الموضوع: قلة ادب وعدم تربيه ... معقول حالنا وصل لكده؟؟؟

العضو amrbakly انا ليا تعقيب سؤال صغير بعيدا الموضوع الاصلي لان دة موضوع اساسا منتهي الكلام فيه مش عارف بتتجادلو في ايه ؟؟ في اوامر من الله عز و جل ؟؟ في ديننا الي مفروض ان احنا نعمل بيه و نطبقة ؟؟!!!!
انا تعقيبي علي توقيع حضرتك

لكي تكون وطنيا خالصا عليك أن تكرهه اليهود و تلعن الغرب و تصادر حريات الأخرين و تحشر في كلامك مصطلحات دينية !

افهم من كلام حضرتك انك وطني و في نفس الوقت "مش بتكرة اليهود "
الي اعظم و اسمي هدف عندهم ابادتك من علي وجة الارض و احتلال دولتك ؟
الي ديننا الحنيف امر بمقاطعتهم و عدم اعطاء الامان لهم ؟
لو كدة يبقي دم الشهداء الي راح في 73 و 67 راح هدر
الشهداء الي ضحو بنفسهم عشان في يوم زي دة يبقي الي زك و زيي قاعدين و بيتكلمو عن طريق النت
و كمان لفظ " نحشر "
هو بالنسبة لحضرتك الي يتمسك بدينة و يحافظ عليه و يحاول يطبقة علي قد ما يقدر في حياتة يبقي " بيحشر " ؟؟؟
يا ريت تراجع نفسك من تاني في افكارك و معتقداتك

المشاركة الأصلية كتبت بواسطة amrbakly

يا أستاذة دونزي انا لا بطالب الناس بسلبية ولا من يحزنون

انا كل اللي بطالب الناس بية الترفع عن ضغائر الأمور لأن عندنا من الكبائر و البلاوي و الفظائع يشيب

واحد بيحضن واحدة ولا واحدة بتحضن واحد .... أنا مالي فعليا، مضرور من اية يعني؟ حاجة بالغة التفاهه بالنسبة ليا ولا تستدعي مني مجرد حتي الإلتفات

و أقسم بالله اني بتكلم بمنتهي الصراحة ولا حتي بتلفت لأنة موضوع تافهه

و بعدين الناس مكبرة الموضوع و تقولك اختي و والدتي و بنتي و كأننا معندناش تلفزيونات مثلا ولا شوفناش افلام من كل بلاد الدنيا و المسألة عادية و محدش جرالة حاجة !

ولا كأننا حضرنا فرح مثلا و شوفنا واحد حاضن عروستة !

مش عارف انتوا لية محسسني اني جاي من كوكب أخر ! مش بمشي كل يوم في الشارع و بتفرج علي تلفزيون

اتكلم كلام عقلاني الاول .
انت لو حسيت في حاجة بايظة او غلط في عربيتك مش هتصلحها
قبل ما تتفاقم المشكلة
صح و لا لأ ؟
يعني لما اشوف حاجة "زي مبتقول من وجه نظرك صغيرة و تافه مع انها تعتبر من الكبائر " و انا انا اقدر اغيرها بايدي مغيرهاش ليه مش اترفع عنها
استني لما يوصلو لمرحلة ما بعد الاحضان و لا امنعهم
و بعدين ازاي من وجة نظرك ان لما واحد يحضن واحدة في الشارع انا مش هتاذي او عيلتي مش هتتاذي
ازاي ؟ دول مش ستات و بنات ؟؟؟
مش منظر زي دة يخدش حيائهم ؟؟
انت هترد بايه لو ابنك او بنتك الصغيرة جت سالتك ايه دة يا بابا ؟
اسف في الكلمة هنستني منهم ايه في المستقبل لما يشوفو حاجة زي ديبتحصل عادي في النوادي ؟
و في التليفزيونات انا الي بختار اتفرج علي ايه و متفرجش علي ايه ؟ لو معجبتنيش حاجة بقلب علي طول
مش مجبر افضل اتفرج عليها
و الافراح كل واحد و الافراح الي بيحضرها
و حتي لو حصل و العريس حضن عروستة
دي حلالة مراتة شرعا و قانونا و لا ايه ؟؟!!

الحديث الشريف واضح و صريح

عن أبي سعيد الخدري قال : سمعت رسول الله صلى الله عليه وسلم يقول : من رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان . رواه مسلم
و الكبائر و البلاوي الي بتقول عليها تتعالج بنفس الطريقة و لو مقدرناش يبقي بالنصيحة
و اذا لم تاتي بنتيجة يبقي بدعاءنا ان الحال يتصلح باذن الله

للاسف لغة الحوار عندنا بقت متدنية جدا جدا

المشاركة الأصلية كتبت بواسطة dr.almaghraby

للاسف لغة الحوار عندنا بقت متدنية جدا جدا

جدا جدا جدا ............................

المرء مرآة لنفسه ... وجهات النظر والموضوع نسبية جداً
ومعذره اذا تسبب كلامى لأى خدش للحياء أو مضايقه للبعض

فى أوربا - الراجل بيدخل بيته ، يجد أخته وصديقها مع بعض فى غرفتها ، بيتفهم الموقف ، ومش يزعجهم
بالتالى الرجل الاروبى لما يشوف واحد حاضن واحده فى الشارع (أو اكتر من حضن) ، برضوا بيتفهم الموقف ويقول عادى ، ومش يزعجهم ، لأنه متربى ومتعود على كده

فى الصعيد الجوانى (قنا - وبخاصة عائلات الاشراف) وقبائل سيناء - البنات ما تتجوزش من خارج العيله ، والبنت إذا خرجت عن طوع ابوها تتقتل ، وإذا غلطت تتقتل بردوا (غسل العار)
وبالتالى الرجل الصعيدى من دول لما يشوف موقف مش تمام - مش بيقدر يتفهم الموقف ويقول عادى ذى الرجل الاروبى ، لأنه مش متعود على كده

المشاركة الأصلية كتبت بواسطة noramagdy

المرء مرآة لنفسه ... وجهات النظر والموضوع نسبية جداً
ومعذره اذا تسبب كلامى لأى خدش للحياء أو مضايقه للبعض

فى أوربا - الراجل بيدخل بيته ، يجد أخته وصديقها مع بعض فى غرفتها ، بيتفهم الموقف ، ومش يزعجهم
بالتالى الرجل الاروبى لما يشوف واحد حاضن واحده فى الشارع (أو اكتر من حضن) ، برضوا بيتفهم الموقف ويقول عادى ، ومش يزعجهم ، لأنه متربى ومتعود على كده

فى الصعيد الجوانى (قنا - وبخاصة عائلات الاشراف) وقبائل سيناء - البنات ما تتجوزش من خارج العيله ، والبنت إذا خرجت عن طوع ابوها تتقتل ، وإذا غلطت تتقتل بردوا (غسل العار)
وبالتالى الرجل الصعيدى من دول لما يشوف موقف مش تمام - مش بيقدر يتفهم الموقف ويقول عادى ذى الرجل الاروبى ، لأنه مش متعود على كده

حضرتك في مبالغة الي حد ما فالحالتين.... ما علينا دا مش موضوعنا

طبعا في اختلاف كبير بين الناس و نسبية كبيرة انا معاكي

لكن رد الفعل هوا الشيء ان احنا بنتكلم فيه

يعني انا اعتقد ان رد الفعل ميكنش بالشكل دا .... انا شايف انه المفروض يكون بالكلام و الذوق و القانون...


لكن ضرب و اهانة و شتيمة ...... دي غابة مش بلد يعني