فك الطبه ولا شفط الزيت

**Samir Elshahawy** · 25-07-2010 10:29 AM

المشاركة الأصلية كتبت بواسطة pro_samir

طيب عايز اعرف لية لو اديتها مارش لفتين بالظبط بعد نزول الزيت غلط ؟؟ (من غير ما تدور)

كدة كدة أجزاء الموتور بيكون لسة عليها زيت

وانا عربيتي بتاخد وقت كتير جدا جدا علي ما بتصفي كل الزيت اللي فيها يعني علشان اقيس الزيت مظبوط لازم تكون واقفة مدة كبيرة

وبالتالي حتي بعد 10 دقايق من حل الطبة لما بديها لفة مارش بتنطر شوية زيت من الطبة

و والدي كان دايما بيبقي مستعجل في غيار الزيت علشان السفر و كان بيعمل كدة في عربية زيرو كانت بتمشي اكتر ما بتقف وقعدت معانا 8 سنين واتباعت من غير ما المكنة يتعمل فيها أي شغل وبحالتها

غلط علي الاجزاء التالية :
- سبائك الكرنك
- الشنابر
- الاسطوانة أو الشميز
- الصبابات
- طلمبة الزيت نفسها

ده غير أن لاقدر الله ممكن حاجة تقفش أو سبيكة تلف
ليه المخاطرة بحاجة زي كده أصلا ؟؟
علشان أوفر 5 دقائق زيادة أعرض الموتور بتاعي لمخاطرة زي دي

و بعدين ياسيدي الفاضل عربيات زمان حاجة و عربيات دلوقتي حاجة تانية خالص

**pro_samir** · 26-07-2010 12:57 AM

المشاركة الأصلية كتبت بواسطة SE_coralsea

غلط علي الاجزاء التالية :
- سبائك الكرنك
- الشنابر
- الاسطوانة أو الشميز
- الصبابات
- طلمبة الزيت نفسها

ده غير أن لاقدر الله ممكن حاجة تقفش أو سبيكة تلف
ليه المخاطرة بحاجة زي كده أصلا ؟؟
علشان أوفر 5 دقائق زيادة أعرض الموتور بتاعي لمخاطرة زي دي

و بعدين ياسيدي الفاضل عربيات زمان حاجة و عربيات دلوقتي حاجة تانية خالص

طيب مانا عربيتي من عربيات زمان

لما بدور العربية بعد الركنة ممكن تقعد ثانية اتنين تلاتة علي حسب لحد ما لمبة الزيت تطفي ،، دي تفرق اية عن اني اديها لفة مارش فقط والزيت لسة مصفي ماهو في الحالتين واحد
بالعكس لو هي كانت راكنة مدة طويلة الزيت بيكون كلة في الكارتيرة وبيكون متصفي تماما عن اجزاء الموتور غير اما اكون لسة مبطل بقالي عشر دقايق ملحقتش تنشف

**george_love** · 02-08-2010 04:48 PM

كل شئ له عيوبه ومميزاته
يعنى فى فك الطبه ممكن الطبه تفوت والراجل بيفكها او ربطها
ومتقدرش تقيس كميه الزيت بالتحديد بالمعيره بالجركن
وكمان مش بيبقى فى وقت كافى لنزول قطرات الزيت المتبقيه داخل المكنه
فى نفس الوقت نزول كميات كبيره من الرايش فى فك الطبه مع اندفاع الزيت عند خروجه
عكس الشفط الالى تقدر تقيس الكميه بالتحديد
وتوفير فى الوقت
فى عيب لازم الكل يأخد فى الاعتبار وعلى تجربه
لما غيرت الزيت حوالى خمس موات بالشفط
وبعد كده قولت افك الطبه لقيتها مسدوده بالرايش
وده دليل طبعا على ان الفك افضل

**SkyBird** · 03-08-2010 01:04 AM

رايش ايه يا ريس وايه سببه ؟ يعنى جه منين ؟؟
اسمع ان المرسيدس في موديلاتها الحديثة مبتعملش طبة لكرتيرة الزيت اصلا وكله بالشفط
هل في حد يؤكد المعلومة دي ولو يوجد شركات اخرى؟

**MMamdouh** · 03-08-2010 03:39 AM

الرايش المقصود مش زى الرايش بتاع ورش الخراظة... دة ببقى زى حبيبات دقيقة جدا من المعدن نتيجة التاكل اللى بيحصل داخل الموتور

شركات سيارات كتير بتعمل الطبعة من الحديد الممغنط عشان تمسك الرايش دة و بيبقى خارج على شكل لطعة غامقة اللون على طرف الطبة عند الفك

MMamdouh

**samirayad** · 05-08-2010 01:43 PM

المشاركة الأصلية كتبت بواسطة skybird

رايش ايه يا ريس وايه سببه ؟ يعنى جه منين ؟؟
اسمع ان المرسيدس في موديلاتها الحديثة مبتعملش طبة لكرتيرة الزيت اصلا وكله بالشفط
هل في حد يؤكد المعلومة دي ولو يوجد شركات اخرى؟

شوف

من الآخر

لايعلى عن تفريغ الزيت القديم من طبة الزيت

ليه

لأنه بيكون محمل بالخيرات الكربونيه ( جزيئات كبيره لحد ما مشتته داخل الزيت )

وفيه كتير منها بيبقى واقع فى قاع الكرتير

وعمر طريقة الشفط ماتسحبها

وخصوصا مع المحركات القديمه

**zicooo2008** · 08-08-2010 10:40 AM

جزاكم الله خيرا معلومة مفيدة و لكن اين توجد الطبة الخاصة بالزيت ؟؟؟؟؟؟؟

**hanynino** · 08-08-2010 11:01 AM

فك الطبة احسن بكتير من الشفط عشان تضمن نزول الزيت كلة

-

-

الموضوع: فك الطبه ولا شفط الزيت

LinkBack

أدوات الموضوع

عرض

-

-

-

-

-

المواضيع المتشابهه

غيرت الطبه طلعلي الخرطوم

هتجنن رحت للمكانيكى وبتاع الزيت معرفوش يفكو فلتر الزيت للماروتى بتعتى

نقيس الزيت و هي العربية دايرة ولا مطفية و برده ولا سخنة ؟ و يحصل إيه لو الزيت زيادة ؟

الطبه الي في الرفرف وقعت يا رجالة

حد يعرف كمية الزيت المستهلك اللى بينزل عند غيار الزيت

الكلمات الدلالية لهذا الموضوع

المفضلات

المفضلات

ضوابط المشاركة