رابطة مالكي المكواة...لانسر 2001-2002-2003

**mr_vampire** · 29-09-2010 07:30 PM

المشاركة الأصلية كتبت بواسطة shooter123

جربو ا موبيل 1 بيتغير كل 10000 كيلو
وأداء كويس اوى

ده يامعلم للعربيات الزيرو اللي موتورها لسة شديد

المشاركة الأصلية كتبت بواسطة a7med_pharma

مش هوا ده إلي بيعدي الــ200 جنيه
200 وحاجة ..مش فاكر

بس كده مش يكون خطر ..يعني علشان الحر والحرت إلي بنحرته في العربيات
وتسيب الزيت فيها (مهما كانت جودته)..أكنر من كاااااام شهر

بالظبط كدة يادكتور وخصوصا ان احنا عربياتنا موديلات قديمة يعني موتورها خف كتير عن الزيرو فحرام تسيب زيت فيها كتير انا من اول ماجبت العربية وانا بغير موبيل اكس اتش بي بس فعلا لاحظت حوار نقصانه بسرعة وكمان لزوجته بتقل فتنصحو بزيت ايه
وانا اول مرة اسمع عن زيت فيسكو ده اللي هيثم بيقول عليه وهو صناعه ايه ؟؟؟؟؟؟؟؟؟؟

**mr_vampire** · 29-09-2010 07:39 PM

كان ليا استفسار كدة ياشباب بخصوص التكييف فقولت بدل مااعمله فقسم لانسر اكتبه في قسم المكوة ( علي اساس تخصص التخصص افضل يعني وكدة). التكييف عندي بيفصل وبيشتغل كتير (في حدود 15 ثانية شغل وزيهم فصل) وتحس بيه فالسحب اوي تلاقي العربية تكن وانتا ماشي وفجاة تلاقيها بتسحب وبتشد بفرق واضح ولما ييجي يشتغل تاني تحسها كنت تاني كان واحد بيشد وبيرخي وانا ماشي. فالسؤال بقي معدل شغله وفصله الطبيعي ( اللي المفروض يعني ) يكون ازاي. لاني سمعت اراء شباب فالحوار ده بيقولو انه شحن زيادة بس اعتقد ان الليلة كلها ترموستات اللي بتلقط وبتشغل الكومبرروسور (الكباس) عند درجة حرارة معينة وبتفصله لما يوصل لدرجة حرارة معينة ايه علاقة الشحن الزيادة بقي فالحوار وكمان بيقولو التبريد مبيبقاش كوزيس (مع العلم ان التبريد عندي الحمد لله كويس اوي في نظري يعني وبالذات عالسرعات). فحد من الشباب عندي تفسير عن الكلام الكتير اللي كتبته ده؟؟؟؟؟؟؟؟

**A7MED_PHARMA** · 29-09-2010 11:04 PM

إشتريت الفوانيس الامريكاني ..عند بتوع االاستيراد بــ 500 جنيه الاتنين
مفيش فيهم خربوش واحد
والنور بتاعهم أقوى من إلي عندنا كتيرررررر
.......
وتخيلوا
شوفت فوانيس شبورة أوريجينال عندهم
كنت هموووووووت وأشتريهم...بس بيقولي الاكصدام بيطلع على بعضه
ولو عاوزهم لوحدهم ..بــ 500 جنيه ..
كنت هقوله تييييتتت تييتتتتتت ..جتك 500 تييييتتتتتتتتت تييتتتتتتتت

المهم
كانوا مدورين وراكبين في الشبكة الصغيرة إلي محطوطين مكان الفوجات
كان شكلهم تحفة .. تحفة

**A7MED_PHARMA** · 30-09-2010 02:20 AM

أنا مش عارف أصورلكم عربيتي ..علشان الموبايل في الانعاش
المهم

هي شبه دي بالظبط
فيه أكتر من 4 لمبات ....والنور بتاعه هاايل

الاشارة بتاعته تحت ..في المستطيل الرفيع إلي في قاعدة الفانوس
مش زي العادية بتاعتنا

**A7MED_PHARMA** · 30-09-2010 02:45 AM

المشاركة الأصلية كتبت بواسطة mr_vampire

حلوين ماشاء الله ربنا يباركلك فيهم بس انا نفسي فيبتوع الايفو نازلين من شركة ديبو وبدور عليهم ومش لاقيهم . سيبك انتا من ده كله شوفت المكوة وهي لسة طالعة من المصنع بتبقي عاملة ازاي.

والله بلدنا المخروبة مصر دي
مايتركبش فيها عربيات .........
العربيات بره تلاقيها بعد 20-30 سنة ..تلاقيها بحالتها
الفروقات بين الكبوت والرفارف مثلا ...تلاقيها بتاعت المصنع...لون العربية تلاقيه بتاع المصنع
كل حاجة في العربية تحس إنها لسه خارجة من المصنع إمبارح الصبح

أنا حاليا بدور على موتوسيكل ياباني
ونخلي العربية للمشاوير المهمة ..والموتوسيكل يبقا هوا الحمارة بتاعتنا

**A7MED_PHARMA** · 30-09-2010 03:21 AM

المشاركة الأصلية كتبت بواسطة mr_vampire

دلوقتي اصلا الموتوسيكلات الريسنج كترت اووووووووووووووووووووي انا من بنها كتر فيها الريسنج اوي بشكل غريب وتلاقي واحد راكب وشادد ووراه كام واحد راكبين صيني وبيجرو وراه ( عايزين توقيعه مثلا ولا عايزين يشدو معاه) وتشوفه وهو بيشد ولا اشد عربية فيكي يامصر. بيبقي مواتيره 900 سي سي متعرفش بيبقي في حدود كام ؟؟؟؟؟؟؟؟

900 ليه ياراجل
إنت هتحارب بيه
أكبر موتوسيكل صيني ..يوم مابيقولك أنا موتوسيكل ...بيكون 200 سي سي
وأقل ياباني
250

أنا بدور على هوندا 250...حاجة شكلها محترم جدا جدا
أصل ماينفعش الناس تشوفني راكب لانسر .. وبعد كده تشوفني راكب دايون ولا هوجان ولا حلاوه صيني
البرستيج مهم برضوووو

شوفت الدلع

وأجمل حاجة في الموتوسيكل .. إنه تقريبا مابيصرفش فلوس
خاااااااالص..
أخويا محمود بيفول الموتوسيكل بتاعه(صيني)بيروح بيه الدروس(محمود في ثانوية عامة)..بــ7 جنيه
بيكفوه بتاع إسبوع
يعني لو على مشاويري ..الموتوسيكل مايكلفش معايا أكتر من 50-70 جنيه في الشهر
بعكس العربية خاااااالص
بنزين وزيت مش أقل من 400 جنيه في الشهر
غير طبعا الطرق الزبالة إلي بمشي فيها .. والطرق المكسرة(بحكم الارياف بقا)..كل شهر تلاقي حاجة في العفشة
والكاوتش ساعات بطلع منه حاجاة غريبة ..أنا مرة الكاوتش بتاع العربية إتخرم بدبوس فرخة هههههههه
وبصراحة
الايام الجاية على البلد دي .. أيام سودا
والتوفير مطلوب