الموضوع: تقييم ميجان 3 على الطرق المصريه

انا احب اشكر كل اللى رد على التقرير و كل الدعوات دى و لو كنت اعرف كنت عملته من اول يوم و كل سنه و حضرتكم طيبين و رمضان كريم

المشاركة الأصلية كتبت بواسطة OldVic

احنا اللى متشكرين :) و لكن عندى سؤال، هى عربيتك هى ال Dynamic ولا ال Dynamic S ؟ و حاجة كمان، أنا بأغير من كولت 2007 (موتور مايفيك 1.5 \ 110 حصان \ 145 Nm \ فتيس automated manual transmission و هو 6 سرعات أمامية) هل تفتكر حأحس ان الميجان بطيئة أو مملة فى القيادة؟ أنا لا أجرى كثيرا غير على الطرق المفتوحة كالصحراوى مثلا.

شكرا مقدما :)

لا العفو على ايه هى العربيه الdynamic s فتحه سقف و جلد
اللى اكيد انه الميجان مش ممله و لا بطيئه لانه انت هتقدر تجيب لحد 160 و انت فاكر انك ماشى على 80 مثلا و بالتالى انت مش هتحس بالطريق غير لو فتحت الشباك تانى حاجه و ده اللى انا متاكد منه و هيفرق معاك عن الكولت انه التحكم فى الميجان الجديده لازم تجربه بنفسك علشان متفتكرش انى ببالغ بس كفايه انه تبقى عارف انه انت مش قلقان نهائى مهما تجرى جرب العربيه فى توكيل رينو بنفسك و ان شاء الله تعجبك و تغير فكرتك عن العربيات الفرنسيه زى ما غيرت افكار ناس كتير

المشاركة الأصلية كتبت بواسطة oldvic

أشكرك جدا، بس معلش سؤال أخير، هى ال dynamic الدريكسيون بتاعها جلد و العدادات حواليها كروم زى ال dynamic s ولا لأ؟

أنوى فعلا تجربة السيارة بعد الانتهاء من تعويض الكولت مع شركة التأمين :(

تقريبا فيها اللى بيختلف الكراسى و السقف و ان شاء الله يخلص معاك موضوع التأمين ده على خير انا عارف انهم بيطولوا اوى فى التعويضات دى