تقييم ميجان 3 على الطرق المصريه

**chato_eg** · 16-07-2010 10:17 AM

المشاركة الأصلية كتبت بواسطة esslynx

1 التحكم فى الميجان ممتاز لاقصى درجه فى ناس بتقول دى كده play station انا بقول ده precise handling

ياااااه...أخيرا حد توصل للنتيجة دى و عن تجربة واقعية...

المشاركة الأصلية كتبت بواسطة esslynx

الصوت اعلى حاجه بسيطه على lower rpm و اقل فى higher rpm عن الاسترا

معقولة ....!!!!

المشاركة الأصلية كتبت بواسطة esslynx

غير انه فتيس الاسترا بيدى احساس النقله المانيوال كل نقله سواء اتوماتيك او مانيوال انما الميجان بيدى حاجه بسيطه جدا فى الاتوماتيك و مش بيدى ده خالص فى المانيوال و جربت الموضوع ده كتير جدا و خصوصا لما كانت فى مشكله الفلوانس اللى كانت هنا برضه

حتى فى ال DP0 كده...تقدر تريح العربية و تنسى الاحساس بالنقلة لو استعملت ال + و ال - ...بس طبعا لازم تبقى مركز معاها.....ال D راحة دماغ برضه

المشاركة الأصلية كتبت بواسطة esslynx

3-صوت الموتور معقول حتى على 5000-6000 rpm و على 100 بتيجى على 2750 rpm العربيه تحس انها معموله للسفر و ممكن تتكلم فى الموبايل من غير ما حد يعرف انك بره البيت اصلا

أهلا بك فى عالم الميجان حيث الراحة و الهدوء من الأولويات

المشاركة الأصلية كتبت بواسطة esslynx

بس هو فعلا ميجان لو كانت نزلت ب كمان 2 ايرباجز و الموتور tce 130 اى فتيس مش مشكله كنت بقت رقم 1 هنا و حدش يقدر يتكلم ربع كلمه

فعلا كان ممكن وضعها يكون أحسن بكتير و تبيع أفضل بكتير لو حاجات بسيطة اتغيرت أو على الأقل أتيحت فرصة للتنوع فى المواتير و التجهيزات

المشاركة الأصلية كتبت بواسطة esslynx

7- اخر نقطه هيليها علاقه بال torque converter و الفرامل : هو العمليه بتحصل فى موقف كالاتى:
تكون دايس بنزبن و بعدين فجأه تحصل حاجه ترفع رجلك بسرعه من البنزين و تدوس فرامل ..رفعه الرجل بسرعه من دواسه البنزين بتشغل حاجه اسمعها braking anticipation و ده توقع انك هتدى بعدها فرامل فال torque converter بيحول عزم اكبر و بينزل نقله علشان لما ترجع تدوس بنزين تانى العربيه تتطلع علطول من غير lag دى يمكن من اذكى الحاجات فى ميجان

صحيح....!!!!!....أنا عايز أشوفها ....عندنا الحركة دى بتنقل للغيار الأعلى

لكن لو دست فرامل فجأة دوسة تقيلة شوية بتنقل للغيار الأدنى و تفضل معلقة الغيار لحد ما دوسة رجلك على البنزين تستقر تانى فيبقى إنت كده عديت من الموقف المفاجىء....بس يا حظك لو وقعت من الثالث للثانى....هتقعد شوية على ما ربنا يفرجها و تطلع من ال Lock-Up ...

تسلم إيدك على التقرير و ربنا يحفظك و يحفظها و يهنيكوا ببعض ...."ميجو" بنت حلال و تستاهل كل خير

**Hany Saad** · 16-07-2010 02:12 PM

المشاركة الأصلية كتبت بواسطة chato_eg

متشكر جدا جدا على اهتمامك

أنا كده فهمت إللى بيحصل فى الفتيس
و فهمت ليه النصف الأول من النقلة الثانية ده عمره ما يتجاوز ال 3000 لفة فى الدقيقة مهما كانت الضغطة على دواسة البنزين

يمكن يكون ال software update إللى نزل بعد 2005 بيعالج الموضوع أحسن...لإن لأنا لاحظت فى عربية " أحمد عبد المقصود " إن الفتيس نش بينقل بدرى زى عندى بشكل عام...
مع إن عربيتى 2007 ...بس تفتكر يكون فيه Update ... أنا ما سمعتش عن Updates لفتيسات بعد 2005 بصراحة....

لا أعتقد وجود سوفت وير أحدث....من أوائل 2006 كانت العربيات كلها بتيجى متحدث لها السوفت وير من بره و فى التوكيل مش بيحبوا قوى يدوسوا فى الموضوع إلا لو فيه مشكله جامدة جدا.

يمكن أستاذ أحمد سواقته رياضية شوية علشان كده العربية بتشبع الغيارات و بتنقل متأخر...طبعا حضرتك أكيد عارف الadaptation بتاع الجيربوكس لطريقة سواقتك و إمتى بتنقل...

الbraking anticipation اللى موجود فى العربية (أو الengine break بمعنى أخر) رائع فى المواقف الطارئة لكن مشكلته إنك لما بتشيل رجلك من الفرامل و ترجع تانى للبنزين بيديك rev عالى على النقلة الواطية مع إنك ساعتها بتكون عايز تعلى للنقلة الأعلى و تسوق على rpm عادى...عايز شوية تعود لكنه رخم شوية .

**esslynx** · 16-07-2010 02:52 PM

المشاركة الأصلية كتبت بواسطة chato_eg

معقولة ....!!!!

معقوله جداا و غير كده بالنسبه لل dp2 موضوع ال lock up بتاع ال torque converter مش موجود للدرجه دى اقل من ثانيتين و مش بييقى موجود على المانيوال و ممكن اى حد يتفضل يجرب الموضوع ده عندى و فعلا ميجان عجبانى جدا و غير ما كنت متوقع نهائى من كلام الناس الغريب عليها

**megane_man** · 16-07-2010 04:33 PM

اسمح لي ابدي اعجابي بقلمك وتميزك واسلوبك الراقي وتالقك

**chato_eg** · 16-07-2010 10:24 PM

المشاركة الأصلية كتبت بواسطة Meggieboy

يمكن أستاذ أحمد سواقته رياضية شوية علشان كده العربية بتشبع الغيارات و بتنقل متأخر...طبعا حضرتك أكيد عارف الadaptation بتاع الجيربوكس لطريقة سواقتك و إمتى بتنقل...

.

بس ال adaptation مش بيكون بشكل دائم
لحظى فقط
يعنى كل مرة بتتحرك بالعربية الصبح بتكون كل العربيات زى بعضها
الانتقال من برنامج يتناسب مع نمط قيادة إلى برنامج آخر لنمط آخر بيكون من خلال متابعة طريقة القيادة منذ بدء التحرك

ثم إن عربية العقيد خالد موديل 2008 و طريقة النقل فيها مختلفة عن عندى مع إن العقيد خالد سواقته أهدأ منى بكتير
مش عارف...

**chato_eg** · 16-07-2010 10:34 PM

المشاركة الأصلية كتبت بواسطة esslynx

معقوله جداا و غير كده بالنسبه لل dp2 موضوع ال lock up بتاع ال torque converter مش موجود للدرجه دى اقل من ثانيتين و مش بييقى موجود على المانيوال و ممكن اى حد يتفضل يجرب الموضوع ده عندى و فعلا ميجان عجبانى جدا و غير ما كنت متوقع نهائى من كلام الناس الغريب عليها

على فكرة...هى برضه ثانيتين فى الميجان II ...مش بتقعد كتير للدرجة دى...بس هى كانت مستغربة جدا زمان فى 2005 لإن ما كنتش الفتيسات الجديدة شائعة وقتها...
النهاردة ال MM-T فيه كلام...و ال Easy-Tronic فيه حكاوى و ال DSG هو كمان طلع فيه لغو و الله أعلم ال Dual-Logic فيه إيه
طبعا فتيس الميجان بعيد عن التقنيات دى...لكن حقيقى تنوع البرامج فيه و خيار النقل اليدوى تعتبر giant leap فى عالم الفتيسات الأوتوماتيك فى الفئة دى فى الوقت ده