الموضوع: قلة ادب وعدم تربيه ... معقول حالنا وصل لكده؟؟؟

المشاركة الأصلية كتبت بواسطة khaled ayman

كلام ربنا واضح و صريح ...نغير المنكر ...بأدينا ..لو منعرفش يبقى بلساننا ..لو منعرفش يبقى بالقلب و ده اضعف الايمان ...
انما نشوف غلط و نسكت لا ..فى غلط منقدرش نغيره غير بالقلب زى محلات الخمور ...
انما واحد ....* واقف مع واحده ........ و ب........ بعض يبقى لازم حد يتصرف خصوصا ان فى استطاعه لمنع المنكر ده ..
ولا انتو عاوزين الناس تمشى قالعه فى الشارع عشان تفرحو ؟

لاسباب شخصيه مش عاوز ارد عليك :e_braces[1]:
لا يكلف الله نفسا الا وسعها

أنا برضة يا سيدي حكتفي بأني لأسباب شخصية اتقبل ردك

و مش حرد علي التعليقات المتجاوزة لأن مفترض أن المشرفين بيتخذوا إجراءات ضدهم ... دة المفترض حتي لو كان المشرف مختلف معايا في وجهه نظر

كمان مش حرد علي التعليقات الي من نوعية مرضاش ماما و اختي و بنتي و مراتي يشوفوا مش عارف اية !

هما كويس ان ماما و أختي و بنتي و مراتي يشوفوا الناس اللي بتتظلم و بتتبهدل و بتتقتل في الشوارع و اللي ممكن أي واحد مننا يبقي مكانهم

تصدقوا دة حلو و لطيف و زي الفل ربنا معاكم

دة مش المنتدي الإجتماعي اللي مفروض الواحد يقاطعة ... و الله دة مفروض الواحد يقاطع البلد دية كلها !

مفيش فايدة فعلا

المشاركة الأصلية كتبت بواسطة ahmed-moga

استاذ amrbakly احب اوضح لحضرتك حاجه الأنحلال الأخلاقي شئ واللي انت

بتتكلم فيه شئ تاني اخر يعني ان لوشفت انحلال اخلاقي تقدر انت علي المستوي

الشخصي تتعامل معاه حسب شخصيتك انما لوشفت واحد بيتقتل فهيكون التصرف

في الحاله دية بمنطلق آخر وهو فيه روح ادميه ازهقت ومحدش قادر يعمل حاجه

من الخوف من تهور القاتل او من قمع السلطه زي ماحضرتك عايز توصلنا الصوره

يعني ببساطه الأنحلال الأخلاقي وضع بسيط الخطوره في شكله انما كبير الخطوره

في موضوعه اما القتل والقمع والتعذيب شديد الخطوره في شكله وموضوعه

والتصرف هنا غير التصرف هنا وعايز اقولك حاجه وياريت يتسع لي صدرك وبعيد

عن المشادات التي حصلت ترضي ان انت لو ليك اخت تشوفها في وضع زي ده

بصرف النظر ان انت في مصر او بره مصر وهتعمل ايه ساعتها مع هذا الشاب

ومع اختك بعدها ياريت تفكر وتجاوبني بصدق

يا أستاذ احمد أنا لا ادافع عن اي نوع من أنواع الأنحلال الأخلاقي

لكن انا كل ما أرفضة هو الإزدواجية بل المبالغة فيها لدرجة تصل أحيانا لحد التمثيل و كل واحد ينصب نفسة حارس الأخلاق، و كل مفهوم الأخلاق عندنا هو العلاقات الجنسية فقط لا غير

تقييمنا للغرب أنة منحل أخلاقيا لأن هناك حرية علاقات جنسية و لا أحد يتدخل فيها طالما برضي الطرفين

لكن لا أحد ينظر أننا في أسفل السافلين، كل تركيزنا علي علاقات جنسية ولا نتحدث عن الأمانة و الضمير و الإلتزام في العمل و المواعيد و الحقوق الطبيعية و سيادة القانون علي الجميع و كل دة

و أنا سألت سؤال بالغ الوضوح في مشاركة سابقة و محدش رد علية، لو كان الشخص اللي بيحضن البنت دة في وسطة طبنجة ميري تفتكر كان حد فتح بقة

تفتكر حتي لو كان واد بودي جارد في حجم الباب كان حد فتح بقة

البعض و بمنتهي الصراحة يتحول الي أسد علي المراهقين و الضعفاء و الغلابة و نعااااااااااااااامة علي أمين شرطة !

بالإضافة ان بعض الناس بتعمل الموضوع من باب الإستعراض و أحيانا من باب العقد النفسية و قصر الديل

و بعدين ما كلنا سافرنا و شوفنا ناس بتبوس بعض في الشارع، مجرلناش حاجة يعني ولا أغمي علينا ولا أخلاقنا فسدت ولا رجعنا لابسين شورتات ستريتش !

دة علي كدة مطار القاهرة مفروض يتقفل أداب من كتر الناس اللي بتحضن و بتسلم علي بعض ستات و رجالة

ولا المسألة عند بعض الناس زي فيلم طيور الظلام، و من أين للمارة في الشارع أن يعرفوا أنه خالها، و العاهرة أخدت براءة !

متأسف اني يبان كلامي عنيف شويتين

بس بجد انا شاكر لردك المحترم