عايز رد كل عضو هنا فى موضوع البنزين

**احمد المصرى** · 01-07-2010 12:25 PM

فى حد مون انهاردا الصبح او اشترى سجاير ؟؟؟؟؟؟؟؟؟؟؟؟؟؟

**gebreel** · 01-07-2010 12:46 PM

انا مونت امبارح باليل و كان اللتر عادي ب 1.85 و صاحبي مون الساعة 3 الصبح و عادي بردو

**ابو فرح** · 01-07-2010 10:20 PM

انا النهارده دخلت البزينه لقتها ما شاء الله زحمه ليه مش عارف سائلت العامل قالى اصل البنزين كان المفروض يغلى النهارده ويبقى تمنه 2.5 بس رجعوه فى كلامهم تانى عشان احتما يغلى اكتر من كده يبقى 3.25 ده ال92 وعجبى

**explorist** · 01-07-2010 11:46 PM

تم تاجيل تنفيذ زيادة اسعار البنزين حتى اشعار اخر بناء على تعليمات جهات امنية لكنه هبغلى هيغلى
انا بدور على بيعه للعربية وناوى اشترى عجلة اى (دراجة)

**samirayad** · 02-07-2010 12:02 AM

قالى اصل البنزين كان المفروض يغلى النهارده ويبقى تمنه 2.5 بس رجعوه فى كلامهم تانى عشان احتما يغلى اكتر من كده يبقى 3.25 ده ال92

هو ده التخطيط السليم

ضربه واحده وخلص

**M.Zaher** · 02-07-2010 12:34 AM

دلوقتي انا راجع من مشوار تدوير على بنزين مافيش ولا 90 ولا 80 و البنزينه اللى فيها زحمه جدا فقررت اني مامونش حتى اشعار اخر

**AMA** · 02-07-2010 01:27 AM

للأســـــف الشديد
الحكومه بتعمل إلى فى دماغها و مهما طلع واحد قال لأ و حرام باقى الشعب هيسكت و بالتالى إلى بيقول لأ و حرام هيزهق وهيسكت للأسف المفروض الناس تحس على دمها شوية أيام مقاطعة المنتجات الدنماركية محدش حط فى دماغة و مكانش فيه حد يعرف أساسا الدنمارك عملت أية و أيام مقاطعة المنتجات الأمريكية كله قال يا عم و أنا يعنى هفرق معاهم للأسف أحباط من الشعب و جبروت من الحكومه = مملكه مصر

يتهئ لى دة الوقت المناسب للتحويل من بنزين لغاز طبيعى (دا لو مغلاش زى البنزين)

**AMA** · 02-07-2010 01:32 AM

المشاركة الأصلية كتبت بواسطة احمد المصرى

فى حد مون انهاردا الصبح او اشترى سجاير ؟؟؟؟؟؟؟؟؟؟؟؟؟؟

فعلا أية إلى حصل للسجاير العلبه البوكس القديمه بـ4.50
العلبه البوكس الجديدة بـ5 جنيه
يعنى البوكس القديمه بقيت أغلى من الفايسروى و النيكست
و الفايسروى و النيكست هيزيد عليهم جنيه و نص و الألم أم هيزيد عليها جنيه و نص
والمالبورو بقيت بعشره جنيه مجمده
بفكر أفتح كشك سجاير و أجيب جبهم كام جيركن بنزين

و لو المشروع فشل أولع فى نفسى و فى الكشك

المشاركة الأصلية كتبت بواسطة explorist

تم تاجيل تنفيذ زيادة اسعار البنزين حتى اشعار اخر بناء على تعليمات جهات امنية لكنه هبغلى هيغلى
انا بدور على بيعه للعربية وناوى اشترى عجلة اى (دراجة)

تبدل بعجله فى كيستها و أتنين كاوتش جديد و جادون و تدفع فرق 20 جنيه هههههههههههههههههههه
دا أنا كفايه هصرف عليها بنزين و زيت و ميكانيكه و سمكريه و صنايعيه

ولا أقولك خلينى فى العجله أحسن هههههههههههههههههههههههه

-

الموضوع: عايز رد كل عضو هنا فى موضوع البنزين

LinkBack

أدوات الموضوع

عرض

-

-

-

-

-

-

-

المواضيع المتشابهه

ماتيجي نتناقش في موضوع البنزين

حفل تأبين طرمبة البنزين - الجزء الرابع والأخير من موضوع طرمبة البنزين بعافية

دعم البنزين (الوقود) موضوع للنقاش

موضوع البنزين ابو مية

موضوع الاسيتون على البنزين

الكلمات الدلالية لهذا الموضوع

المفضلات

المفضلات

ضوابط المشاركة