الموضوع: ادارة خدمة عملاء مودرن موتورز ترحب باى شكوى لكم

اخيرا والله المنتدي ميه ميه وياريت كل التوكيلات تحذو نفس الحذو وياريت يبقي في تقيم للتجربة دي بعد فترة من الاعضاء
نيجي باه لاول استفسار؟؟
انا اشترت كاسيت بايونير وعايز اركبه في التوكيل ممكن علشان قبل كده قاله لا لازم تشتريه من عندنا بس لما قلت اني هشتكي لجهاز حماية المستهلك طب ممكن بس مش عارف ايه طب تشتري من عندنا الانذار والكاسيت من بره ماشي يعني مساومات المهم انا جبت الكاسيت وانشا الله نازل اجازة في شهر 7 وعايز اعرف وضع التركيب السايرة طبعا ماروتي 2009

السلام عليكم

أنا مع الاستاذ Eng:mohamed عاوزين نعرف ايه تفاصيل الاتفاق ؟؟

المشاركة الأصلية كتبت بواسطة osama_i

السلام عليكم و رحمة الله و بركاته
ألف مبروك على الدعم المقدم من مودرن موتورز
ابقى أول واحد يلحق يشتكى
انا معايا عربية نيسان صنى 2009
المشاكل الأساسية مع مودرن موتورز فرع ابو رواش :
أولاً : عدم الرد على التليفونات.(35390055 - 35390085 )
ثانياً : موظفين الأستقبال معاملتهم مش قد كده (يعنى كل مرة لأزم يكون فى خناقة ).

رابعاً : لما العربية بتدخل التوكيل بتغيب حوالى 3 ساعات (حتى لو بالحجز ) و لو طالب 5 حاجات بيخلصوا حاجتين بس.
خامساً : قسم الأكسسوارات أسعاره مبالغ فيها جداً.
كفايه كده لحد ما افتكر حاجة تانى

+11111111111111
وكمان فرع الدقى وحش جداً معاملة وجودة
أنا على العموم مقاطع التوكيل بعد صيانة الـــ 10000 كم وذلك بعد عدة أنطباعات سيئة جداً جدأ عنهم ومعاملتهم وشغلهم السئ ( فرع الدقى)
على فكرة أنا معايا ماروتى 2007 ، وعاملة 29500 كم

أهمال وتجاهل وأستهتار بالماروتى على وجه الخصوص
الحجز الساعة 10 رحت 10ونص قاللى لأ كده الحجز راح عليك ، ياسيدى مالعربيات واقفة قدامك فى الطابور مفيش فيها شغل ، ربنا يسهل
المهم من عشرة ونص صباحاً خرجت الساعة 4 عصراً
صيانة مش قد كدة ، العربية بتخرج زى مادخلت
شغل فهلوة خاصة من الأخ معتز بتاع الأكسسوارات كان عاوز يضحك عليا ويبدل نوع السنتر والإنذار بعد ماأخترت الموديل والماركة راح مبدلهم من غير مايقول وبيسلمنى المفتاح على أساس أنى مش هعرف أنهم أتبدلوا وبعد أكتشاف اللعبة وعند مناقشته بيقوللى أصلى لقيت الماركة دى أحسن لحضرتك وفيها أوبشن أعلى من اللى حضرتك أخترتها شوف الفهلوة فى المركز ده حلوة أزاى !!
والأخ المهندس بتاع الأستقبال بكلمه يقوللى أنا مليش دعوة بالأكسسوارات
الكلام ده كان فى شهر 12 / 2008 تقريباً
والضمان عليه لمدة سنة ، مفيش 6 شهور وبدأ يعلق ولازم تفتح الباب اللى جنب السواق علشان اللمبة تطفى وميقفلش الباب والسرينة تشتغل ، روحتلهم فرع الدقى ، الأخ معتز برضه بيقنعنى أن دى ميزة علشان الباب يسوجر عليك أول لما تخش العربية خوفاً على سلامة حضرتك أو الأطفال !!!


ظبط الزوايا فى صيانة الــ 5000 كم ( 11 / 2007) أعتذر المهندس أنه مشغول جداً والشغل كتير معلهش هاتهاللى الصيانة الجاية وأنا عينية ليك !! ماشى ياعم
فى صيانة الـــ 10000 كم رحت لقيت المهندس أتغير ، المهندس الجديد فى الأستقبال قاللى ماينفعش لازم تدفع فلوس لظبط الزوايا ، هية كانت فى صيانة الــ 5000 كم بس اللى مجاناً ، طبعاً صممت أنى مادفعش ولا مليم ، قعد يعمل مساومات كتير ويخفض المبلغ ، رفضت ، وافق هوة ولكن كشف عليها بس وقاللى معلش روح بقى يظبطوهاللك فى فرع أبو رواش ، علشان ماعنديش زرجينة هنا !! شوف الأستهبال !!

لما تدخل العربية فى الصيانة ، مهندس الأستهبال يكتبلك عداد السرعة رقم أقل للكيلومترات ، علشان لو رجعتلهم تانى وبتشتكى من الصيانة يقولك ياباشا ده أنت ماشى بيها شوف كام كيلو !!!
شغل فهلوة أصلى
المحصلة النهائية
أنا مقاطع التوكيل ده خااااااااااااااااااااااال ص إلى أن ينصلح حاله ويحترم العميل