنا فاكر يوم مقابلتي علشان الجنسية كنت مخنوق علشان كنت مفوت إمتحان مهم في الكلية ،بس الكلية إدتني العذر علي طول لما عرفو إنه إمتحان الجنسية ..وانا كنت خايف للكلية تغير الإمتحان علشان خدته لوحدي ،وكنت يومها قرفان أوي وكنت بجاوب الممتحن بنوع من قله الأدب نوعا ما ..نظام أسئلتك سخيفة ..فالرجل إبتداء يغلس علي في الأسئله ويجيب أسئله أصعب وانا الأسئله كنت عارفها من غير مذكره لأني درست كذا ماده تاريخ أمريكي هنا ، ومستوي الانجليزي عندي كان تقريبا يعادل الامريكان ماعدا اكسنت في الكلام شوية طبعا لأني مش مولود هنا .وبعد مجاب اخره ابتدي يسألني علي ضرايبي وإن كنت بعملها كل سنة ،ووريته إن دخلي أعلي منه قبل مبتدي الكلية .في إلأخر لما سألني إنت بتدرس إيه وقلت كه طب .قام من الكرسي ومد ايده سلم علي وقالي مبروك حضرتك دلوقتي امريكان سيتزن. تحب تحلف اليمن امتي ..وبس كد

**M.Osman** · 16-08-2010 03:09 AM

المشاركة الأصلية كتبت بواسطة abou_ruqi

بالنسبة للي تابعوا ماتش شبيبة القبائل , لسه مش عاوزين تتنازلوا عن الجنسية ؟؟؟

و الله العظيم الماتش ده اتفرجت عليه بالصدفة ...مليش فالكورة اصلاً

يلعن $$^$&%$ دي حكومة على شعوب بنت ^$#&%$ عالكورة كلها

**abou_ruqi** · 04-09-2010 07:12 PM

إهداء لروح الموضوع

[youtube]http://www.youtube.com/watch?v=z90qk08RKkM[/youtube]

**x512** · 05-09-2010 01:18 PM

المشاركة الأصلية كتبت بواسطة abou_ruqi

بالنسبة للي تابعوا ماتش شبيبة القبائل , لسه مش عاوزين تتنازلوا عن الجنسية ؟؟؟

والله حضرتك بص...الواحد ممكن من كتر كرهو للي البلد دي بتعملو فيه يتنازل مفيش مشاكل....بس متنساش ان الجنسيه التاني اللي هتاخدها هيفضل اهل بلدها يبصلوك انك جاي تتلزق فيهم عشان تتمتع بحقوقك كبني ادم و عشان تعرف تعيش...و هيبصولك انك كنت مجرد عبد مضتهد وهم اللي منو عليك بأعطائك الجنسيه...خصوصا لو كان الكلام دا في دوله زي ألمانيا مثلا...شعبها معروف بالعنصريه...مفيش مشاكل اخد جنسيه بلد اخري لكن لا اتنازل عن جنسيتي...الموضوع مش بالسهوله دي

**factorialx** · 05-09-2010 02:38 PM

أنا أعرف واحد راح كندا و قدر ياخد الجنسية بس مراته لأ لأنها كدبت و قالت إنها مخرجتش من كندا في ال3 سنين قبل ما ياخدوا الجنسية فخلوها تستنى 5 سنين كمان

إن شاء الله في الخطه الخمسية قدام كده حاططت كندا في إعتباري ( طبعا دون تنازل عن الجنسية المصرية طبعا )

ياه بحلم باليوم اللي إنزل فيه على مطار بيرسون الدولي و أروح أعمل الPR card
دولا حتى من كتر الإحترام مش بيقولوا عليك مهاجر immigrant بيقوا على الهجره permanent resident إقامه دائمه

مشوار كندا يبدأ بالاي يلتس ielts إمتحان اللغه الإنجليزية زي توفول اللي بيفكر يبدأ من دلوقتي يحضر ليه لأأنك لو مش متجوز لازم تجيب سكور عالي فيه

**aif** · 05-09-2010 03:26 PM

بلدي وان جارت علي عزيزة .................. وأهلي وإن ضنوا علي كرام
يحزنني اني اشوف انتماء الناس بقى لأندية الكورة ....... بدل بلدهم
لو حد كتب مجرد انتقاد للأهلي او الزمالك .... كان زمان الناس بيقطعو فيه
...
لكن مصر ...... لأ

اللي عاوز يهاجر ..... ده من حقه
اللي عاوز يسافر ..... برضه من حقه
...
مصر مش ح تقف عشان حد سابها
ومصير الدنيا تتغير ...... الدوام لله .....
انتو بتبصو على ال50 سنة اللي فاتت
دول في عمر مصر لحظة ..... وقدرنا اننا نكون موجودين فيها .....

والارض لله يورثها من يشاء

أَوْ كَالَّذِي مَرَّ عَلَى قَرْيَةٍ وَهِيَ خَاوِيَةٌ عَلَى عُرُوشِهَا قَالَ أَنَّى يُحْيِي هَذِهِ اللَّهُ بَعْدَ مَوْتِهَا فَأَمَاتَهُ اللَّهُ مِائَةَ عَامٍ ثُمَّ بَعَثَهُ قَالَ كَمْ لَبِثْتَ قَالَ لَبِثْتُ يَوْماً أَوْ بَعْضَ يَوْمٍ قَالَ بَلْ لَبِثْتَ مِائَةَ عَامٍ فَانْظُرْ إِلَى طَعَامِكَ وَشَرَابِكَ لَمْ يَتَسَنَّهْ وَانْظُرْ إِلَى حِمَارِكَ وَلِنَجْعَلَكَ آيَةً لِلنَّاسِ وَانْظُرْ إِلَى الْعِظَامِ كَيْفَ نُنْشِزُهَا ثُمَّ نَكْسُوهَا لَحْماً فَلَمَّا تَبَيَّنَ لَهُ قَالَ أَعْلَمُ أَنَّ اللَّهَ عَلَى كُلِّ شَيْءٍ قَدِيرٌ
اللي أحيا القرية
واللي احيا العزير
واللي احيا الحمار
قادر على كل شيء
...
وصلت

**aif** · 05-09-2010 03:52 PM

المشاركة الأصلية كتبت بواسطة kh_talaat

يسلم فمك يا حااااااااااااج احمد :ta_clap[1]:

ربنا يبارك فيك يا خالد باشا
اللي بيحيرني ان جميع البلاد ... فيها مشاكل والناس مش راضيين عن الاوضاع ... خصوصا الدول النايمة ( النامية سابقا )
لكن تلاقي الناس عندهم انتماء وحب لبلدهم
يا أخي ده الصوماليين بيحبو الصومال
و الموزمبيقيين بيحبو موزمبيق
و بتوع جزر شاو شاو بيحبوا شاو شاو بتاعتهم
.... لكن احنا بقى .... يا اما بلدنا تبقى متقدمة وغنية ومنظمة ...... او نلعنها على كل المنابر
والادهى ان العيب فينا احنا ....... انا وانت وهو وهي
لما نبقى ناس كويسين ..... لما نبقى صالحين ..... في الدنيا والدين
اكيد ربنا ح يصلح حال البلد
لكن لما كلنا معيوبين .... البلد ح تتصلح بمين ....... بسكان المريخ ؟؟؟؟؟
ماتنساش تدعيلي يا خالد ......