الموضوع: فك الطبه ولا شفط الزيت

هل يتم تغيير الزيت والموتور بارد والزيت مترسب في الكارتيرة ام يتم تغيير الزيت والموتور ساخن والزيت منتشر بشوائبه في كل ارجاء المحرك ؟

أنت برضه نبهتنا لنقطة مهمة جدا ....

لازم تستني شوية لحد ما الزيت يبرد و بعدين تغيره (سواء بالطبة أو بالشفط ) ليه ؟؟
1- أمان أكثر علشان الراجل اللي هايغير الزيت سواء عن طريق الطبة أو الشفط مايتلسعش و جلده يتحرق
2- علشان الزيت و هو ساخن لزوجته بتكون أقل فمعدل سريانه بيكون أسرع و ينزل علي الكارتيره بسرعة طالما ان المحرك متوقف و بالتالي هايتجمع كله بالكارتيره
3- علشان الزيت لما يبرد تدريجيا أجزاء المحرك هاتبرد معاه برده بشكل تدريجي غير لما تغير الزيت و هو لسه ساخن بزيت أخر بارد فيحصل تبريد مفاجئ ممكن يسبب أجهادات حرارية لأجزاء من المحرك و يقلل من عمرها الافتراضي و الكلام ده مهم جدا في المحركات السريعة (زي اللي أحنا بنتكلم عنها و القدرة العالية زي المحركات البحرية الكبيرة)

مع خالص تحياتي
م/ سمير الشهاوي

مش هو جهاز الشفط بيسحب الزيت اللى فى الكارتيرة برضة ولا بيسحب من حتة تانية؟؟؟

قوة الشفط نفسها بيساعد على تجميع الزيت الموجود من الاماكن التانية يعني فيه عملية تجميع قهري مع الشفط

وعلي فكره طريقه الشفط بوظت عربيتين دبابه عندنا وده لأن التوكيل بيشفط وده السبب في ان مصفه الزيت الداخليه اتسدت ومنعت ضخ الزيت بطريقه صحيحه وبوظت المكنه
والكلام ده في عربيتين مش عربيه واحده

طالما عربيتين نفس النوع يبقى العيب مش من ماكينة الشفط الارجح انه عيب في العربيتين او المكان اللي غيروا فيه
وبعدين ايه اللي يعملوا الشفط علشان يسد مصفاة الزيت الداخليه (اللي هي ايه اصلا؟)
كلام مش منطقي
ويرد عليه هذا الاقتباس

فى التوكيل المهندس قالى لازم الزيت يتشفط علشان المكنة بتشفط الزيت كله, انما فك الطبة غلط !! علشان كدة لازم تجيلنا كل مرة نغيرلك الزيت بنفسنا

على العموم وفي الاخير
كل جديد محارب (بفتح المهملة)

المشاركة الأصلية كتبت بواسطة asemx1

بقولكم ايه انا مستغرب من الكلام دا الى بتقولوه فعلا ردود عجيبه اوى
من الاخر خالص والمفيد عايز تفرغ الزيت فى المكنه
1- فك الطبه واشربلك سجارتين تلاته وانتا قاعد نص ساعه بس وكل الزيت هينزل استحااااله حد يقدر ينزل كل الزيت الى فى الماتور علشان من خواص اى زيت ماتور انه بيلزق على الاسطح الداخليه حتى لو طافى العربيه علشان بدايه التشغيل مايبقاش فى احتكاك عالى على الماتور
2 - الزيت الى بترغوا فيه دا الى ملزوق على الماتور دا لا يتعدى تمن كيلو ويمكن اقل كمان بكتيييير انتوا بترغوا فى تمن كيلو او اقل ودا غلط لعقولكم
3-بتحط زيت تخليقى الى هوا 10000 كم دا كويس للمكنه علشان التشغيل الاول للماتور الصبح والاحماء دا بيبقى اصعب حاجه الزيوت التخليقيه ال 10000 دى بتلزق على الماتور من جوا علشان تحميه من الاحتكاك فى بدايه التشغيل
4- واخيرا فك الطبه وشيل الغطا بتاع الزيت والمقاس اشربلك سيجارتين نص ساعه فك الفلتر غير الفلتر ركب الطبه املا زيتك للنصف او اكثر بقليل ( زيت على الماكسمم لا يحبز - زيت على المينيمم لا يحبز ) احسن حاجه فى النص علشان الماكسمم دا هيخلى الكرنك يشتغل فى الزيت ودا هياكل بنزين معاك ويفرمل الماتور وعلى المينيمم دا هيخلى الزيت يسخن بسرعه ويحترق لان الزيت بيساعد على تبريد المحرك
5- من الاخر مقاس الزيت 1.5 لتر يعنى لو عربيتك بتاخد 4 الا ربع لتر بالفلتر حطلها 3 لتر هتلاقى المقاس فى النص

كلامى مش من دماغى دا كلام علمى ومن كتب internal combustion engine شبتر ال التزييت
تحياتى للجميع ...... م/ عاصم

ياباشا احنا فاهمين ده كله كويس
احنا حاليا في وجه اختلاف ان مين الاحسن فك الطبه ولا الشفط
انا عن نفسي لا اقتنع بالشفط تماما