سخونه الماتور ومؤشر الحرارة لم ترتفع

**khalid9411** · 15-07-2010 02:38 AM

السلام عليكم
كنت جالس فى الورشه وحضرت عربية سوزوكى والماتور شويه وهيولع بيغلى بمعنى اصح سيبنها لما هدات شويه والغريب من كده ان مؤشر الحرارة عادى خالص واقل من النصف
طبعا كان التخمين ترموستات وبالفعل طلعت الترموستات والميكانيكى شالها خالص قلتله مش هجيب ترموستات جديدة قالى طبعا لا ممكن كانت جابت وش سلندر وفقعت راس السلندر
وقالى انصح انه يتشال هو صديقى فقالى انا مش شيلتها ليك قلتله لا فقال مع تغيير سير الكاتينه والبليه نبقى نشيلها
ايه رايكم يا جماعه فى شيل الترموستات؟ ما حاجة من اتنين يا ايما تتغيير مع الكاتينه او نشوف حل تعطينا مؤشر حرارة طبيعى لينا عندما الترموستات تتعطل
ايه رائ ابو يوسف وابو احمد

**jojowork1** · 15-07-2010 04:47 AM

الموضوع خالط عليك شويه في فرق كبير بين الثيرموستات الميكانيكي اللي بيفتح مع حراره المياه وطبعا ده لو باظ وما فتحش فعلا المتور هايسخن لان دوره المياه ها تتقفل لاكن الثرموستات اللي بيشغل المؤشر ده صباع صغير جمب رشاش نمره 1 وده ملهوش علاقه خالص بفكره شيل الثيرموستات لان وده لو الثرموستات باظط هايقرا ان العربيه سخنه طالمه هو سليم والعداد سليم وهيديك ان فيه مشكله في الحراره
اما عن فكره شيل الثيرموستات الميكانيكي فده ملهوش علاقه بمئشر الحراره خالص هو لو علق هايسخن فعلا لاكن شيله مش صح عشان هايخلي العربيه ما تسخنش وتوصل للحراره المظبوطه للتشغيل وبالتالي هايفضل الكمبيوتير مدي اشاره ان العربيه بارده وبالتالي هايضخ بنزين اكتر ويعلي الار بي ام عشان يسخن المتور وبكده العربيه هاتاكل معاك بنزين وكفائه المتور هاتقل طول ما هو بارد
وعمتا اللي انا اكتشفته في الدايو ان دوره التبريد طالمه مظبوطه بتشتغل عشره علي عشره ولو حاولت تسخن العربيه باي شكل زياده مش هاتسخن لا في زحمه ولا في جو حر ولا مع التكيف طالمه دوره التبريد والحساست المسؤله عنها والمراوح سليمه
اما عن العربيه السزوكي انا معرفش عنها حاجه ومعرفش ايه فكرتها وايه الارتباط بين الثرموستات الميكانيكي والعداد عشان افتي في حاجه معرفهاش
وبلاش تسمع لفتاوي الميكانيكيا المهندسين اللي صمموا العربيه وحطوا الثرموستات ديه مش ناس بتلعب عشان يجي ميكانيكي معهوش ابتدائيه يعدل عليهم

**MMamdouh** · 15-07-2010 09:59 AM

الغاء الثرموستات غلط

لو العربية سخنت حتقدر تعرف دة من خلال مؤشر الحرارة

MMamdouh

**MMamdouh** · 15-07-2010 12:36 PM

ازاى يا باشا؟؟

لما الترموستات حيقفل المية مش حتخش على الالرادياتير عشان تبرد بالتالى حرارتها حترتفع و دة حينعكس على قراية مؤشر الحرارة

الحالة الوحيدة اللى المؤشر مش حيقراء زيادة فى الحرارة هى لو ان المية نقصت بشكل اصبح معاه حساس حرارة المؤشر غير ملامس لمية التبريد

MMamdouh

**احمد المصرى** · 15-07-2010 01:10 PM

المشاركة الأصلية كتبت بواسطة mmamdouh

ازاى يا باشا؟؟

لما الترموستات حيقفل المية مش حتخش على الالرادياتير عشان تبرد بالتالى حرارتها حترتفع و دة حينعكس على قراية مؤشر الحرارة

الحالة الوحيدة اللى المؤشر مش حيقراء زيادة فى الحرارة هى لو ان المية نقصت بشكل اصبح معاه حساس حرارة المؤشر غير ملامس لمية التبريد

mmamdouh

معنى كدا ان لو العربيه مفهاش مايه خالص خالص عداد الحراره مش هيتحرك من مكانه علشان هو مش ملامس لاى مياه ؟؟؟؟؟؟؟؟؟؟؟؟؟؟؟؟؟؟؟؟؟

**MMamdouh** · 15-07-2010 01:29 PM

نظريا ايوة

MMamdouh

**احمد المصرى** · 15-07-2010 01:33 PM

المشاركة الأصلية كتبت بواسطة mmamdouh

نظريا ايوة

mmamdouh

وعمليا العداد بيشتغل ومفيش مايه فى المكنه ولا مش بيتشتغل

حسب ال حصل مع واحد معرفه ان العداد لو يتحرك من مكانه والعربيه مفهاش ولا نقطه مايه

حسب الكلام ال سمعته فى المنتدى ان العداد هيعلى حتى لو مفيش مايه

اصدق مين ؟؟؟؟؟؟؟؟؟؟

**khalid9411** · 15-07-2010 01:51 PM

احمد بيه ده الحصل وده البيحصل
الواحد خايف من كده العداد مش هيتحرك من مكانه والماتور من سخونيته بخر الماء والعداد زى ماهو بفعل الترموستات

الموضوع: سخونه الماتور ومؤشر الحرارة لم ترتفع

LinkBack

أدوات الموضوع

عرض

-

-

-

-

-

المواضيع المتشابهه

كمية زيت المحرك ومؤشر الحرارة والبنزين

صوت فوران من الريداتير ومؤشر الحرارة عالي

مشكلة فى سخونة لانوس ومؤشر الحرارة ... ارجو الافادة

الرداتير اتخرم ومؤشر الحرارة لم يرتفع والعربيه سخنت جداااا

استفسار في المروحة ومؤشر الحرارة في الشاهين

الكلمات الدلالية لهذا الموضوع

المفضلات

المفضلات

ضوابط المشاركة