المشاركة الأصلية كتبت بواسطة brainstorm
معلش هتقل عليك ممكن تفهمني ازاي معدل دوران راس المال فيها سريع أو فكرتها ازاي يعني؟؟
المشاركة الأصلية كتبت بواسطة wesam_salom
ممكن انا اشرحلك الموضوع لانى اشتغلت فيه فتره طويله
بس كان عندى محل وكان شغال معايا مناديب لحسابى
انت بيكون متوفر معاك مبلغ معقول
بتشترى الكروت (او شحن الهوا) من الوكيل بسعر معين وليكن 97 جنيه مثلا
بتبيعه بمبلغ اعلى شويه 97.5
يعنى مكسب حوالى 0.5%
يعنى لو معاك مبلغ 9700 جنيه يعمل معاك فى الدوره حوالى 50 جنيه تقريبا
فكده لازم الدوره تكون سريعه والمبلغ كبير علشان تقدر تغطى مصاريفك لانها كتير
مبلغ ثابت للمندوب (مبلغ صغير)+عموله +تليفونات+مواصلات+نثريات
هى دى الفكره انك يكون عندك قاعده عملاء كبيره وكمان علاقات كويسه مع الوكلاء ومناديبهم
وكل ما المبلغ يكبر تقدر تشترى كميه اكبر وممكن بسعر احسن لان فيه ناس بتحرق السعر حاجه بسيطه جدا بس مع الكميات بتفرق
وطبعا كل مايزيد المبلغ تزيد الكميه وبالتالى تحتاج لعملاء اكبر
طبعا فى الفتره الاخيره المكسب قل جدا لان البلد كلها شغاله فى الموضوع ده
وكل واحد معاه 5000 جنيه بقى مندوب والوكيل بقى بيصرف شغل لاى حد بأقل مبلغ
غير انهم زودوا التارجت للمناديب فى الوكلاء فبقى المندوب بيبيع اى كميه تنطلب منه علشان يحققه
وده طبعا خلاهم ينزلوا لكل المحلات الصغيره اللى كنت بتعتمد عليها
وده خلى مكسب الكل يقل
زي ما الأستاذ وسام شرح كدا..
بس انا كنت اقصد ان دورة رأس المال في شغلانة الكروت دي سريعة بطبيعتها .. مش المقصود انك تحاول تخليها سريعة..
يعني اعرف واحد كان بيوزع كروت ب 50 ألف ج في أقل من 3 أيام.. وفعلا الكارت ابو 100ج كان بيكسب فيه حوالي 60-70 قرش .. (لانه بيشتري بمبلغ كبير فا بياخد بسعر رخيص)
يعني ال 50 ألف ج بيكسبوا يادوبك .. 300ج .. مبلغ بسيط بالنسبة لراس المال بس بيجي بسرعة يعني ال 50 الف ج في الشهر يجيبوا 3000ج واكتر.. يعني في السنة 36ألف ج يعني مكسب 70%
كل ما راس المال كبر في الشغلانة هاتاخد الكروت بسعر ارخص يعني المكسب هايبقى اكبر والشغل اريح.. لان الناس هي اللي هاتيجي تاخد من عندك الكروت مش انت اللي هاتلف توزع..
ممكن زي ما الاستاذ وسام ذكر ان المكسب بدأ يقل بس هو بيقل على اللي بيشتغل براس مال صغير .. اما اللي بيشتغل بمبلغ كبير الربح بيزيد معاه.. اصلا معدلات استهلاك المحمول في زيادة رهيبة ...
المفضلات