الموضوع: تعمل إيه لو طلبوا منك تتنازل عن الجنسية المصرية علشان تتجنس ؟

رأيي اتغير 180 درجة ....

مصر اتغيرت جدا و الوضع مبقاش زي زمان :)

بجد لازم نخلى الموضوع ده

علشان بعد كده نعرف الفرق والسبب اللى خلانا نقول تغور بقرفها

الشباب صحى البلد من النوم الطويل اللي كانت فيه

احنا قاعدين و متبتيين ..
أصل هانسيبها لمين

رأيي
تعمل موضوع حالا جديد وتحط اللينك هنا
ويكون باسم
دلوقتي بقي رأيك أيه بعد الأحداث ده لو طلبوا منك تتنازل عن الجنسية المصرية عشان تتجنس ؟
وطبعا أستطلاع
عايزين نشوف الفرق

متبت فيها ومش هسيبها

السلام عليكم و رحمة الله و بركاته

احنا حاليا فى مفترق طرق, الحكومة و الريس و الحزب الوطنى و الحزمة الفاسدة دى, عاوزه تضحك عالشعب و تمشى كلامها عليه و تضيع فى الوقت, الله أعلم لحد امتى, هل لحد انتخابات الرياسة اللى جاية و بس و لا فيه حاجة فى دماغ الريس و الحزب الوطنى للالتفاف على الثورة العظيمة دى و لا فعلا هيصدقوا فى كلامهم لأول مرة فى حياتهم و يلتزموا بكلامهم, رغم أن تصرفاتهم و كلامهم بتقول أن الناس دى ناس مشاغبة و لسه بتآوح و مش حسنى النية على الاطلاق و دماغهم شغال ليل و نهار عشان يلاقوا أى فرصة للانقضاض على الثورة و على الناس و يرجعوا تانى أسوأ من الأول و لو ده -لا قدر الله- حصل, هتبقى أيام سودا على الآخر.

اول أننا نقدر نصمد أمام الأكاذيب الألاعيب اللى بتعملها معانا الحكومة و الحزب الوطنى و نقدر نهرشهم أول بأول و نعمل اللى احنا عاوزينه, عشان كده أنا رأيى أننا مانمشيش من ميدان التحرير و نتفاوض معاهم فعلا على تنحى الرئيس, مش أقل من كده, و مانديهومش فرصة أنهم يتعللوا بالدستور, لأن الدستور ده مش قرآن و لا حاجة, عشان يخافوا يغيروه, ده هما أول ناس لعبوا فيه لما كانوا بيأيفوه عشان الريس يترشح تانى و لا عشان ابنه جمال يمسك بعده, يعنى مايعملوهاش حجة و يقفوا عندها و خلاص, أنا نفسى عندى استعداد -لو كانوا هما مش لاقيين حد يغير الدستور- أنى أغيره و أطبع منه 100 نسخة على حسابى كمان, مش قصة يعنى.

و بعد ما الأمور تبدأ تمشى فى الاتجاه اللى احنا عايزينه, ساعتها مصر تستاهل أننا نسيب كووووووووووووووول حاجة و نتمسك بيها .