تعمل إيه لو طلبوا منك تتنازل عن الجنسية المصرية علشان تتجنس ؟

**mobmob2010** · 08-09-2010 06:04 PM

المشاركة الأصلية كتبت بواسطة abou_ruqi

يعني لو بلد إسلامي , مفيش مشاكل ؟؟

طيب ما هو أنا مقولتش كندا وألا أمريكا , أنا قلت اللي نفسك فيه , يعني لو السعودية أو الإمارات أو البحرين , شغال معاك ؟؟؟

ما كل بلد فيها أبو قير بتاعتها , وبعدين على فكرة مصر في السمك و القشريات أغلى بلد في العالم

طبعا لا ولا بلد فيها ابو قير ولا بحري ولا الحسين ولا باب الشعرية ولا وسط البلد بتاعنا ولا السيدة ولا الهرم ولا الازهر ولا مطروح ولا السخنة ولا الغردقة ولا بور سعيد ولا الاسماعيلية ولا شرم الشيخ ولا اسوان ولا الاقصر ولا مرسي علم ولا سانت كاترين ولا ولا ولا ولا ....... هقول ايه ولا ايه
ياتري ممكن تلاقي اماكن للعبادة وغسيل النفس زي الازهر والحسين والسيدة زينب كذلك الكنائس التاريخية اللي من عمر المسيحية في العالم
ياعم انا سافرت كتير اوي ملقتش واحد كشري بالدقة من عند ابو طارق ولا واحد فول متحبش من عند الجحش ولا شوية كباب وكفتة ومعاهم حتتين ريش من عند ابو طاهر او من عند بقش ولا حجرين معسل في الندوة الثقافية ولا في سي عمر ولا ولا ولا .......
اخرهم عندي اسبوع ولا عشره ايام واقول ياغربتي
دي بلاد مفيهاش اكشن كل حاجة ماشية سيستيماتيك ملل في ملل - لوحة جميلة بتتفرج عليها كل يوم لغاية لما زهقت
ياعم حرام عليك مينفعش نقارن ام الدنيا باي اي عيل من عيالها
صح عندنا سلبيات لكن دي كلنا مسئولين عنها بداية من راس الهرم للقاعدة

**Ghamrawy** · 09-09-2010 02:16 AM

المشاركة الأصلية كتبت بواسطة mobmob2010

طبعا لا ولا بلد فيها ابو قير ولا بحري ولا الحسين ولا باب الشعرية ولا وسط البلد بتاعنا ولا السيدة ولا الهرم ولا الازهر ولا مطروح ولا السخنة ولا الغردقة ولا بور سعيد ولا الاسماعيلية ولا شرم الشيخ ولا اسوان ولا الاقصر ولا مرسي علم ولا سانت كاترين ولا ولا ولا ولا ....... هقول ايه ولا ايه
ياتري ممكن تلاقي اماكن للعبادة وغسيل النفس زي الازهر والحسين والسيدة زينب كذلك الكنائس التاريخية اللي من عمر المسيحية في العالم
ياعم انا سافرت كتير اوي ملقتش واحد كشري بالدقة من عند ابو طارق ولا واحد فول متحبش من عند الجحش ولا شوية كباب وكفتة ومعاهم حتتين ريش من عند ابو طاهر او من عند بقش ولا حجرين معسل في الندوة الثقافية ولا في سي عمر ولا ولا ولا .......
اخرهم عندي اسبوع ولا عشره ايام واقول ياغربتي
دي بلاد مفيهاش اكشن كل حاجة ماشية سيستيماتيك ملل في ملل - لوحة جميلة بتتفرج عليها كل يوم لغاية لما زهقت
ياعم حرام عليك مينفعش نقارن ام الدنيا باي اي عيل من عيالها
صح عندنا سلبيات لكن دي كلنا مسئولين عنها بداية من راس الهرم للقاعدة

بغض النظر عن اى حاجة تانية

هى البلد خلاص بقت عبارة عن حجر معسل و ساندوتش و كباب و كفتة

انا ما اظنش ان اى واحد عايز ينجو بحياته من المستنقع اللى بقينا عايشين فيه حايعمل اعتبار لكل الفسح و المتع اللحظية دى
و اذا كان على الازهر و لا اماكن العبادة
ما الواحد ممكن يطلع يحج كل سنة و كمان حايبقى ارخص من الحج اللى المسئولين و الحكومة بياخدوا عليه اتاوة و سمسرة من الحجاج

**slim_shika** · 09-09-2010 02:42 AM

كويس أنا كنت فاكر كل الناس عايزة تخرج بره البلد طلع في ناس عاجبها البلد وعايزين يعيشوا فيها...هم دول اللي فيهم الخير لسة يا مصر..

**Amr Mohamed** · 09-09-2010 06:00 AM

المشاركة الأصلية كتبت بواسطة ComputerKing

يعني انا مش فاهم جو فيلم الوطنية الي ناس عايشة فيه ده انا كل ما بعيش دقيقة بتصدم و بتذهل من الي بيحصل في البلد و اتفرج يا عم على المواضيع الي ماليه المنتدي مليانة بلاوي ! بذمتكم ايه الي يعجب في بلد خلاص مفيهاش امن ولا امان !

الخير فى وفى امتى الى يوم الدين صدق رسول الله صلى الله عليه وسلم .

المشاركة الأصلية كتبت بواسطة abou_ruqi

ماهو علشان كده سألتك على الأولاد , لما ربنا يرزقك بإذن الله وتكون بتحبهم قوي , كل اللي أنت بتقوله ده حيتغير

حتبقى مستعد توديهم الإسكيمو علشان يأكلوا طبخ سلطة خضرا نضيف

اه هاهاها
لا عادى جدا هاجيبلهم من اللى فيها هرمونات واغسلها بالميه اللى فىيها طحالب بتاعة الحنفيه حتى عشان العيال يجيلها مناعه كدا
والله افتكرت مثل استاذ العربى كان بيقولهولنا زماان فى ثانوى
ابن الهبله يعيش اكتر هاهاها

**x512** · 09-09-2010 06:05 AM

المشاركة الأصلية كتبت بواسطة brown-eyes

هههههههههه شكلك فاهم يانصة

بص انا لما جيت ايطاليا شهر 12 اللي فات عملت الورق وكل حاجة وخدت الاقامة وانا لسا مابعرفش اي حاجة في اللغة وتقريبا لسا بردو لغاية دلوقتي المضوع ده بس لما كنت في مدرسة اللغة قالولنا ان في قانون جديد هينزل انك لازم تكون معدي لفل واحد في اللغة اي كلام يعني وخلاص
ولو ناوي تسافر مانصحكش بايطاليا لانها من الدول اللي اقتصدها مش قوي ونسبة الهجرة فيها كتيرة جداااااااااااااا ده غير ان في ناس كتير جدا ماعهمش ورق وناس كتير قوي بتقولي البلد مابقتش زي زمان و الازمة الاقتصادية ماثرة فيها اوي ماعرفش بقي كلام ولا دي حقيقة وبردو انا لغاية دلوقتي بقالي فترة بسيطة فا مش عارف احكم علي البلد كويس
وعموما الايطالي والاسباني والفرنساوي قريبيا جدا من بعض يعني لو بتكلم لغة منهم كويس ممكن تكلم الباقي بسهولة بس الالماني ماعرفش ايه ظروفه انا خدته في ثانوي بس مش فاكر منه ولا كلمة وفاكر انه كان مكلكع كده وانا ماحبتوش وربنا يوفقك

انا كنت واخد فرنساوي من اولي اعدادي بس نسيتو لما دخلت الجامعه عشان اتركن... الالماني بتعلمو لاني ان شاء الله هشتغل في هندسه السيارات فهيفيدني في المجال دا...و الفكره ان المانيا هي الام في المجال دا...بس برضو كل دوله في اوروبا ليها مدرسه شكل في صناعه السيارات و كل مصنع ليه اسراره و اساليبه الخاصه في بعض عمليات الصناعه...ودا اللي كنت حابب اتعلمو لو سافرت برا ان شاء الله...اتعلم شويه من خبره الالمان شويه من الطليان و الفرنسين و شويه من الانجليز و الامريكان...بس في ناس قالتلي انو الافضل ليا اركز في شركه واحده بس و اتعلم فيها طول عمري دا افيدلي بس انا مش مقتنع...و عموما كتر خيرك علي الافاده و الرد ولو مش عجاباك احوال ايطايا يا سيدي ف كفايه انك بتاكل احسن بيتزا و اطعم مكرونه في العالم

**Miss_Pharma** · 09-09-2010 09:08 AM

ههههههههههه
مرة واحدة صاحبتي قالتلي انا ممكن اتجوز كويتي عادي
قلتلها لا يا شيخة وعيالك يطلعوا كويتين مش مصريين !!!

قالتلي ياريييييييت على الاقل جنسية بتحترم ولادها وبتديهم فلوس وعدايا في كل عيد ومنح واللي بيتجوز بتديله شقة وكل عيل بتجيبه بتاخد عليه فلوس ولما تروح تشتغل في اي مكان ليك الاولوية وبتاخد مرتب اعلى من اللي معاك .. ده غير انه عايش في بلد منظمة ونظيفة .

قوليلي بقى لو مصريين هياخدوا ايه ؟
والله عندها حق ..
العاطفيين اللي هيقولوا مصر النيل والفراعنة ميردوش عليا عشان الضغط ..

**M.almaghraby** · 09-09-2010 09:25 AM

مرة واحدة صاحبتي قالتلي انا ممكن اتجوز كويتي عادي
قلتلها لا يا شيخة وعيالك يطلعوا كويتين مش مصريين !!!

قالتلي ياريييييييت على الاقل جنسية بتحترم ولادها وبتديهم فلوس وعدايا في كل عيد ومنح واللي بيتجوز بتديله شقة وكل عيل بتجيبه بتاخد عليه فلوس ولما تروح تشتغل في اي مكان ليك الاولوية وبتاخد مرتب اعلى من اللي معاك .. ده غير انه عايش في بلد منظمة ونظيفة .

قوليلي بقى لو مصريين هياخدوا ايه ؟
والله عندها حق ..
العاطفيين اللي هيقولوا مصر النيل والفراعنة ميردوش عليا عشان الضغط ..

لا مش عندها حق

صاحبتك دي " مع احترامي ليها " تفكيرها مادي بحت

يعني هيا عايزه تتجوز واحد كويتي من الاخر عشان الجنسية الكويتية

مع اني اقسم بالله لو عرضوا عليا مليون جنيه عمري ما ارضي اني ابقي كويتي

انا شخصيا لا احبذ الخليج ... لا فالشغل ولا فالتجنيس

الي بيفكر في هجرة دائمة يبقي اوروبا - امريكا - روسيا " بشكل عام "

مع تحياتي

بشمهمندس غازي صباح الفل

ممكن اعرف ليه حضرتك مش حابب ايطاليا او المانيا ؟ لاني ميال ليهم الصراحة " خلينا نحلم شوية ههههههه "

كفايه انك بتاكل احسن بيتزا و اطعم مكرونه في العالم

و بيشوف عربيات الفا روميو فالرايحة و الجااية :)))) اللهم لا حسد يعني

**tutankhamoun** · 09-09-2010 09:31 AM

ههههههههههه
مرة واحدة صاحبتي قالتلي انا ممكن اتجوز كويتي عادي
قلتلها لا يا شيخة وعيالك يطلعوا كويتين مش مصريين !!!

قالتلي ياريييييييت على الاقل جنسية بتحترم ولادها وبتديهم فلوس وعدايا في كل عيد ومنح واللي بيتجوز بتديله شقة وكل عيل بتجيبه بتاخد عليه فلوس ولما تروح تشتغل في اي مكان ليك الاولوية وبتاخد مرتب اعلى من اللي معاك .. ده غير انه عايش في بلد منظمة ونظيفة .

قوليلي بقى لو مصريين هياخدوا ايه ؟
والله عندها حق ..
العاطفيين اللي هيقولوا مصر النيل والفراعنة ميردوش عليا عشان الضغط ..

طبعا اللي بتعمله دول الخليج مع مواطنيها قمة الخطأ ...

هاتيلي عامل كويتي و لا سعودي و لا أمارااتي أو من أي دولة خليجية يقدر يشيل طوبة و يبني بيت ؟؟؟؟؟؟؟؟

طيب ما أمريكا أغنى مائة مرة من دول الخليج كلهم

و لكن دول الخليج علشان هي أنظمة أستبدادية زي غيرها من الدول العربية
فالحكام هناك بيرشوا الشعب علشان يقعد ساكت و ما يقومش عليهم .. يجيب عليها واطيها ....

قيمة العمل عند الخليجيين لا تساوي شئ
فهم ينامون ... ثم يصحون ... و بعدين يأكلوا ...... و بعدين الواد لما يزهق .... يخرج بالعربية الفيراري و بعدين يرجع يتسرمح بالليل مع الصيع اللي زيه ..... و بعدين ينام ...... و بعدين هالومه جاره

إنما مين اللي عنده العلم و المعرفة عندهم ؟؟؟ و لا واحد ! ... مين اللي بيبني بلدهم ( الهنود و الآسيوين و بعدين المصريين و الأوربيين ) .

أما في أمريكا مثلا اللي هي أنا قلت أغنى من دول الخليج مجتمعة
العمل له أهمية و قيمة و كل إنسان يريد أن يحصل على شئ يجب أن يعمل ليأخذه و لذلك له تقدير
و علشان كدا الخليج لحد دلوقتي معندوهمش جيش يعتمد عليه و لا بني آدم منهم يعتمد عليه في حاجة لأنه ببساطة عايش مرفه و عايش يأخد بس .... مش بيدي حاجة (عطاء للمجتمع أقصد)

بالنسبة للموضوع الأصلي
مع أني بكره اللا نظام و التخلف و الهمجية في ج ع ع اللي هي بلدنا بلد البزرميط ....

إنما لا يمكن أتخلى عن جنسيتي المصرية أبدا ......... لأسباب كتيرة جدا

أنا أحب يكون معايا جنسية أخرى محترمة بجانب الجنسية المصري و ليس بسحب الجنسية المصرية مني .

فأنا في النهاية مصري أبن مصري و هاموت مصري و عايش مصري ...
و تحيا ج ع ع و البزرميط و المهلبية .

**M.almaghraby** · 09-09-2010 09:40 AM

فعلا كلام حضرتك استاذ توت صحيح 100%

باعتراف منهم ... الخلايجة 99% منهم عندهم فراغ قاتل و رهيب من كتر الفلوس

انا قابلت واحد كويتي فشرم قالي بالمعني الحرفي انهم شعب فاضي و مش وراهم اي حاجة

لانهم فعلا مش وراهم حاجة !

**azmeralda** · 10-09-2010 05:17 PM

على كده بقى بوجهات النظر دى الفلسطينيين كلهم يسيبوا ارضهم لليهود ويتبنوا الأقتراح ده لأن بلدهم معدش يتعاش فيها ده احيانا لا بيلاقوا مياه يشربوها وولادهم بيتقتلوا كل يوم قدام عينيهم وحكامهم بيتخانقوا مع بعض ولسه بيحبوا بلدهم ورافضين يخرجوا انتوا طبعا مع اللى مشيوا وبقوا جنسيات تانية ومرفهين وباعوا القضية؟

وكمان لو والدك ووالدتك افتقروا ومعدش معاهم فلوس تتبرى منهم وتنتمى لغيرهم اللى هيصرف عليك بفلوس اكتر

الناس دى بتعلم ولادها ايه هيدافعوا عن الوطن ده ازاى لو قامت حرب دلوقتى حد مستعد يضحى بنفسه عشان مصر وده واجب دينى على فكرة قبل ما يكون وطنى ولا عاطفى ولا خلاص

فى ايه
مش دى مصر اللى ربنا سبحانه وتعالى كرمها و ذكرها فى القرآن

"ادخلوا مصر ان شاء الله امنين"

"وأوحينا الى موسى واخيه ان تبوءا لقومكما بمصر بيوتا واجعلوا بيوتكم قبلة"

"وقال الذى اشتراه من مصر لامرأته أكرمى مثواه"

"اليس لى ملك مصر وهذه الأنهار تجرى من تحتى"

وذكر سبحانه سيناء
"وشجرة تخرج من طور سيناء "

"وطور سينين"

والانبياء عليهم السلام الذين دخلوا مصر
ابراهيم وموسى وعيسى ويوسف
زوجة الرسول صلى الله عليه وسلم مارية القبطية التى انجبت له احد ابنائه الذكور كانت مصرية
السيدة مريم
السيدة هاجر المصرية زوجة ابراهيم عليه السلام ووالدة اسماعيل عليه السلام

ووصية الرسول عليه الصلاة والسلام بالقبط المصريين
لكن حديث خير أجناد الأرض حد بيعرف يبحث كويس يشوف درجة الحديث لأن جمع الجوامع كنز العمال بس هو اللى بيعتبره صحيح والباقى بيعتبر اسناده ضعيف

انا بقى فخورة انى مصرية واللى مش حاسس بقيمة ده ايه اللى مانعه يمشى؟
طب متحولوا قوة الرفض دى لحاجة ايجابية لقوة تغيير بدل ما كل واحد متعجبوش حاجة يسيب البلد ويمشى كده بلاد الدنيا كلها هتفضى فى الآخر لأن حتى الاماكن اللى عجباكو دى محدش عجبه حاله فيها