الموضوع: قلة ادب وعدم تربيه ... معقول حالنا وصل لكده؟؟؟

المشاركة الأصلية كتبت بواسطة fadod

طيب لو العيال إطردو برى النادي والأمن عمل اللي عليه ..أنا وإنت وياقوت عايزين إيه غير كدة .. هو هدفنا إن احنا نبعدهم عن عينين الناس وعنينا ولا نجرسهم.

لأ هدفنا مش إن احنا نبعدهم عن أعين الناس بس. إحنا هدفنا إن الآفة دي تتشال من المجتمع كله. يعني لو أنا شفت شقة دعارة (آسف في اللفظ) وماتصرفتش صح يبقى أنا سلبي. تصرفي الصحيح ساعتها زي ماحضرتك قلت: إني أبلغ الجهات المختصة.

المشاركة الأصلية كتبت بواسطة fadod

تاني احنا مش وظيفتنا إن احنا نقوم الناس في أفعالها ، ولا حتي نحاسبهم . ربنا اللي بيحاسب كل واحد . وممكن واحد أو واحدة ذي دول ييجي علي أخر أيامه ويتوب وربنا يقبل منه ويبقي أحسن من ناس تاني بتنتقده كتير .

كلام حضرتك صح 100%. ممكن الواد اللي بيعمل الأفعال دي أحسن مني عند ربنا .. الله أعلم.

بص يا دكتور ، أنا اللي قصدي أوصل له لحضرتك إن المفروض النصيحة بالحسنى والكلام الكويس زي ما قال ربنا سبحانه وتعالى لموسى وأخيه هارون (عليه وعلى نبينا الصلاة والسلام) : "اذْهَبَا إِلَى فِرْعَوْنَ إِنَّهُ طَغَى (43) فَقُولَا لَهُ قَوْلًا لَّيِّنًا لَّعَلَّهُ يَتَذَكَّرُ أَوْ يَخْشَى (44) " سورة طه. وربنا سبحانه وتعالى قال أيضا: "ادْعُ إِلِى سَبِيلِ رَبِّكَ بِالْحِكْمَةِ وَالْمَوْعِظَةِ الْحَسَنَةِ وَجَادِلْهُم بِالَّتِي هِيَ أَحْسَنُ إِنَّ رَبَّكَ هُوَ أَعْلَمُ بِمَن ضَلَّ عَن سَبِيلِهِ وَهُوَ أَعْلَمُ بِالْمُهْتَدِينَ (125) " سورة الإسراء

والمشكلة إن فيه كتير من الناس هنا إن هي مابتحبش النصيحة. وياما ناس بتنصح ناس باللين ويترد عليهم بأسلوب مش كويس زي الموضوع ام بتعلم بنتها قلة الادب و البجاحة ... هي الدنيا جرى فيها ايه؟؟. وزي ماناس بتنصح ناس إن ماترميش زبالة في الشارع أقل حاجة هتتقالك "وانت مالك".
والموقف ده بالذات ياما بيحصل عندنا وناس تروح تنصح باللين ويقولوا "وانت مالك ، دي خطيبتي ، دي مراتي ، دي إلخ). بس مش معنى كده إني أبقى همجي ولو شفت عربية فيها حاجات مش كويسة أروح مكسرها. لأ ، دايما أتعامل باللين والحسنى زي ما ربنا سبحانه وتعالى أمر.
أما بالنسبة للي عمله ياقوت هو موقف استثنائي (unexpected situation) في مكان محترم في مجتمع محترم (طبعا كلنا عارفين مجتمعات الصعيد كلها عاملة ازاي بغض النظر عن الأيام الأخيرة) فبالتالي رد ياقوت كان استثنائي ورد كل الناس استثنائي برضه بدليل الراجل الكبير اللي ضرب الواد بالقلم على وشه.

المشاركة الأصلية كتبت بواسطة ahmed-moga

استعراض عضلات بيبقي تربيه من المجتمع وتكمله لتربية البيت وأعطائهم درس

في حسن الخلق ووضع حد لتجاوزهم ولسوء خلقهم حتي يكون درس قاسي لهم

وبالتالي لن يكررون ذلك مره اخري في اي مكان

الله يفتح عليك ، بالظبط كده. الأب بيضرب ابنه مش علشان يستعرض عضلاته عليه ، لأ علشان يعلمه الصح من الغلط. هدفنا مش إن احنا نتخانق مع المراهقين ونكسر عظمهم ، لأ هدفنا إن احنا نخليهم قدوة وأسوة لغيره في حسن خلقهم علشان يتحملوا المسئولية من صغرهم.

وفي النهاية احنا هنا في المنتدى اخوات ، وزي مابيقولوا "الاختلاف لا يفسد للود قضية". وأنا بعتذر بالنيابة عن الطرف الأول للطرف الثاني (اللي مختلف مع اللي عمله ياقوت) عن أي شخصنة أو أي كلمة جارحة. وكفاية قوي لحد كده وتصبحوا على خير :d

واد فيهم لسا بيجعر وراح واخد قلم محترم من الراجل جوز الست الي كانت بتشتم البنات

انا حسيت ان طبلة ودنه اتخرمت اساسا

والشباب تسقف ووتهيص

المهم طلعوا بزفه وفضيحه من النادي

عجبنى اوىىىى الجزء ده