الأخوة أعضاء منتدى البريليانس هذا الموضوع يخص فقط السيارة FRV 1500 موديل 2010 و ليس للموديلات التى تسبق هذا الموديل علشان ما نعملش بلبلة للناس اللى عندهم موديلات قديمة

الى كل من لدية شكوى مؤكدة من بطء أستجابة موتورسيارته ال FRV 1500موديل 2010 او ما يطلق عليه delay او slow responce يكتب اسمه و رقم تليفونه او ايميله علشان نجمع أكبر أصوات للشكوى من بطء استجابة موتور الموديل ده بالذات لأن التكنولوجيا بتاعته مختلفة عن ما سبقه من مواتير لموديلات السنوات قبل 2010 - و علشان صوتنا يوصل بقوة و يجد من يسمعه و يستجيب له يجب أن تكون المشكلة عامة و ليست خاصة أو فردية و ده يعتمد على عدد الناس اللى بتشتكى - انا فى انتظار ردودكم و تليفوناتكم او ايميلاتكم و انا هجمع الأسماء و اتصل بيكم و نتجمع علشان نقابل حد مسئول و نشتكي له و لو ما حلوش المشكلة نلجأ لجهاز حماية المستهلك .
تصوروا ياجماعة من الأمور المضحكة حقا إن العربية دى نازله بفردة كلاكس واحدة و ده سبب انى كنت بشتكى ان صوت الكلاكس واطى و بشع . و الأظرف انى لما سألت هل ممكن أركب فردة تانية بره على حسابي قالولي هتخرج من الضمان و لو اشتريتها من التوكيل هتتكلف حوالى 300 ج - و كذلك السماعات الخلفية ب 500 ج - معقولة الكلام ده يا ناس امال احنا شاريين عربيات صيني ليه ؟