تعمل إيه لو طلبوا منك تتنازل عن الجنسية المصرية علشان تتجنس ؟

**Deshahcoka** · 07-09-2010 09:36 PM

يعني انا مش فاهم جو فيلم الوطنية الي ناس عايشة فيه ده انا كل ما بعيش دقيقة بتصدم و بتذهل من الي بيحصل في البلد و اتفرج يا عم على المواضيع الي ماليه المنتدي مليانة بلاوي ! بذمتكم ايه الي يعجب في بلد خلاص مفيهاش امن ولا امان !

**brown-eyes** · 08-09-2010 12:30 AM

المشاركة الأصلية كتبت بواسطة x512

يمكن دا لان دول حوض البحر المتوسط فيهم طباع كتير شبهنا...بس التعصب بيبان قوي في اوروبا في منطقه زي شرق المانيا مثلا...بس بما ان حضرتك في ايطاليا بقالك سنه..فانا عندي استفسار...هل تعلم اللغه شرط اساسي للعمل هناك او الاقامه؟

انا مش عارف قصدك من اني ناحية كا قانون مثلا انك لازم تكون بتكلم اللغة كويس عشان تستلم الاقامة و من ناحية الحياة العادية
بس عموما هو لغاية دلوقتي اللغة ملهاش علاقة بالاقامة مش زي المانيا مثلا لازم تكون معدي مراحل في اللغة مبيسالوش اصلا بس سمعت ان في قانون جديد هينزل انك حتي علي الاقل لازم تكون معدي امتحان ليفيل واحد في اللغة وده ممكن في اسبوعين مثلا اي كلام يعني
بالنسبة بقي كا عيشة وشغل فالازم تكون بتكلم لغة البلد لان هما مابيتكلموش غيرها ولا حتي انجليزي قليل جدا اللي بيتكلم انجيلزي وطبعا لو مامعكش لغة مش هتعرف تشتغل طبيعي لانك هتكلم مع الناس ازاي و الموضوع ده تاعبني لغاية دلوقتي لاني بدات اللغة هنا من الصفر ولسا مستوايا ضعيف بس مش عشان اللغة صعبة لا عشان شوية ظروف كده
وتعليم اللغة هنا مجاني في المدارس الحكومية بس المشكلة انه بيكون ايطالي ايطالي فلازم يكون عندك مبادء اللغة

بس عموما الطاليان شعب لذيذ وفي منهم كتير عايشين في شرم و مرسي علم والغردقة والقاهرة كمان وبيحبو المصرين

**أحمد كمال** · 08-09-2010 03:37 AM

المشاركة الأصلية كتبت بواسطة brown-eyes

بس عموما الطاليان شعب لذيذ وفي منهم كتير عايشين في شرم و مرسي علم والغردقة والقاهرة كمان وبيحبو المصرين

لذيذ و يتاكل أكل و الله !

**ashouhdy** · 08-09-2010 05:34 AM

بس حد بس يطلب منى اتنازل وانا اسيب ابوها ........ واى مكان تانى ارحم من هنا دولة مسلمة كافرة اى حاجة قال يعنى هم هنا المسلمين ولا مؤمنيين اوى ... بالانيلة

**otefa** · 08-09-2010 05:53 AM

المشاركة الأصلية كتبت بواسطة x512

بس هيطلع عينك علي متاخدها دا اذا اخدتها ... و عندك دوله زي الكويت الجنسيه درجات...مواطن درجه اولي و تانيه و تالته و كل واحد له حقوق تحتلف عن التاني...ليه بقي تعذب نفسك علي متاخد الجنسيه...و في الاخر تاخد مواطن درجه تالته!!..+ هيبفضلو يبصولك ان انت استغلالي و جاي تتمرمغ في خيرهم اللي بيمنو عليك بيه

جايز أنت أدري!!!!!!!!! .........وعلي رأيك يطلع عينك في بلدك أحسنلك برده هههههههههههههههه

**brown-eyes** · 08-09-2010 04:30 PM

المشاركة الأصلية كتبت بواسطة أحمد كمال

لذيذ و يتاكل أكل و الله !

هههههههههه شكلك فاهم يانصة

المشاركة الأصلية كتبت بواسطة x512

عدد مستويات معين...الله ينور عليك هو دا اللي بسأل عليه..يعني المانيا طالبه اول 3 مستويات...كندا مثلا لازم يكون معاك ilets او toefel international فهل ايطاليا طالبه عدد مستويات؟...ودا اللي حضرتك جاوبتني عليه..بس الواحد محتار مع اوروبا دي والله...يعني انا بتعلم الماني حاليا..طب افرض حبيت اشتغل في ايطاليا او فرنسا...هقعد اتعلم لغه كل بلد؟؟ دا كدا مش هنخلص

بص انا لما جيت ايطاليا شهر 12 اللي فات عملت الورق وكل حاجة وخدت الاقامة وانا لسا مابعرفش اي حاجة في اللغة وتقريبا لسا بردو لغاية دلوقتي المضوع ده بس لما كنت في مدرسة اللغة قالولنا ان في قانون جديد هينزل انك لازم تكون معدي لفل واحد في اللغة اي كلام يعني وخلاص
ولو ناوي تسافر مانصحكش بايطاليا لانها من الدول اللي اقتصدها مش قوي ونسبة الهجرة فيها كتيرة جداااااااااااااا ده غير ان في ناس كتير جدا ماعهمش ورق وناس كتير قوي بتقولي البلد مابقتش زي زمان و الازمة الاقتصادية ماثرة فيها اوي ماعرفش بقي كلام ولا دي حقيقة وبردو انا لغاية دلوقتي بقالي فترة بسيطة فا مش عارف احكم علي البلد كويس
وعموما الايطالي والاسباني والفرنساوي قريبيا جدا من بعض يعني لو بتكلم لغة منهم كويس ممكن تكلم الباقي بسهولة بس الالماني ماعرفش ايه ظروفه انا خدته في ثانوي بس مش فاكر منه ولا كلمة وفاكر انه كان مكلكع كده وانا ماحبتوش وربنا يوفقك