الموضوع: كلمني عربي ...............

المشاركة الأصلية كتبت بواسطة Khalid_Mostafa

خلي بالكم يا جماعة ان فيه كلمات انجليزية بطبيعتها و نشأتها واحنا الي جبنلها معاني باللغة العربية وده في إعتقادي مش صح وملوش علاقة بالهوية العربية و الكلام ده
والدليل علي كده شوف النسخة العربية للويندوز (النوافذ :) ) واضحك علي الي مكتوب ...او خد تليفون نوكيا و اقلب اللغة عربي واضحك
نفس القضية كان تم نقاشها قبل كده عن تعريب الطب مثلاً وخلص الناس ان مينفعش يتعرب
يعني احنا ممكن نترجم العلوم المختلفة صحيح و لكن مينفعش نترجم المسميات زي سيرفير و سويتش مثلاً
والدليل علي كده ان الشعوب التانيه لما بتدرس حاجه اصلها الغة الإنجليزية بترجم كل حاجه مع الإبقاء علي المسميات كما هي عشان دي المسميات القياسية للأشياء والعكس صحيح بالنسبة لكلمة "الجبر" مثلاً تم اخذها كما هي وتم إستعمالها كما هي والأمثلة كثيرة
انما حكاية الكلام باللغة الإنجليزية بلا داعي فده الي مش مقبول ولو اخذنا نفس المثل بتاع الوجبات السريعة فمينفعش نجيب لكلمة هامبورجر حاجه عربي ولكن ممكن الناس الي واقفين علي الكشير يقولو (واحد هامبرجر لو سمحت)

زمان مجمع اللغة العربية حب يعرب كلمة " سندوتش " فاطلقوا عليه : " شاطر و مشطور و بينهما طازج " !!!!!!!!!!!!!!!

المشاركة الأصلية كتبت بواسطة Khalid_Mostafa

خلي بالكم يا جماعة ان فيه كلمات انجليزية بطبيعتها و نشأتها واحنا الي جبنلها معاني باللغة العربية وده في إعتقادي مش صح وملوش علاقة بالهوية العربية و الكلام ده
والدليل علي كده شوف النسخة العربية للويندوز (النوافذ :) ) واضحك علي الي مكتوب ...او خد تليفون نوكيا و اقلب اللغة عربي واضحك
نفس القضية كان تم نقاشها قبل كده عن تعريب الطب مثلاً وخلص الناس ان مينفعش يتعرب
يعني احنا ممكن نترجم العلوم المختلفة صحيح و لكن مينفعش نترجم المسميات زي سيرفير و سويتش مثلاً
والدليل علي كده ان الشعوب التانيه لما بتدرس حاجه اصلها الغة الإنجليزية بترجم كل حاجه مع الإبقاء علي المسميات كما هي عشان دي المسميات القياسية للأشياء والعكس صحيح بالنسبة لكلمة "الجبر" مثلاً تم اخذها كما هي وتم إستعمالها كما هي والأمثلة كثيرة
انما حكاية الكلام باللغة الإنجليزية بلا داعي فده الي مش مقبول ولو اخذنا نفس المثل بتاع الوجبات السريعة فمينفعش نجيب لكلمة هامبورجر حاجه عربي ولكن ممكن الناس الي واقفين علي الكشير يقولو (واحد هامبرجر لو سمحت)

اتفق معك في الرأي بتعريب العلوم، في سوريا يدرسون الطب باللغة العربية وماشاء الله أصبح الطبيب السوري مطلوب في الخليج أكثر من المصري (أثيرت من فترة أن الطبيب المصري مطالب باجتياز اختبارات إضافية للقبول بالخليج .. تخيل !!)
بالمسبة لباقي فروع العلم، أرى أنها لابد من تعريبها، واللي عاوز يدرس انجليزي بعد كدة يدرسه مع نفسه، أحب أحكيلكم عن مذكرات يوم دراسي من ذاكرتي:
1- امسك المرجع وكلي حماس للمذاكرة، خلاص بقيت طالب هندسة وهابقى زي الفل. جنبي قاموس "إلياس" طبعاً لزوم الكلام العويص.
2- أول لكلمة عويصة .. افتح "إلياس" إيه ده؟؟ الكلمة معناها بعيد خالص !! مش ممكت يكون قصده ....
3- مرت ساعة ونصف ومحاولة العثور على معاني 30 كلمة أغلبها محاولات فاشلة .. الإنجاز؟ صفحة ونصف
4- صفحة ونصف؟؟!!! الدكتور خلص باب بحاله 45 صفحة، لا يا عم كدة مش نافع، إرمي قاموس "اليأس" ورا ضهرك، اقرا واللي ماتعرفش معناه خمنه ..
5- النهاية يا عزيزي بطء في الفهم (وقت اقرا الجملة ووقت أطول لترجمتها)، والمعلومة بتوصل للواحد مشوهة، وكلمة مشوهة دي حقيقية. ده أنا باعرف معاني كلمات من اللي كنت باخمنهم لغاية دلوقتي !!
6- كان عندنا مادة اسمها "Algorithms and Data Structures" ماكنتش فاهم منها ولا كلمة لغاية ما كنت في مكتبة مبارك لقيت كتاب لواحد شامي الكتاب اسمه "هياكل البيانات والخوارزميات" قلت أجرب، واعترف إن الكلام كان صعب في الأول (نظراً لاختلاف اللهجة) ولكن في النهاية فهمت وحبيت المادة وجبت جيد جداً في المادة المرعبة
أسطورة إن العلوم ماينفعش تتعرب دي احنا اللي اخترعناها، عشان احنا (المصربن) عندنا دائين:
1- حب الفشخرة، يعني لو مهندس حواسيب زي حالاتي قال ذاكرة وخادم، هايبقى فرقه ايه عن أي حد؟ ولا الدكتور لو قال معدة وإثنى عشر، مش هايبقى مش دكتور.
2- دايما بنحب نخترع العجلة من الأول، يعني في موضوع التعريب بتبتدي ننحت المصطلحات ونشتق الكلمات من الأول ومجمع اللغة لما يطلع 15 مصطلح في السنة بيبقى إنجاز، طب مانبص على الشوام اللي عربوا معظم المصطلحات ! أنا مسكت كتاب عن الجافا من كام سنة كان مترجم في دار مصرية (تقريبا أول مرة يترجموا) لقيت في أول جملة في أول صفحة "إن منصات جافا الحرة .." قعدت اقلب الجملة يمين وشمال عشام افهمها لحد ماقلبتها انجليزي عشان افهمها "Free Java Platforms" يعني يوم ما حبينا نترجم العلوم خلينا واحد خريج آداب يترجمها.
الموضوع مش صعب ولا مستحيل وفيه فايدة كبيرة للعلم وللمصريين