ادارة خدمة عملاء مودرن موتورز ترحب باى شكوى لكم

**Ahmed.TV** · 25-05-2010 09:57 PM

استاذة هبه وكل القائمين على خدمة العملاء نشكركم على سعة صدروكم واناا واحد من الناس بكون سعيد جدااا لما اجى واتعامل معاكم فى اى حاجة للعربية عندى ,
وبصراحة عندكم ناس فى غاية الاحترام والذوق وخصوصا الناس اللى اتعاملت معاها زى استاذ سامر فى الكماليات واستاذ عبد الجواد , واستاذ عبد الجواد راجل محترم جدااااااااااااااااااا بجد
وربنا يوفقكم جميعا للصالح العام , ونتمنى النجاح ليكم من القلب

انا معايا عربية تيدا موديل 2009 وكنت شارى العربية عاملة 19 الف كيلو ومفروض ان صاحب العربية اللى قبل منى كان عامل صيانة العشرين الف بدرى لما العربية كانت عاملة 18 الف وكسور ومختوم فى كتاب الضمان وكمان غير تيل فرامل وزيت وعمل صيانة العشرين على اكمل وجه
فهل لما اجى اعمل صيانة ال5000 اجى لما تكون العربية عاملة 24 الف كيلو ام استنى لو توصل الى 25 الف ولا ايه رايكم

**noreen** · 26-05-2010 02:54 PM

شكرا علي المجهود الرائع و كنت عايزة اسال عن تركيب تكييف للسوزوكي ماروتي و يا تري بيكون كويس و لا بيعمل حمل علي العربية ولو كويس يتكلف كام

**zalpany2000** · 26-05-2010 03:20 PM

الاستاذ الفاضل كريم منير عذرا عن عدم ذكر رقم الشاسيه والموتور اولا لاني لم اكن قرأت تعليمات الخدمة

السادة خدمة عملاء مودرن موتورز
شاسيه رقم 9001270
موتور 3546943
تحياتي

**zalpany2000** · 27-05-2010 04:59 PM

ماركة السيارة وموديلها : Alto
سنة الصنع :2008
رقم شاسية :9001270
رقم موتور السيارة :3546943
عداد الكيلومتر :60000
تاريخ الشراء :2008
ميعاد اخر صيانة : من 5 شهور تقريبا

السلام عليكم
بأمانة ومن غير زعل انا عمري ما تخيلت ان مودرن موتورز ممكن تعمل مبادرة زي دي .. وكنت فقدت الامل اني اقدر اعمل شكوي
انا صادفت مشاكل متعدده مع التوكيل اكبر من حجم عربيتي اساسا
ومنعا للتجريح امتنعت اني احطها علي المنتدي
لكن بما ان حضاراتكم تفضلتم مشكورين بالمبادرة الجميلة دي . هاقول لحضارتكم علي المشكلات اللي لسه عندي . عندي ماكينة الزجاج الاامامي يمين عطلانة نت ما لا يقل عن9 شهور ... وسألت في التوكيل 6 مرات ويقولولي مش موجوده ... وكله متسجل عند حضارتكم
وعندي حساس فوق علبة الفرن قدام الموتور باظ في حادثة و التوكيل ما اكتشفهوش .. وضيع عليا تحميل التأمين قيمته .. كل ده مش المشكلة
المشكلة ان الحساس ده مش موجود في التوكيل ... ولحد النهارده من شهر 10 اللي فات ... لمبة ال check engine منورة

وعلشان بس ماحدش يعتقد اني راكب عربية مش عادية ومعقدة
انا عربيتي سوزوكي التو 2008
تحياتي وتقديري

**ModernMotors** · 30-05-2010 11:08 AM

المشاركة الأصلية كتبت بواسطة noreen

شكرا علي المجهود الرائع و كنت عايزة اسال عن تركيب تكييف للسوزوكي ماروتي و يا تري بيكون كويس و لا بيعمل حمل علي العربية ولو كويس يتكلف كام

بالتأكيد تركيب التكيف يكون حمل علي السيارة وذلك بسؤال المختصين بذلك وللأسف لا يمكن تركيبه بالتوكيل فلا يمكن تقدير التكلفة.

قسم خدمة العملاء
هبة محمود

**ModernMotors** · 30-05-2010 11:22 AM

المشاركة الأصلية كتبت بواسطة zalpany2000

السلام عليكم
بأمانة ومن غير زعل انا عمري ما تخيلت ان مودرن موتورز ممكن تعمل مبادرة زي دي .. وكنت فقدت الامل اني اقدر اعمل شكوي
انا صادفت مشاكل متعدده مع التوكيل اكبر من حجم عربيتي اساسا
ومنعا للتجريح امتنعت اني احطها علي المنتدي
لكن بما ان حضاراتكم تفضلتم مشكورين بالمبادرة الجميلة دي . هاقول لحضارتكم علي المشكلات اللي لسه عندي . عندي ماكينة الزجاج الاامامي يمين عطلانة نت ما لا يقل عن9 شهور ... وسألت في التوكيل 6 مرات ويقولولي مش موجوده ... وكله متسجل عند حضارتكم
وعندي حساس فوق علبة الفرن قدام الموتور باظ في حادثة و التوكيل ما اكتشفهوش .. وضيع عليا تحميل التأمين قيمته .. كل ده مش المشكلة
المشكلة ان الحساس ده مش موجود في التوكيل ... ولحد النهارده من شهر 10 اللي فات ... لمبة ال check engine منورة

وعلشان بس ماحدش يعتقد اني راكب عربية مش عادية ومعقدة
انا عربيتي سوزوكي التو 2008
تحياتي وتقديري

أولاً : نعتذر لسياداتكم عن أي مشاكل حدثت من قبل .
ثانياً : قطع الغيار المطلوبة لسيارة سيادتكم متوافرة فبرجاء محاولة الأتصال بأرقام الحجز الخاصة بأقرب محطة خدمة لسيادتكم .
وشكراً
خدمة العملاء
هبة محمود

**zalpany2000** · 04-06-2010 11:18 PM

الاعزاء مودرن موتورز
بناء علي رسالتكم علي الخاص
حاولت الاتصال بالرقم المرسل دوون رد !!!!!!

**gad_fcis** · 04-06-2010 11:47 PM

د.زلبانى
انا كمان كان عندى مشكلة فى ماكنة الزجاج الشمال ورحت التوكيل مرتين وحاولو يصلحوها ومعرفوش, وقالولى لازم تتغير بس للاسف هى مش موجودة عندهم, الحمد لله ربنا رزقنى بواحد بيفهم فى الحى السابع فك المكنة ولحمها والحمد لله شغالة كويس, لو حضرتك عايز تروحله انا ممكن اوديك ليه.

انا عربيتى التو 800 cc full option
بس بصراحة الناس اللى فى التوكيل اللى فى الهايكستب محترمين بجد, انا بتعامل مع المهندس عمرو وهو فعلا انسان محترم, الكوبلن الشمال كان فيه طقطقة خفيفة والمهندس عمرو ركب العربية وسمع الصوت و غير الكوبلن تبع الضمان

**fatalerror9** · 19-06-2010 08:50 PM

ماركة السيارة وموديلها : نيسان تيدا سيدان
سنة الصنع :2007
رقم شاسية :JN1BCAC11Z0007240
رقم موتور السيارة :243887
عداد الكيلومتر :35,000km
تاريخ الشراء :8/2007
ميعاد اخر صيانة :14 / 4 /2010

السلام عليكم،
المشكلة عندي في قطمة الدريكسيون والتي أبلغت عنها اثناء صيانة ال 30,000كم في مركز هايكستيب
، وتم الكشف عليها و ابلاغي بأنها عيب صناعة و سيتم اصلاحها تحت تغطية الضمان، و الان بعد حوالي شهر و نصف و على الرغم من الكثير من الاتصالات و الزيارات التي كنت اقوم بها للمركز الا ان العاملون به يماطلون كثيرا و قد يصل الامر بهم انهم لا يردون على اتصالاتي، و الاكيد ان مشكلتي ام زالت قائمة و لم تحل وهي تزداد سوءا.

اتمنى الحصول على رد وحل مناسب.

شكرا

د/ بركات صالح