اية رايكوا في الشغلانة دة (خبراتكواا)

**SeiffoZ** · 20-07-2010 07:47 PM

ما تدى وقتك كله للكاوتش .... و إدى وقتك للتطويره ... مش يمكن بعد كده تبقى توكيل كونتينتال؟؟؟

عندك بيزنس شغال ... ليه تروح لحاجة تانية .. و هم كلهم بيع و شراء بردوا يعنى مفيش إختلاف ....

**medo_2060** · 20-07-2010 10:22 PM

المشاركة الأصلية كتبت بواسطة hazoom2006

حبيب قلبى الناس كلها متخرجة السنة دى دى باين عليها سنة زى الفل(انا كمان متخرج السنة دى)

منور يا حزوم والله
بص احنا نشوف شغلانه لكل الناس المتخرجه السنه دى عشان محدش يعود فى البيت مثلا نجيب ميكروباص وواحد يسوق وواحد يلم الاجره والباقى يعملوا ركاب بقى

بالنسبه لسؤالك ياmagyver هى طبعا بتكسب بس عايزه تكوين علاقات ويكون لك معارف ودا هيجى مع الوقت يعنى زى اى شغلانه مش مضمون المكسب فى الاول

**BrainStorm** · 20-07-2010 11:34 PM

المشاركة الأصلية كتبت بواسطة timtim

الشغلانة دي شبيهة بشغلانة توزيع كروت الاتصال.. (محمول ومنزلي) بس شغلانة توزيع كروت الاتصال معدل دروان راس المال فيها سريع اوي..

توكل على الله

معلش هتقل عليك ممكن تفهمني ازاي معدل دوران راس المال فيها سريع أو فكرتها ازاي يعني؟؟

**wesam_salom** · 20-07-2010 11:55 PM

المشاركة الأصلية كتبت بواسطة brainstorm

معلش هتقل عليك ممكن تفهمني ازاي معدل دوران راس المال فيها سريع أو فكرتها ازاي يعني؟؟

ممكن انا اشرحلك الموضوع لانى اشتغلت فيه فتره طويله

بس كان عندى محل وكان شغال معايا مناديب لحسابى

انت بيكون متوفر معاك مبلغ معقول

بتشترى الكروت (او شحن الهوا) من الوكيل بسعر معين وليكن 97 جنيه مثلا

بتبيعه بمبلغ اعلى شويه 97.5

يعنى مكسب حوالى 0.5%

يعنى لو معاك مبلغ 9700 جنيه يعمل معاك فى الدوره حوالى 50 جنيه تقريبا

فكده لازم الدوره تكون سريعه والمبلغ كبير علشان تقدر تغطى مصاريفك لانها كتير

مبلغ ثابت للمندوب (مبلغ صغير)+عموله +تليفونات+مواصلات+نثريات

هى دى الفكره انك يكون عندك قاعده عملاء كبيره وكمان علاقات كويسه مع الوكلاء ومناديبهم

وكل ما المبلغ يكبر تقدر تشترى كميه اكبر وممكن بسعر احسن لان فيه ناس بتحرق السعر حاجه بسيطه جدا بس مع الكميات بتفرق

وطبعا كل مايزيد المبلغ تزيد الكميه وبالتالى تحتاج لعملاء اكبر

طبعا فى الفتره الاخيره المكسب قل جدا لان البلد كلها شغاله فى الموضوع ده

وكل واحد معاه 5000 جنيه بقى مندوب والوكيل بقى بيصرف شغل لاى حد بأقل مبلغ

غير انهم زودوا التارجت للمناديب فى الوكلاء فبقى المندوب بيبيع اى كميه تنطلب منه علشان يحققه

وده طبعا خلاهم ينزلوا لكل المحلات الصغيره اللى كنت بتعتمد عليها

وده خلى مكسب الكل يقل

**fady.bekatcho** · 21-07-2010 04:39 AM

المشاركة الأصلية كتبت بواسطة hazoom2006

حبيب قلبى الناس كلها متخرجة السنة دى دى باين عليها سنة زى الفل(انا كمان متخرج السنة دى)

ممكن تحسبونى معاكم بقى ضمن المتخرجين

بس النتيجة هتطلع كمان كام يوم ربنا يستر

**magyver** · 21-07-2010 05:21 AM

المشاركة الأصلية كتبت بواسطة m.osman

فين يا باشا؟ في المنصورة؟

هو مش في المنصورة ذات نفسها
في ميت غمر

**magyver** · 21-07-2010 05:22 AM

اية ياجماعة
عايزين خبرات واراء كمااااااان

**hazoom2006** · 21-07-2010 05:41 AM

المشاركة الأصلية كتبت بواسطة medo_2060

منور يا حزوم والله
بص احنا نشوف شغلانه لكل الناس المتخرجه السنه دى عشان محدش يعود فى البيت مثلا نجيب ميكروباص وواحد يسوق وواحد يلم الاجره والباقى يعملوا ركاب بقى

بالنسبه لسؤالك ياmagyver هى طبعا بتكسب بس عايزه تكوين علاقات ويكون لك معارف ودا هيجى مع الوقت يعنى زى اى شغلانه مش مضمون المكسب فى الاول

هههههههههههه والله فكره احسن من قاعده البيت

المشاركة الأصلية كتبت بواسطة fady.bekatcho

ممكن تحسبونى معاكم بقى ضمن المتخرجين

بس النتيجة هتطلع كمان كام يوم ربنا يستر

منور طبعا وربنا يستر معاك ومعانا فى النتيجة

حد جاى تانى دفعه 2010

المشاركة الأصلية كتبت بواسطة magyver

اية ياجماعة
عايزين خبرات واراء كمااااااان

بص هو فى فكرة بما ان حضرتك عنك محل كاوتش فى ميت غمر انت ممكن تفتح فرع تانى فى المنصورة ولو مفيش راس مال يبقى تفضل فى محل الكاوتش لان ده المجال اللى اكيد عندك خبره فيه

ربنا يكرمك ان شاء الله

**magyver** · 21-07-2010 05:57 AM

المشاركة الأصلية كتبت بواسطة seiffoz

ما تدى وقتك كله للكاوتش .... و إدى وقتك للتطويره ... مش يمكن بعد كده تبقى توكيل كونتينتال؟؟؟

عندك بيزنس شغال ... ليه تروح لحاجة تانية .. و هم كلهم بيع و شراء بردوا يعنى مفيش إختلاف ....

اصلها حاجة مش هاتعطلني عن الشغل الاساسي

المشاركة الأصلية كتبت بواسطة hazoom2006

بص هو فى فكرة بما ان حضرتك عنك محل كاوتش فى ميت غمر انت ممكن تفتح فرع تانى فى المنصورة ولو مفيش راس مال يبقى تفضل فى محل الكاوتش لان ده المجال اللى اكيد عندك خبره فيه

ربنا يكرمك ان شاء الله

هو مش بتاعي دة بتاع والدي وانا شغال مع والدي
بس انا بقول حاجة جنب حاجة علشان المصاريف ويكون ليا حاجة خاصة بيا

**A7MED_PHARMA** · 21-07-2010 06:03 AM

فكك من الشغلانة الفكسانة دي

شغلانة فكسانة أخر كلام...

ولو هقولك ليه..مش هيكفيني موضوع بحاااله
بس هقولك عناوين بس:

1.مخازن الأدوية مالية الدنيا دلوقتي..يعني مش هتعرف تنافس
2.مفيش صيدلي بيدفع فوري..الكل شغال على الإسبوع أو على الشهر
3.طالما مش هيكون معاك حاجات مش عند غيرك..يبقا مش هتشتغل
4.التفتيش الصيدلي الأيام دي مطلع عين الصيادلة على رقم التشغيلة بتاعت الدوا
5.سوق الدوا متأثر جدا بالحالة العامة للناس ..يعني السوق مريح أخر كلام الأيام دي
6.صعب تفتح شغل مع صيدلية في مدينة ..علشان أي مدينة دلوقتي مليانة مخااازن(ميت غمر فيها مخزن ياسر زلطة..ومخزن الشافعي ..ومخزن عزت ...........إلخ)
7.لو سيبت صيدليات المدن ...ونزلت صيدليات الأرياف..هتلاقي هناك صيدليات شغالة مخازن برضووو من تحت لتحت
8.علشان تفتح شغل مع صيدلية ..لازم نوفر له أصناف هيطلبها منك في الأول..وغالبا هتبقا أصناف جدول
9.شغلانة المندوب دي مقرفة ...وبالذات لو وقعت في صيادلة مش كويسين ..هيسمعوك كلام يحرق الدم
10...ودي أهم نقطة ....الصيادلة أكتر ناس ماتتعاملش معاهم في فلوس..هيبقولك فلوس(شكك)..وهيطلع عينك علشان تجيب فلوسك منهم
وده مش لطبيعتهم الشخصية ..لااا..ده لطبيعة شغل الصيدلية إلي هيا كمان بتبيع شكك
11.واحدة واحدة هتلاقي قدامك سكك كتير تكسب منها أفضل..بتعب أقل ..في الدوا برضوو..لكن في أدوية الجدول والمخدرات...وساعتها تخاف على نفسك من زغللة الفلوس الحرام يامعلم
12.هتلاقي مصاريفها أكتر من ربحها..وخصوصا الأيام دي ..إلي مايعلم بيها إلا ربنا

الموضوع: اية رايكوا في الشغلانة دة (خبراتكواا)

LinkBack

أدوات الموضوع

عرض

-

-

-

-

-

-

-

-

-

المواضيع المتشابهه

ايه رايكوا فال a3 ؟

هى الشغلانة دى موجودة فى مصر ؟؟؟؟؟

رايكوا فى التليفون ده

ايه رايكوا فى m40 اوتوماتيك

اية رايكوا؟

الكلمات الدلالية لهذا الموضوع

المفضلات

المفضلات

ضوابط المشاركة